| ៥ ១ទៀត ដែលស្រាទំពាំងបាយជូរជាគ្រឿងបញ្ឆោតយ៉ាងណា មនុស្សអំនួតក៏មិនចេះនៅផ្ទះខ្លួនដូច្នោះដែរ គេពង្រីកសេចក្តីប៉ងប្រាថ្នារបស់ខ្លួនឲ្យធំដូចជាស្ថានឃុំព្រលឹងមនុស្សស្លាប់ ហើយក៏ដូចជាសេចក្តីស្លាប់ ដែលមិនចេះឆ្អែតឆ្អន់ គឺគេកៀរប្រមូលអស់ទាំងសាសន៍មកឯខ្លួន ក៏បំព្រួមជនជាតិទាំងឡាយទុកសំរាប់ខ្លួនដែរ ៦ ឯពួកទាំងនោះតើមិនចាប់ផ្តើមនិយាយពាក្យប្រៀបធៀប និងពាក្យប្រស្នាដែលបញ្ឈឺចិត្តទេឬអី ដោយពាក្យថា វេទនាដល់មនុស្សដែលចំរើនរបស់ទ្រព្យ ដែលមិនមែនជារបស់ខ្លួនទេ ហើយផ្ទុកខ្លួនដោយរបស់ដែលទទួលបញ្ចាំផង តើនឹងបានដូច្នេះដល់កាលណាទៅ ៧ តើមិនត្រូវឲ្យមានពួកអ្នកកើតឡើង ដែលនឹងខាំឯងជា១រំពេច និងពួក១ភ្ញាក់ឡើងធ្វើទុក្ខឯងទេឬ នោះឯងនឹងត្រូវជារបឹបដល់គេវិញ ៨ ហើយពីព្រោះឯងបានប្លន់សាសន៍ជាច្រើន នោះសំណល់នៃជនជាតិទាំងឡាយនឹងប្លន់ឯងវិញ ដោយព្រោះឈាមមនុស្ស និងការច្រឡោត ដែលបានធ្វើនៅក្នុងស្រុកគេ ហើយដល់ទីក្រុង និងអស់មនុស្សដែលនៅក្នុងក្រុងនោះផង។៩ វេទនាដល់មនុស្សដែលបានកំរៃទុច្ចរិតសំរាប់ផ្ទះខ្លួន ដើម្បីនឹងតាំងសំបុកខ្លួននៅលើទីខ្ពស់ ឲ្យបានរួចពីកណ្តាប់ដៃនៃសេចក្តីអាក្រក់ ១០ ឯងគិតគូរបង្កើតសេចក្តីអាម៉ាស់ខ្មាសដល់ផ្ទះឯងវិញ ដោយផ្តាច់ផ្តិលជនជាតិជាច្រើន ក៏មានបាបទាស់នឹងព្រលឹងឯងហើយ ១១ ដ្បិតថ្មជញ្ជាំងនឹងស្រែកចេញមក ហើយធ្នឹមនៅកណ្តាលអស់ទាំងគ្រឿងឈើនឹងឆ្លើយទទួល។ ១២ វេទនាដល់អ្នកណាដែលតាំងភូមិ ដោយកំចាយឈាម ហើយសង់ទីក្រុងដោយការទុច្ចរិត ១៣ មើល ដែលជនជាតិទាំងឡាយខំធ្វើការសំរាប់តែឲ្យភ្លើងឆេះ ហើយសាសន៍ទាំងប៉ុន្មាន ក៏ប្រឹងធ្វើនឿយហត់ជាឥតប្រយោជន៍ នោះតើមិនមកពីព្រះយេហូវ៉ានៃពួកពលបរិវារទេឬ ១៤ ដ្បិតមនុស្សនឹងស្គាល់ដល់សិរីល្អនៃព្រះយេហូវ៉ា នៅពេញលើផែនដី ដូចជាទឹកក៏នៅពេញសមុទ្រដែរ។ ការយល់ពីអត្ថបទ៖ លោកហោរាហាបាគូកបានប្រកាសថ្កោលទោសដល់មនុស្សដោយលើកយកការអាក្រក់៥យ៉ាងដែលព្រះចំបាច់ដាក់ទណ្ឌកម្មដល់ពួកគេ។គាត់បានចាប់ថ្កោលទោសដោយពាក្យថា៖”វេទនាដល់មនុស្ស វេទនាដល់អ្នកណា…” (សម្រាយថា អ្នកមុខជា…) ពួកមនុស្សទុច្ចរិតនៅត្រង់នេះប្រហែលសំដៅទៅលើពួកបាប៊ីឡូន ប៉ុន្ដែចំពោះការផ្ដន្ទាទោសនោះសំដៅទៅលើពួកយូដាវិញ។តាមពិតគឺមានន័យសម្រាប់មនុស្សគ្រប់ជំនាន់ និងគ្រប់ពូជសាសន៍។លោកហាបាគូកបានប្រៀបធៀបពួកបាប៊ីឡូនទៅនឹងពួកចងការប្រាក់ ដែលជាមូលហេតុសំខាន់បណ្ដាលអោយមានអំពើអយុត្ដិធម៌ និងភាពក្រីក្រក្នុងសង្គមកើតឡើង។ពួកនេះគេចងការប្រាក់យ៉ាងខ្ពស់រហូតដល់កូនបំណុលមិនអាចសងវិញបាន។បន្ទាប់មកពួកគេក៍ចាប់មនុស្សយកធ្វើជាថ្នូរ ដើម្បីបង្កើនអំណាចរបស់គេ។តែថ្ងៃមួយពួកទាសករទាំងនេះនឹងក្រោកឡើងបះបោរ ហើយវាយរម្លំម្ចាស់បំណុលរបស់ពួកគេមិនអោយដឹងខ្លួនជាមុនទេ។ពួកគេនឹងតបស្នងទៅម្ចាស់បំណុលវិញដូចដែលម្ចាស់បំណុលធ្លាប់បានធ្វើមកលើរូបពួកគេដែរ។ ព្រះបន្ទូលដែលប្រទានមកខ្ញុំនៅថ្ងៃនេះ ………………………………………………………………………………………………………………………………………………………………………………… ១. ហេតុអ្វីបានជាព្រះទ្រង់ប្រទានខគម្ពីរនេះមកខ្ញុំ? ខ្ញុំនឹងធ្វើតាម។ ………………………………………………………………………………………………………………………………………………………………………………… ២. ប្រសិនបើខ្ញុំធ្វើតាមព្រះបន្ទូលទ្រង់ហើយ តើទ្រង់នឹងប្រទានអ្វីមកខ្ញុំ? ………………………………………………………………………………………………………………………………………………………………………………… សេចក្តីអធិស្ឋាន៖ ………………………………………………………………………………………………………………………………………………………………………………..
|
