១២ កាលទូលបង្គំនៅក្នុងលោកីយ៍ជាមួយនឹងគេ នោះទូលបង្គំបានរក្សាគេ ដោយព្រះនាមទ្រង់ដែរ ទូលបង្គំបានរក្សាទុកនូវអស់អ្នក ដែលទ្រង់ប្រទានមកទូលបង្គំ គ្មានអ្នកណាមួយត្រូវវិនាសឡើយ បានវិនាសតែ១នាក់នោះ ដែលបានតម្រូវឲ្យត្រូវវិនាសប៉ុណ្ណោះ ដើម្បីឲ្យបានសំរេចតាមបទគម្ពីរ ១៣ ឥឡូវនេះ ទូលបង្គំទៅឯទ្រង់ តែទូលបង្គំថ្លែងសេចក្តីទាំងនេះ នៅក្នុងលោកីយ៍ ដើម្បីឲ្យគេបានសេចក្តីអំណររបស់ទូលបង្គំ ឲ្យនៅពោរពេញក្នុងខ្លួនគេ ១៤ ទូលបង្គំបានឲ្យព្រះបន្ទូលទ្រង់ដល់គេ ហើយលោកីយ៍បានស្អប់គេ ពីព្រោះគេមិនមែនជារបស់លោកីយ៍ទេ ដូចជាទូលបង្គំក៏មិនមែនជារបស់លោកីយ៍ដែរ ១៥ ទូលបង្គំមិនសូមឲ្យយកគេចេញពីលោកីយ៍ទេ គឺសូមឲ្យទ្រង់រក្សាគេ ឲ្យរួចពីសេចក្តីអាក្រក់វិញ ១៦ គេមិនមែនជារបស់ផងលោកីយ៍ ដូចជាទូលបង្គំក៏មិនមែនជារបស់លោកីយ៍ដែរ ១៧ សូមញែកគេចេញជាបរិសុទ្ធ ដោយសារសេចក្តីពិតរបស់ទ្រង់ ឯសេចក្តីពិត គឺជាព្រះបន្ទូលរបស់ទ្រង់ ១៨ ទូលបង្គំបានចាត់គេឲ្យទៅក្នុងលោកីយ៍ ដូចជាទ្រង់ចាត់ទូលបង្គំ ឲ្យមកក្នុងលោកីយ៍ដែរ ១៩ ឯទូលបង្គំក៏ញែកខ្លួនចេញជាបរិសុទ្ធដោយយល់ដល់គេ ដើម្បីឲ្យគេបានញែកចេញជាបរិសុទ្ធ ដោយសារសេចក្តីពិតដែរ។
ការយល់ដឹងពីអត្ថបទ
សម្ពន្ធភាពរវាងព្រះយេស៊ូវនិងពួកសិស្សគឺជាការបង្ហាញអោយឃើញពីសម្ពន្ធភាពរវាងព្រះវរបិតានិងព្រះរាជបុត្រាដែរ។ព្រះយេស៊ូវបានអធិស្ឋានសុំអោយពួកគេមានជំនឿស្មោះត្រង់នឹងទ្រង់ កុំអោយពួកគេចាញ់អំណាចរបស់សាតាំងដែលកំពុងតែស្ថិតនៅក្នុងពិភពលោកនេះអោយសោះ។ទ្រង់សព្វព្រះទ័យអោយគេរួមគ្នាទទួលអំណរដ៏ធំធេងជាមួយនឹងទ្រង់ដែលនឹងបានទទួលតាមរយៈការបញ្ចប់កិច្ចការ ដែលព្រះជាម្ចាស់បានប្រគល់មកអោយទ្រង់ធ្វើនោះ។ ពេលព្រះយេស៊ូវចាកចេញពីពិភពលោក សិស្សទ្រង់នឹងធ្វើកិច្ចការរបស់ទ្រង់បន្ដទៀត។ហេតុនេះហើយព្រះអង្គអធិស្ឋានថា សូមកុំអោយពួកគេចុះចាញ់ដោយសារតែការស្អប់ខ្ពើមពីសំណាក់មនុស្សដទៃ ហើយក៍មិនត្រូវធ្វើខុស ដោយសារតែសេចក្ដីល្បួងរបស់អំពើបាបក្នុងលោកិយដែរ។ព្រះយេស៊ូវបានប្រគល់អង្គទ្រង់ថ្វាយព្រះវរបិតា ដើម្បីកិច្ចការរបស់ព្រះអង្គហើយព្រះអង្គក៍សព្វព្រះហឫទ័យអោយពួកសិស្សថ្វាយជីវិតរបស់គេដល់ព្រះវរបិតា ក្នុងការផ្សព្វផ្សាយដំណឹងល្អរបស់ព្រះអង្គទៅកាន់ពិភពលោកដែរ។
ព្រះបន្ទូលដែលប្រទានមកខ្ញុំនៅថ្ងៃនេះ
………………………………………………………………………………………………………………………………………………………………………………..។
១. តើហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ខ្ញុំនឹងធ្វើតាម។
………………………………………………………………………………………………………………………………………………………………………………..។
២. ប្រសិនបើខ្ញុំធ្វើតាមព្រះបន្តូលទ្រង់ហើយតើទ្រង់នឹងប្រទានអ្វីមកដល់ទូលបង្គំ?
………………………………………………………………………………………………………………………………………………………………………………..។
សេចក្តីអធិស្ឋាន
………………………………………………………………………………………………………………………………………………………………………………..។
