១ ខ្ញុំជាដើមទំពាំងបាយជូរដ៏ពិត ហើយព្រះវរបិតាខ្ញុំជាអ្នកដាំ ២ អស់ទាំងខ្នែងណាដុះចេញពីខ្ញុំ ដែលមិនបង្កើតផលផ្លែ នោះទ្រង់កាត់ចោល តែអស់ទាំងខ្នែងណា ដែលបង្កើតផលផ្លែ នោះទ្រង់លួសខ្នែងនោះវិញ ដើម្បីឲ្យបានផលផ្លែជាច្រើនឡើង ៣ ឯអ្នករាល់គ្នា បានស្អាតហើយ ដោយសារពាក្យដែលខ្ញុំបានប្រាប់ ៤ ចូរនៅជាប់នឹងខ្ញុំ ហើយខ្ញុំជាប់នឹងអ្នករាល់គ្នាចុះ ប្រៀបដូចជាខ្នែង បើមិននៅជាប់នឹងគល់ នោះពុំអាចនឹងបង្កើតផលដោយឯកឯងបានទេ ដូច្នេះ អ្នករាល់គ្នាក៏ពុំបានដែរ លើកតែនៅជាប់នឹងខ្ញុំ ៥ ខ្ញុំជាគល់ អ្នករាល់គ្នាជាខ្នែង អ្នកណាដែលនៅជាប់នឹងខ្ញុំ ហើយខ្ញុំជាប់នឹងអ្នកនោះ នោះទើបនឹងបង្កើតផលឡើងជាច្រើន ដ្បិតបើដាច់ពីខ្ញុំចេញ នោះអ្នករាល់គ្នាពុំអាចនឹងធ្វើអ្វីបានទេ ៦ បើអ្នកណាមិននៅជាប់នឹងខ្ញុំ អ្នកនោះត្រូវបោះចោលទៅខាងក្រៅ ហើយក៏ក្រៀមទៅដូចជាខ្នែងដែរ រួចគេប្រមូលបោះទៅក្នុងភ្លើងឆេះអស់ទៅ ៧ បើអ្នករាល់គ្នានៅជាប់នឹងខ្ញុំ ហើយពាក្យខ្ញុំនៅជាប់ក្នុងអ្នករាល់គ្នា នោះចូរសូមអ្វីតាមតែប្រាថ្នាចុះ សេចក្តីនោះនឹងបានសំរេចដល់អ្នករាល់គ្នាជាមិនខាន ៨ ព្រះវរបិតាខ្ញុំបានដំកើងឡើង ដោយសេចក្តីនេះឯង គឺដោយអ្នករាល់គ្នាបង្កើតផលជាច្រើន យ៉ាងនោះអ្នករាល់គ្នានឹងធ្វើជាសិស្សខ្ញុំមែន។
ការយល់ដឹងពីអត្ថបទ
សម្រាប់អ្នកជឿផ្ទាល់ពួកគេគ្មានជីវិតនិងអំណាចខាងព្រលឹងវិញ្ញាណទេ អ្វីៗដែលគេមានគឺបានមកពីព្រះយេស៊ូវ បើប្រៀបធៀបព្រះអង្គទៅនឹងដើមទំពាំងបាយជូរ ពួកគេគឺជាខ្លែង មានន័យថា ពួកគេអាចបង្កើតផលផ្លែខាងព្រលឹងវិញ្ញាណបាន លុះត្រាតែពួកគេនៅជាប់ជាមួយនឹងព្រះអង្គ។ពេលពួកគេអនុញ្ញាតអោយព្រះវរបិតាលាងសម្អាតអំពើបាបពីជីវិតរបស់ពួកគេ នោះពួកគេអាចនឹងបង្កើតផលផ្លែបានកាន់តែច្រើន។អ្នកដែលមិនបង្កើតផលផ្លែនោះប្រៀបដូចជាខ្នែងងាប់។ទោះបីជានៅជាប់នឹងដើមក៍វាមិនបានទទួលជីវិតពីដើមដែរ។គេអះអាងថា គេជាសិស្សរបស់ព្រះយេស៊ូវ ប៉ុន្ដែគេគ្មានទំនាក់ទំនងខាងព្រលឹងវិញ្ញាណជាមួយនឹងព្រះអង្គទេ ហើយនៅទីបំផុតពួកគេនឹងត្រូវបំផ្លាញចោល មនុស្សប្រភេទនោះគឺដូចជាយូដាស អ៊ីស្ការីយ៉ុតអញ្ចឹង។
ព្រះបន្ទូលដែលប្រទានមកខ្ញុំនៅថ្ងៃនេះ
……………………………………………………………………………………………………………………………………………………………………………។
១. ហេតុអ្វីបានជាព្រះប្រទានខគម្ពីរនេះមកខ្ញុំដូចច្នេះ? ខ្ញុំនឹងទទួលតាម។
……………………………………………………………………………………………………………………………………………………………………………។
២. ប្រសិនបើកូនធ្វើតាមបង្គាប់ទ្រង់ហើយ តើទ្រង់នឹងប្រទានអ្វីដល់ទូលបង្គំ?
……………………………………………………………………………………………………………………………………………………………………………។
សេចក្តីអធិស្ឋាន
……………………………………………………………………………………………………………………………………………………………………………។
