| ២៣ សេចក្តីទាំងនេះក៏ជាពាក្យពោលទុក របស់ពួកអ្នកប្រាជ្ញាដែរ គឺថា ការដែលយោគយល់ខាងអ្នកណាក្នុងរឿងក្តី នោះមិនល្អទេ ២៤ អ្នកណាដែលកាត់ឲ្យមនុស្សអាក្រក់ថា ឯងសុចរិតទេ នោះបណ្តាជននឹងប្រទេចផ្តាសាដល់អ្នកនោះ ហើយអស់ទាំងសាសន៍នឹងស្អប់ខ្ពើមអ្នកនោះដែរ ២៥ តែឯអ្នកណាដែលបន្ទោសដល់មនុស្សអាក្រក់វិញ គេនឹងពេញចិត្តចំពោះអ្នកនោះ ហើយនឹងមានពរយ៉ាងវិសេសមកស្ថិតលើអ្នកនោះដែរ ២៦ អ្នកណាដែលតបឆ្លើយ ដោយពាក្យត្រឹមត្រូវ នោះគេនឹងថើបអ្នកនោះដោយបបូរមាត់។២៧ ចូរត្រៀមការឯងនៅខាងក្រៅចុះ ហើយរៀបចំសំរាប់ខ្លួន នៅឯវាលជាមុនសិន ទើបសង់ផ្ទះឯងឡើងជាក្រោយ។២៨ កុំឲ្យធ្វើបន្ទាល់ទាស់នឹងអ្នកជិតខាង ដោយឥតហេតុឡើយ ក៏កុំឲ្យបញ្ឆោតដោយបបូរមាត់ឯងដែរ ២៩ កុំឲ្យពោលដូច្នេះឡើយថា អញនឹងប្រព្រឹត្តដល់គេដូចជាគេបានប្រព្រឹត្តដល់អញដែរ អញនឹងសង់ដល់អ្នកនោះតាមការដែលគេបានប្រព្រឹត្តរួចហើយ។៣០ យើងបានដើរក្បែរចំការរបស់មនុស្សខ្ជិលច្រអូសហើយក្បែរដំណាំទំពាំងបាយជូររបស់មនុស្សដែលឥតមានប្រាជ្ញា ៣១ នោះឃើញថា មានបន្លាដុះគ្របពេញហើយ ដីនោះដេរដាសដោយព្រៃទ្រុបទ្រុល ឯកំផែងក៏រលំដែរ ៣២ នោះយើងបានរំពឹងមើល ហើយពិចារណាដោយល្អិតក៏យល់ឃើញ ហើយទទួលសេចក្តីបង្រៀនថា ៣៣ ដេកបន្តិច ងោកបន្តិច ឱបដៃនឹងដេកបន្តិច ៣៤ យ៉ាងនោះសេចក្តីកំសត់ទុគ៌តរបស់ឯង និងលោមកដល់ដូចជាចោរប្លន់ ព្រមទាំងសេចក្តីខ្វះខាត ដូចជាមនុស្សកាន់គ្រឿងអាវុធផង។ ការយល់ដឹងពីអត្ថបទ មនុស្សគ្រប់គ្នាតែងគោរពដល់ចៅក្រមយុត្ដិធម៌ ហើយស្អប់អ្នកដែលប្រកាន់បក្សពួក។មនុស្សឆ្លាតគិតគូរពីប្រាក់ដែលខ្លួនមាន មុននឹងសាងសង់ផ្ទួះ។ ការសងសឹកគឺជារឿងអាក្រក់បំផុត ជាពិសេសនៅពេលដែលមនុស្សបូកបញ្ជូលការចោទប្រកាន់ក្លែងក្លាយដើម្បីយកឈ្នះ។បើមនុស្សដេកនៅពេលដែលគេត្រូវក្រោកឡើងធ្វើការនោះគឺគេបានបង្ហាញពីភាពល្ងង់ខ្លៅរបស់គេ ក៍ដូចជាភាពខ្ចិលច្រអូសដែរ។គេនឹងជួបប្រទះភាពក្រីក្រ និងអាប់ឳនកិត្ដិយស។ ព្រះបន្ទូលដែលព្រះប្រទានមកនៅថ្ងៃនេះ ………………………………………………………………………………………………………………………………………………………………….។ ១. ហេតុអ្វីបានជាទ្រង់ប្រទានខគម្ពីរនេះមកខ្ញុំ? ខ្ញុំនឹងធ្វើតាមទ្រង់។ ………………………………………………………………………………………………………………………………………………………………….។ ២. ព្រះអង្គសន្យាថានឹងប្រទានអ្វីមកខ្ញុំ តាមរយៈខគម្ពីរនេះ? ………………………………………………………………………………………………………………………………………………………………….។ សេចក្តីអធិស្ឋាន ………………………………………………………………………………………………………………………………………………………………….
|
