២១ កាលព្រះយេស៊ូវ ទ្រង់មានព្រះបន្ទូលសេចក្តីទាំងនោះរួចហើយ នោះទ្រង់មានព្រះហឫទ័យតប់ប្រមល់ ហើយក៏ធ្វើបន្ទាល់ថា ប្រាកដមែន ខ្ញុំប្រាប់អ្នករាល់គ្នាជាប្រាកដថា មានពួកអ្នករាល់គ្នាម្នាក់នឹងបញ្ជូនខ្ញុំ ២២ ដូច្នេះ ពួកសិស្សក៏ងាកមើលគ្នាទៅវិញទៅមក មិនដឹងជាទ្រង់មានព្រះបន្ទូលពីអ្នកណាទេ ២៣ មានសិស្សម្នាក់ដែលព្រះយេស៊ូវស្រឡាញ់ គាត់អង្គុយនៅតុ ផ្អែកលើព្រះឧរាទ្រង់ ២៤ ដូច្នេះ ស៊ីម៉ូន-ពេត្រុសក៏ធ្វើគ្រឿងសំគាល់ ឲ្យអ្នកនោះទូលសួរព្រះយេស៊ូវ អំពីអ្នកណាដែលទ្រង់មានព្រះបន្ទូលនោះ ២៥ អ្នកនោះក៏ទូលសួរព្រះយេស៊ូវ ទាំងទំរេតលើព្រះឧរាទ្រង់ថា ព្រះអម្ចាស់អើយ តើអ្នកណា ២៦ ព្រះយេស៊ូវមានព្រះបន្ទូលឆ្លើយថា គឺជាអ្នកដែលខ្ញុំនឹងជ្រលក់ចំណិតនំបុ័ងហុចទៅឲ្យ រួចទ្រង់ជ្រលក់នំបុ័ង១ចំណិត ប្រទានទៅឲ្យយូដាស-អ៊ីស្ការីយ៉ុត ជាកូនស៊ីម៉ូន ២៧ ក្រោយដែលទទួលចំណិតនោះហើយ នោះអារក្សសាតាំងក៏ចូលវា រួចព្រះយេស៊ូវមានព្រះបន្ទូលទៅវាថា ការអ្វីដែលអ្នកគិតធ្វើ នោះចូរធ្វើជាប្រញាប់ទៅចុះ ២៨ ប៉ុន្តែ ក្នុងពួកអ្នកដែលអង្គុយនៅតុ គ្មានអ្នកណាដឹងជាទ្រង់មានព្រះបន្ទូលទៅវា ដោយហេតុអ្វីទេ ២៩ ខ្លះស្មានថា ដោយព្រោះយូដាសកាន់ថង់បា្រក់ បានជាព្រះយេស៊ូវ ទ្រង់ប្រាប់ឲ្យវាទៅទិញអីវ៉ាន់អ្វីនិមួយ ដែលត្រូវការសំរាប់បុណ្យនោះ ឬឲ្យវាចែកទានអ្វីដល់ពួកអ្នកក្រីក្រ ៣០ កាលវាបានទទួលចំណិតនំនោះវាក៏ចេញទៅជា១រំពេច ពេលនោះ យប់ហើយ។
ការយល់ដឹងពីអត្ថបទ
ព្រះយេស៊ូមានទុក្ខព្រួយយ៉ាងខ្លាំងនៅក្នុងវិញ្ញាណ ដោយបង្ហាញពីភាពជាមនុស្សរបស់ទ្រង់ និងទម្ងន់អារម្មណ៍ដ៏ជ្រាលជ្រៅនៃការត្រូវបានអ្នកដើរតាមដ៏ជិតស្និទ្ធម្នាក់ក្បត់។ នេះបង្ហាញថាការក្បត់នេះមិនមែនជារឿងគួរឱ្យភ្ញាក់ផ្អើលនោះទេ ប៉ុន្តែជាព្រឹត្តិការណ៍ដែលមើលឃើញទុកជាមុនដែលបណ្តាលឱ្យទ្រង់មានទុក្ខព្រួយ។ ព្រះយេស៊ូមិនបានធ្វើអោយយូដាស អាម៉ាស់មុខទេផ្ទុយទៅវិញទ្រង់បានផ្ដល់នូវកាយវិការ ទន់ភ្លន់ជាចុងក្រោយដោយទ្រង់ប្រទានចំណិតនំបុ័ងដល់យូដាស-អីស្ការីយ៉ុត ដែលព្រះយេស៊ូវចង់អោយគាត់ភ្ញាក់ខ្លួននឹងកែប្រែចិត្ដឡើងវិញនៅនាទីចុងក្រោយ។ បន្ទាប់ពីទទួលបានចំណិតនំបុ័ងនោះ យូដាសមិនត្រឹមមិនបានភ្ញាក់រលឹកទេ តែគាត់បានប្រគល់រូបកាយរបស់គាត់អោយសាតាំងប្រើប្រាស់ទាំងស្រុងវិញ។ ពួកសិស្សមិនបានយល់អំពីសារៈសំខាន់នៃព្រះបន្ទូលរបស់ព្រះយេស៊ូទេ ដោយសន្មតថាយូដាសកំពុងចាកចេញសម្រាប់កិច្ចការធម្មតា ដូចជាការទិញសម្ភារៈ ឬជួយជនក្រីក្រជាដើម។ យ៉ូហានកត់សម្គាល់ថាពេលចាកចេញ «វាក៏ចេញទៅជា១រំពេច ពេលនោះ យប់ហើយ» (យ៉ូហាន ១៣:៣០) មិនត្រឹមតែជានិមិត្តរូបនៃពេលវេលាពេលយប់ ប៉ុណ្ណោះទេ ប៉ុន្តែជាការផ្លាស់ប្តូររបស់យូដាសពីពន្លឺរបស់ព្រះយេស៊ូចូលទៅក្នុង ភាពងងឹត។ ការដឹងទុកជាមុន និងការគ្រប់គ្រងស្ថានការ៖ ទោះបីជាមានការក្បត់ក៏ដោយ ព្រះយេស៊ូវនៅតែគ្រប់គ្រងស្ថានការ និងការសុគតរបស់ទ្រង់ ដោយជួយអោយយូដាសបានបំពេញតាមបទគម្ពីរ។
ព្រះបន្ទូលដែលប្រទានមកខ្ញុំនៅថ្ងៃនេះ
…………………………………………………………………………………………………………………………………………………………………………………….។
១. ហេតុអ្វីបានជាទ្រង់ប្រទានខគម្ពីរនេះមកកូន? កូននឹងធ្វើតាម។
…………………………………………………………………………………………………………………………………………………………………………………….។
២. តាមរយៈព្រះបន្ទូលថ្ងៃនេះ តើខ្ញុំនឹងទទួលបានអ្វី ប្រសិនបើខ្ញុំបានធ្វើតាមបង្គាប់ទ្រង់?
…………………………………………………………………………………………………………………………………………………………………………………….។
សេចក្តីអធិស្ឋាន
…………………………………………………………………………………………………………………………………………………………………………………….
