| ១២ ឱព្រះយេហូវ៉ា ជាព្រះនៃទូលបង្គំ ជាព្រះដ៏បរិសុទ្ធនៃទូលបង្គំអើយ តើទ្រង់មិនគង់នៅតាំងពីអស់កល្បរៀងមកទេឬអី យើងខ្ញុំរាល់គ្នានឹងមិនស្លាប់ទេ ឱព្រះយេហូវ៉ាអើយ ទ្រង់បានតម្រូវទុកគេឲ្យត្រូវជំនុំជំរះ ហើយឱថ្មដាអើយ ទ្រង់បានតាំងគេឡើង ដើម្បីវាយផ្ចាល ១៣ ទ្រង់មានព្រះនេត្របរិសុទ្ធក្រៃលែង និងទតមើលការអាក្រក់មិនបាន ក៏នឹងពិនិត្យមើលការទុច្ចរិតមិនបានដែរ ហេតុអ្វីបានជាទ្រង់ទតមើលចំពោះពួកអ្នកដែលប្រព្រឹត្តកម្បថ ហើយនៅតែស្ងៀម ក្នុងកាលដែលពួកអ្នកអាក្រក់លេបមនុស្សដែលសុចរិតជាងខ្លួនបាត់ទៅដូច្នេះ ១៤ គឺធ្វើឲ្យមនុស្សបានដូចជាត្រីនៅសមុទ្រ ឬដូចជាសត្វលូនវារដែលគ្មានអ្នកណាគ្រប់គ្រងរក្សាសោះ ១៥ គេស្ទួចចាប់យកទាំងអស់ ក៏ចាប់ដោយសំណាញ់ ហើយកៀរយកដោយអួន ដូច្នេះគេមានចិត្តរីករាយ ហើយអរសប្បាយ ១៦ ហេតុនោះបានជាគេថ្វាយយញ្ញបូជាដល់សំណាញ់របស់គេ ហើយដុតកំញានថ្វាយដល់អួន ពីព្រោះចំណែករបស់គេបានធំឡើង ហើយគេមានអាហារជាបរិបូរ ដោយសាររបស់ទាំងនោះ ១៧ ដូច្នេះ តើគេនឹងចេះតែចាក់ចេញពីអួន ហើយសំឡាប់អស់ទាំងសាសន៍ឥតប្រណីជានិច្ចឬ។ ២ ១ ខ្ញុំនឹងនៅត្រង់ទីចាំយាម ខ្ញុំនឹងឡើងទៅលើប៉ម ហើយខំមើលទៅ ដើម្បីឲ្យដឹងជាទ្រង់នឹងមានព្រះបន្ទូលមកដូចម្តេច ហើយនឹងឆ្លើយពីដំណើរដែលខ្ញុំចោទប្រកាន់ជាយ៉ាងណា ២ នោះព្រះយេហូវ៉ាទ្រង់មានព្រះបន្ទូលតបមកខ្ញុំថា ចូរកត់ការជាក់ស្តែងនេះទុក ត្រូវឲ្យចារឹកឲ្យច្បាស់នៅលើក្តារចុះ ដើម្បីឲ្យមនុស្សដែលកំពុងរត់ ក៏អាចមើលបានដែរ ៣ ដ្បិតការជាក់ស្តែងនេះ ទុកសំរាប់ដល់វេលាកំណត់ ក៏កំពុងស្រូតឲ្យដល់ពេលនោះហើយ នៅគ្រានោះ នឹងមិនកុហកទេ បើសិនជាបង្អង់យូរ ក៏ចូររង់ចាំចុះ ដ្បិតនឹងមកជាពិត ឥតរារង់ឡើយ។ ៤ មើល ចិត្តគេបានប៉ោងឡើង មិនទៀងត្រង់នៅក្នុងខ្លួនគេទេ តែមនុស្សសុចរិតនឹងរស់នៅ ដោយសារសេចក្តីជំនឿរបស់ខ្លួន ការយល់ដឹងពីអត្ថបទ ត្រង់នេះលោកហាបាគូកបានឆ្លើយតបទៅកាន់ព្រះជាម្ចាស់ថា បើសិនជាពួកកូនចៅយូដាជាប្រជារាស្ដ្ររបស់ទ្រង់រហូតទៅ ហើយបើព្រះទ្រង់បរិសុទ្ធពិតមែន ហេតុអ្វីព្រះអង្គប្រើពួកបាប៊ីឡូនមកដាក់ទណ្ឌកម្មដល់រាស្ដ្រទ្រង់បែបនេះទាំងពួកបាប៊ីឡូនអាក្រក់ជាងយូដាទៅទៀតនោះ?។តាមខ្ញុំដឹង លោកហាបាគូកមានអារម្មណ៍ថា ព្រះជាម្ចាស់ក៍ដូចជាពួកបាប៊ីឡូនដែរ។ ពួកបាប៊ីឡូនបានប្រព្រឹត្ដដាក់សាសន៍ដទៃប្រៀបដូចជាសត្វត្រីនៅក្នុងសមុទ្រ ដែលសម្រាប់ពួកគេនេសាទលេងអញ្ជឹងដែរ ប្រសិនជាពួកគេស្រេកឃ្លាន។ពិតណាស់ពួកបាប៊ីឡូនជាពួកដែលស្រេកឃ្លានក្នុងការធ្វើសង្គ្រាម កាប់សម្លាប់ ឆក់ប្លន់គេឯងមិនចេះឈប់ឈរឡើយ។បន្ទាប់ពីលោកហាបាគូកបាននិយាយរៀបរាប់អំពីរឿងក្នុងចិត្ដលោកអស់ហើយ លោកក៍នៅស្ងៀមរងចាំចម្លើយពីព្រះជាម្ចាស់វិញម្ដង។ពេលនោះគាត់បានទទួលចម្លើយថា ពួកបាប៊ីឡូននឹងដួលរលំដោយសារតែចិត្ដលោភលន់ អំនួត និងការប្រើហឹង្សាជាមិនខានឡើយ។នៅថ្ងៃមួយព្រះជាម្ចាស់នឹងជំនុំជម្រះពួកគេយ៉ាងពិតប្រាកដ។អំពើទុច្ចរិតតែងតែនាំមកនៅបរាជ័យនូវទីបំផុតជាមិនខានឡើយ។ហើយសេចក្ដីយុត្ដិធម៌និងសេចក្ដីសុចរិតតែងនាំមកនៅជ័យជម្នះ។មានពាក្យស្លោកមួយ គេបាននិយាយថា៖ ចិត្ដលោកភលន់គឺគ្មានព្រំដែនទេប៉ុន្ដែមនុស្សសុចរិតតែងតែរកឃើញភាពស្កប់ស្កល់ពីព្រះជាម្ចាស់វិញ ព្រះបន្ទូលដែលប្រទានមកខ្ញុំនៅថ្ងៃនេះ ………………………………………………………………………………………………………………………………………………………………………………….. ១. តើហេតុអ្វីបានជាព្រះទ្រង់ប្រទានខគម្ពីរនេះមកខ្ញុំ? ខ្ញុំនឹងទទួល ហើយធ្វើតាម។ ………………………………………………………………………………………………………………………………………………………………………………….. ២. បើកូនបានធ្វើតាមព្រះបន្ទូលទ្រង់ហើយតើទ្រង់នឹងប្រទានអ្វីដល់កូន? ………………………………………………………………………………………………………………………………………………………………………………….. សេចក្តីអធិស្ឋាន ………………………………………………………………………………………………………………………………………………………………………………….. |
ព្រះយេស៊ូ និងលោកអាប្រាហាំ(ត) យ៉ូហាន 8:43-59 10 April 2026
៤៣ ហេតុអ្វីបានជាអ្នករាល់គ្នាមិនយល់សំដីខ្ញុំ គឺមកតែពីស្តាប់ពាក្យខ្ញុំមិនបានប៉ុណ្ណោះ ៤៤ អ្នករាល់គ្នាមានអារក្សសាតាំងជាឪពុក ហើយអ្នករាល់គ្នាចូលចិត្តធ្វើតាមតណ្ហា ដែលគាប់ចិត្តដល់ឪពុករបស់អ្នក វាជាអ្នកសំឡាប់គេតាំងពីដើមមក...
