១ នេះជាព្រះបន្ទូលដែលមកពីព្រះយេហូវ៉ា ដល់យេរេមា នៅក្នុងរាជ្យនៃយេហូយ៉ាគីម ជាបុត្រយ៉ូសៀសស្តេចយូដាថា ២ ចូរទៅឯផ្ទះនៃពួករេកាប និយាយនឹងគេហើយនាំគេចូលទៅឯបន្ទប់១ ក្នុងព្រះវិហារនៃព្រះយេហូវ៉ាចុះ រួចចាក់ស្រាទំពាំងបាយជូរឲ្យគេផឹកទៅ ៣ ដូច្នេះ ខ្ញុំក៏នាំយកយ្អាសានា ជាកូនយេរេមា ដែលជាកូនហាបា-ស៊ីនា ព្រមទាំងពួកបងប្អូននឹងកូនចៅគាត់ ហើយពូជពង្សនៃពួករេកាបទាំងអស់គ្នា ៤ ចូលទៅក្នុងព្រះវិហារនៃព្រះយេហូវ៉ា គឺក្នុងបន្ទប់របស់កូនចៅហាណាន ជាកូនយីកដាលាអ្នកសំណប់របស់ព្រះ ដែលនៅផ្ទាប់នឹងបន្ទប់របស់ពួកចៅហ្វាយ នៅពីលើបន្ទប់របស់ម្អាសេយ៉ា កូនសាលូម ជាអ្នកឆ្មាំទ្វារ ៥ រួចខ្ញុំដាក់ដបស្រាទំពាំងបាយជូរ និងពែងនៅមុខកូនចៅនៃពួករេកាប ហើយប្រាប់ថា អញ្ជើញពិសាស្រាទំពាំងបាយជូរចុះ ៦ តែគេឆ្លើយតបថា យើងរាល់គ្នាមិនព្រមទទួលទានស្រាទំពាំងបាយជូរទេ ពីព្រោះយ៉ូណាដាប ជាកូនរេកាប ព្ធយុកោយើងបានផ្តាំថា កុំឲ្យឯងរាល់គ្នាផឹកស្រាទំពាំងបាយជូរឡើយ ទោះទាំងឯង ឬកូនចៅឯងតរៀងទៅ ៧ ក៏មិនត្រូវឲ្យឯងធ្វើផ្ទះ ឬសាបព្រោះ ឬដាំ ឬមានចំការទំពាំងបាយជូរឡើយ គឺឯងរាល់គ្នាត្រូវនៅក្នុងត្រសាលអស់១ជីវិត ដើម្បីឲ្យបានរស់ជាយឺនយូរ នៅក្នុងស្រុកដែលឯងរាល់គ្នាកំពុងស្នាក់នៅនោះ ៨ ហើយយើងរាល់គ្នាបានស្តាប់បង្គាប់យ៉ូណាដាប ជាកូនរេកាប ដែលជាព្ធយុកោយើង តាមគ្រប់ទាំងសេចក្តីដែលគាត់បានផ្តាំមក គឺមិនបានទទួលទានស្រាទំពាំងបាយជូរដរាបដល់អស់១ជីវិតយើង ព្រមទាំងប្រពន្ធ និងកូនប្រុសកូនស្រីរបស់យើងផង ៩ ក៏មិនបានធ្វើផ្ទះសំរាប់អាស្រ័យនៅ ហើយគ្មានដំណាំទំពាំងបាយជូរ ឬចំការ ឬពូជពង្រោះណាផង ១០ គឺយើងរាល់គ្នាបានអាស្រ័យនៅតែក្នុងត្រសាល ហើយបានស្តាប់បង្គាប់ ទាំងប្រព្រឹត្តតាមគ្រប់សេចក្តីដែលយ៉ូណាដាប ជាព្ធយុកោយើងបានផ្តាំទុក ១១ ប៉ុន្តែកាលនេប៊ូក្នេសា ជាស្តេចបាប៊ីឡូនបានឡើងមកក្នុងស្រុក នោះយើងបាននិយាយគ្នាថា ចូរយើងចូលទៅក្នុងក្រុងយេរូសាឡិម ឲ្យរួចពីពួកទ័ពខាល់ដេ និងពួកទ័ពស៊ីរីចេញ ហេតុនោះបានជាយើងរាល់គ្នា អាស្រ័យនៅក្នុងក្រុងយេរូសាឡិមសព្វថ្ងៃនេះ។
ការយល់ដឹងពីអត្ថបទ
ព្រះជាម្ចាស់ប្រើគំរូដ៏ស្មោះត្រង់របស់កុលសម្ព័ន្ធរេកាបដើម្បីប្រៀបធៀបយ៉ាងច្បាស់នូវការគោរពប្រតិបត្តិយ៉ាងតឹងរ៉ឹងរបស់ពួកគេចំពោះបុព្វបុរសនៅលើផែនដីជាមួយនឹងការមិនស្តាប់បង្គាប់ម្តងហើយម្តងទៀតរបស់ប្រជាជាតិយូដាចំពោះព្រះជាម្ចាស់។ ព្រះជាម្ចាស់ប្រើភាពផ្ទុយគ្នានេះដើម្បីប្រកាសពីការវិនិច្ឆ័យដែលនឹងមកដល់ស្រុកយូដា និងដើម្បីសន្យាអំពីពរជ័យដ៏ស្ថិតស្ថេរដល់ពួករេកាបដ៏ស្មោះត្រង់។ហើយនៅពេលដែលពួកបាប៊ីឡូនបានឈ្លានពានក្រុងយេរ៉ូសាឡិម ហើយនាំពួកទីក្រុងទាំងអស់ទៅជាទាសករនៅក្រុងបាប៊ីឡូនបាត់អស់ទៅ ពួករេកាបបានភាសខ្លួនមករស់នៅក្នុងក្រុងយេរូសាឡិមជាបណ្ដោះអាសន្ន។ពេលនេះលោកយេរេមាបានយករឿងរ៉ាវរបស់ពួករេកាប ធ្វើជាមេរៀនសម្រាប់ដាស់តឿនពួកយូដា។ពួករេកាបរក្សាបាននូវភាពស្មោះត្រង់ចំពោះច្បាប់បុព្វបុរសរបស់ពួកគេ ប៉ុន្ដែពួកយូដាមិនបានស្មោះត្រង់ នឹងបញ្ញតិច្បាប់របស់ព្រះយេហូវ៉ាទេ។ហេតុនេះព្រះនឹងថែរក្សាការពារពួកគេអោយរួចផុតពីសេចក្ដីស្លាប់ ដែលនឹងកើតឡើងចំពោះក្រុងយេរ៉សាឡិម។
១. តើខគម្ពីរមួយណាដែលទ្រង់ប្រទានមកខ្ញុំនៅថ្ងៃនេះ?
……………………………………………………………………………………………………………………………………………….។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។
……………………………………………………………………………………………………………………………………………….។
៣. ប្រសិនបើកូនបានស្តាប់បង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ?
……………………………………………………………………………………………………………………………………………….។
សេចក្តីអធិស្ឋាន
……………………………………………………………………………………………………………………………………………….។
