១ កាលព្រះយេស៊ូវមានព្រះបន្ទូលសេចក្តីទាំងនោះរួចហើយ នោះក៏ងើបព្រះនេត្រទៅលើមេឃ ទូលថា ឱព្រះវរបិតាអើយ កំណត់បានមកដល់ហើយ សូមដំកើងព្រះរាជបុត្រាទ្រង់ ដើម្បីឲ្យព្រះរាជបុត្រាបានដំកើងទ្រង់ដែរ ២ ដូចជាទ្រង់បានប្រទាន ឲ្យព្រះរាជបុត្រាមានអំណាច លើគ្រប់ទាំងមនុស្ស ដើម្បីនឹងប្រទានជីវិតដ៏នៅអស់កល្បជានិច្ច ដល់អ្នកដែលទ្រង់បានប្រទានមកព្រះរាជបុត្រាដែរ ៣ នេះជាជីវិតដ៏អស់កល្បជានិច្ច គឺឲ្យគេបានស្គាល់ដល់ទ្រង់ដ៏ជាព្រះពិតតែ១ នឹងព្រះយេស៊ូវគ្រីស្ទ ដែលទ្រង់បានចាត់ឲ្យមកផង ៤ ទូលបង្គំបានដំកើងទ្រង់ នៅផែនដី ទូលបង្គំបានបង្ហើយការ ដែលទ្រង់បានប្រគល់មកឲ្យធ្វើ៥ ឥឡូវនេះ ឱព្រះវរបិតាអើយ សូមដំកើងទូលបង្គំឡើងជាមួយនឹងទ្រង់ផង ដោយសិរីល្អដែលទូលបង្គំមានជាមួយនឹងទ្រង់ ក្នុងកាលដែលលោកីយ៍មិនទាន់បានកើតនៅឡើយ។៦ ឯពួកអ្នក ដែលទ្រង់បានប្រទានមកទូលបង្គំ អំពីមនុស្សលោក នោះទូលបង្គំបានបើកសំដែងឲ្យគេស្គាល់ព្រះនាមទ្រង់ អ្នកទាំងនោះជារបស់ផងទ្រង់ ហើយទ្រង់បានប្រទានគេមកទូលបង្គំ គេក៏កាន់តាមព្រះបន្ទូលទ្រង់ ៧ ឥឡូវនេះ គេដឹងថា គ្រប់ទាំងអស់ដែលទ្រង់ប្រទានមកទូលបង្គំ នោះសុទ្ធតែកើតពីទ្រង់មក ៨ ដ្បិតអស់ទាំងព្រះបន្ទូលដែលទ្រង់បានប្រទានមក នោះទូលបង្គំបានឲ្យដល់គេហើយ គេក៏ទទួលយក ហើយដឹងជាប្រាកដថា ទូលបង្គំចេញពីទ្រង់មក ក៏ជឿថា ទ្រង់ចាត់ឲ្យទូលបង្គំមកមែន ៩ ទូលបង្គំអធិស្ឋានឲ្យគេ មិនមែនអធិស្ឋានឲ្យលោកីយ៍ទេ គឺឲ្យអស់អ្នកដែលទ្រង់បានប្រទានមកទូលបង្គំវិញ ពីព្រោះគេជារបស់ផងទ្រង់ ១០ (របស់ទូលបង្គំទាំងអស់ជារបស់ផងទ្រង់ ហើយរបស់ទ្រង់ទាំងប៉ុន្មានក៏ជារបស់ផងទូលបង្គំដែរ) ទូលបង្គំបានថ្កើងឡើងក្នុងគេ ១១ អ្នកទាំងនេះនៅក្នុងលោកីយ៍ តែទូលបង្គំមិននៅក្នុងលោកីយ៍ទៀតទេ ទូលបង្គំនឹងទៅឯទ្រង់ ឱព្រះវរបិតាដ៏បរិសុទ្ធអើយ ឯពួកអ្នកដែលទ្រង់បានប្រទានមកទូលបង្គំ នោះសូមទ្រង់រក្សាគេដោយព្រះនាមទ្រង់ផង ដើម្បីឲ្យគេបានរួមគ្នាតែ១ ដូចជាយើងដែរ
ការយល់ដឹងពីអត្ថបទ
ក្រោយការប្រកាសពីជ័យជម្នះរបស់ព្រះអង្គលើពិភពលោក ព្រះបានអធិស្ឋានដែលបង្ហាញពីជ័យជម្នះទំាងស្រុងរបស់ទ្រង់។កិច្ចការរបស់ទ្រង់គឺជាការបើកបង្ហាញអោយពិភពលោកបានស្គាល់ព្រះវរបិតា ដើម្បីអោយមនុស្សអាចមានជីវិតអស់កល្បជានិច្ចតាមរយៈព្រះអង្គ។ព្រះយេស៊ូវបានអធិស្ឋានថា ដោយសារការសុគតនៅលើឈើឆ្កាង និងការបញ្ចប់ការងាររបស់ទ្រង់ដោយជោគជ័យ ព្រះអង្គនឹងនាំមកនូវសិរីរុងរឿងថ្វាយដល់ព្រះវរបិតា។ដូចគ្នាដែរ ការសុគតរបស់ទ្រង់នឹងធ្វើអោយទ្រង់ទទួលបានសិរីរុងរឿង ព្រោះវាបានធ្វើអោយទ្រង់ត្រឡប់ទៅកាន់ព្រះវរបិតាទ្រង់វិញ។ ទោះបីជាមានមនុស្សជាច្រើនមិនទទួលជឿលើព្រះយេស៊ូវក៍ដោយ ក៍មានមនុស្សខ្លះបានទទួលជឿព្រះអង្គដែរដូចជាពួកសាវកជាដើម។តាមរយៈភស្ដុតាងដែលគេបានឃើញនិងឮគេជឿថាព្រះយេស៊ូវជាព្រះពិតដែលព្រះវរបិតាបានចាត់មក ដើម្បីនាំអោយមនុស្សបានស្គាល់ព្រះវរបិតា។ ការអធិស្ឋានផ្នែកទីពីររបស់ព្រះយេស៊ូវ នោះគឺជាការអធិស្ឋានសម្រាប់ពួកសិស្ស។ទ្រង់បានអធិស្ឋានថា គេនឹងរស់នៅតាមរបៀបមួយ ដែលបង្ហាញពីសិរីរុងរឿងរបស់ព្រះអង្គអោយពិភពលោកបានឃើញ។
ព្រះបន្ទូលដែលព្រះប្រទានមកខ្ញុំនៅថ្ងៃនេះ
…………………………………………………………………………………………………………………………………………………………………………………..។
១. ហេតុអ្វីបានជាទ្រង់ប្រទានខម្ពីរនេះមកខ្ញុំ? ខ្ញុំនឹងទទួលតាម។
…………………………………………………………………………………………………………………………………………………………………………………..។
២. ប្រសិនបើកូនធ្វើតាមបង្គាប់ទ្រង់ហើយតើទ្រង់នឹងប្រទានអ្វីដល់ខ្ញុំ?
…………………………………………………………………………………………………………………………………………………………………………………..។
សេចក្តីអធិស្ឋាន
…………………………………………………………………………………………………………………………………………………………………………………..។
