| ១២ ព្រះយេហូវ៉ានៃពួកពលបរិវារ ទ្រង់មានព្រះបន្ទូលដូច្នេះថា នៅស្រុកនេះដែលខូចបង់ ឥតមានមនុស្សឬសត្វណាសោះ ហើយនៅអស់ទាំងទីក្រុង នោះនឹងមានទីលំនៅរបស់ពួកអ្នកគង្វាល ដែលឲ្យហ្វូងសត្វរបស់គេដេកសំរាកម្តងទៀត ១៣ ហ្វូងសត្វនឹងចូលក្រោមដៃនៃអ្នកដែលរាប់វាម្តងទៀត នៅអស់ទាំងទីក្រុងនៅស្រុកភ្នំ ស្រុកទំនាប ស្រុកត្បូង ស្រុកបេនយ៉ាមីន និងគ្រប់កន្លែងជុំវិញក្រុងយេរូសាឡិម ហើយនៅទីក្រុងស្រុកយូដាទាំងប៉ុន្មានផង នេះជាព្រះបន្ទូលនៃព្រះយេហូវ៉ា។១៤ ព្រះយេហូវ៉ាទ្រង់មានព្រះបន្ទូលថា មើល នឹងមានគ្រាមកដល់ ដែលអញនឹងសំរេចតាមពាក្យល្អ ដែលអញបាននិយាយពីដំណើរពួកវង្សអ៊ីស្រាអែល និងពួកវង្សយូដា ១៥ នៅគ្រានោះ គឺនៅជាន់នោះឯង អញនឹងធ្វើឲ្យមានលំពង់ដ៏សុចរិតពន្លកឡើងដល់ដាវីឌ លំពង់នោះទ្រង់នឹងសំរេចសេចក្តីយុត្តិធម៌ និងសេចក្តីសុចរិតនៅក្នុងស្រុក ១៦ នៅគ្រានោះ ពួកយូដានឹងបានសង្គ្រោះ ហើយក្រុងយេរូសាឡិមនឹងនៅដោយសុខសាន្ត ឯលំពង់នោះ គេនឹងហៅថា «ព្រះយេហូវ៉ាដ៏ជាសេចក្តីសុចរិតនៃយើងរាល់គ្នា» ១៧ ដ្បិតព្រះយេហូវ៉ាទ្រង់មានព្រះបន្ទូលដូច្នេះថា ដាវីឌនឹងមិនដែលអាក់ខានមានមនុស្ស សំរាប់អង្គុយលើបល្ល័ង្ករបស់ពូជពង្សនៃអ៊ីស្រាអែលឡើយ។ ១៨ ហើយពួកសង្ឃ និងពួកលេវី ក៏មិនដែលអាក់ខានមានមនុស្ស នៅចំពោះអញសំរាប់ថ្វាយដង្វាយដុត ដង្វាយម្សៅ ហើយនឹងយញ្ញបូជាជាប់នៅជានិច្ចដែរ។១៩ ព្រះបន្ទូលនៃព្រះយេហូវ៉ា បានមកដល់យេរេមាថា ២០ ព្រះយេហូវ៉ាទ្រង់មានព្រះបន្ទូលដូច្នេះ បើសិនជាឯងរាល់គ្នាអាចនឹងផ្តាច់សេចក្តីសញ្ញារបស់អញ ពីដំណើរថ្ងៃ និងយប់ ដើម្បីមិនឲ្យមានថ្ងៃឬយប់តាមធម្មតាបាន ២១ នោះសេចក្តីសញ្ញាដែលអញបានតាំងនឹងដាវីឌ ជាអ្នកបំរើអញក៏នឹងផ្តាច់ទៅបានដែរ ដើម្បីមិនឲ្យដាវីឌមានកូនចៅណាមួយសោយរាជ្យ នៅលើបល្ល័ង្ករបស់លោក ព្រមទាំងសេចក្តីសញ្ញា ដែលតាំងនឹងពួកលេវីដ៏ជាសង្ឃ ជាពួកអ្នកដែលទទួលការងាររបស់អញផង ២២ ហើយដូចជាពុំអាចនឹងរាប់ពួកពលបរិវារនៅលើមេឃ ឬវាល់ខ្សាច់នៅសមុទ្រជាយ៉ាងណា នោះអញនឹងចំរើនពូជដាវីឌ ជាអ្នកបំរើអញ និងពួកលេវី ជាពួកអ្នកទទួលការងាររបស់អញឲ្យមានច្រើនឡើងយ៉ាងនោះដែរ។២៣ រួចព្រះបន្ទូលនៃព្រះយេហូវ៉ា បានមកដល់យេរេមាថា ២៤ ឯងមិនបានពិចារណាសេចក្តីដែលជនជាតិទាំងនេះពោលថា គ្រួទាំង២ដែលព្រះយេហូវ៉ាបានរើសតាំងនោះទ្រង់បានបោះបង់ចោលវិញទេឬអី គឺយ៉ាងនោះដែលគេមើលងាយដល់រាស្ត្រអញ ដោយបំណងនឹងឲ្យគេលែងធ្វើជានគរនៅមុខខ្លួនតទៅ ២៥ ដូច្នេះ ព្រះយេហូវ៉ាទ្រង់មានព្រះបន្ទូលថា បើសិនជាសេចក្តីសញ្ញាពីដំណើរថ្ងៃហើយនឹងយប់ មិនស្ថិតស្ថេរនៅ បើអញមិនបានតាំងអស់ទាំងរបៀបនៃផ្ទៃមេឃ និងផែនដីទេ ២៦ នោះអញនឹងបោះបង់ចោលពូជពង្សយ៉ាកុប និងដាវីឌ ជាអ្នកបំរើរបស់អញបានដែរ ដើម្បីមិនឲ្យពូជលោកណាមួយបានតាំងឡើងជាអ្នកគ្រប់គ្រង លើពូជនៃអ័ប្រាហាំ អ៊ីសាក និងយ៉ាកុបឡើយ ដ្បិតអញនឹងនាំពួកគេ ដែលជាប់ជាឈ្លើយ ឲ្យបានមកវិញ ហើយនឹងអាណិតមេត្តាដល់គេផង។ ការយល់ដឹងពីអត្ថបទ ព្រះរាជាដែលជារាជវង្សរបស់ស្ដេចដាវីឌនឹងសោយរាជ្យលើទឹកដីអ៊ីស្រាអែលម្ដងទៀត ហើយក្រុងយេរូសាឡិមនឹងក្លាយទៅជាក្រុងនៃសេចក្ដីសង្គ្រោះរបស់ព្រះជាម្ចាស់។ ទាំងស្ដេច ទាំងក្រុងយេរូសាឡិមនឹងក្លាយទៅជាទីសម្គាល់បង្ហាញពីសិរីរុងរឿង និងភាពសុចរិតរបស់ព្រះ អង្គ។រាជវង្សស្ដេចដាវីឌ ព្រមទាំងពួកសង្ឃនឹងរួមគ្នាជាធ្លុងមួយធ្វើការហើយថ្វាយបង្គំព្រះជាម្ចាស់ជានិច្ច។ ព្រះអង្គពិតជានឹងសម្រេចនូវសម្ព័ន្ធមេត្រីរបស់ទ្រង់ ដែលបានធ្វើជាមួយនឹងរាជវង្សស្ដេចដាវីឌ និងកុលសម្ព័ន្ធលេវី ដូចជាយប់ និងថ្ងៃ ដែលតែងតែកើតមានឡើងជានិច្ចដែរ។ អ្នកកាន់អំណាចស៊ីវិល និងសាសនា នឹងធ្វើការរួមគ្នាដើម្បីផលប្រយោជន៍ប្រជារាស្ដ្រ ដូចដែលព្រះអង្គបានរៀបចំទុកជាមុន។ពេលដែលព្រះជាម្ចាស់ដាក់ទណ្ឌកម្មដល់អ៊ីស្រាអែល និងយូដា មានមនុស្សមួយចំនួនអះអាងថា ព្រះបានបោះបង់ប្រជាជាតិទាំងពីរនេះចោលហើយ។ព្រះអង្គបានមានបន្ទូលទៅកាន់លោកយេរេមាថា ព្រះអង្គមិនបានធ្វើដូច្នេះទេ។ទោះបីពួកគេប្រព្រឹត្ដអំពើបាបក៍ដោយ ក៍គេនៅតែជាកូនចៅជំនាន់ក្រោយរបស់លោកអ័ប្រាហាំ អ៊ីសាក និងយ៉ាកុប ហើយគេនៅតែជារាស្ដ្ររបស់ព្រះដដែល។ ១. តើខគម្ពីរមួយណាដែលព្រះប្រទានមកខ្ញុំនៅថ្ងៃនេះ? …………………………………………………………………………………………………………………………………………….។ ២. ហេតុអ្វីបានជាទ្រង់ប្រទានព្រះបន្ទូលនេះមកខ្ញុំ? ទូលបង្គំនឹងទទួលតាម។ …………………………………………………………………………………………………………………………………………….។ ៣. ប្រសិនបើកូនបានធ្វើតាមព្រះបន្ទូលទ្រង់ហើយ តើទ្រង់នឹងប្រទានអ្វីមកដល់ទូលបង្គំ? …………………………………………………………………………………………………………………………………………….។ សេចក្តីអធិស្ឋាន …………………………………………………………………………………………………………………………………………….។ |
ស្តេចយេហូយ៉ាគីមដុតក្រាំងរបស់ព្យាការីយេរេមា យេរេមា 36:1-10 26 September 2026
១ នៅឆ្នាំទី៤ក្នុងរាជ្យនៃយេហូយ៉ាគីម ជាបុត្រយ៉ូសៀសស្តេចយូដា ព្រះបន្ទូលនេះបានមកពីព្រះយេហូវ៉ាដល់យេរេមាថា ២ ចូរយកក្រាំង១មកកត់អស់ទាំងពាក្យដែលអញបានប្រាប់ដល់ឯង ទាស់ និងពួកអ៊ីស្រាអែល និងពួកយូដា ហើយទាស់នឹងសាសន៍ទាំងប៉ុន្មាន...
