| ១ នេះជាសេចក្តីទំនាយទាយយ៉ាងធ្ងន់ ដែលហោរាហាបាគុកបានឃើញ។ ២ ឱព្រះយេហូវ៉ាអើយ តើត្រូវឲ្យទូលបង្គំអំពាវនាវដល់កាលណាទៀត ឥតទ្រង់ឆ្លើយតបសោះដូច្នេះ ទូលបង្គំស្រែកដល់ទ្រង់អំពីការច្រឡោត តែទ្រង់មិនជួយសង្គ្រោះឡើយ ៣ ហេតុអ្វីបានជាទ្រង់ឲ្យទូលបង្គំឃើញអំពើទុច្ចរិត ហើយឲ្យទូលបង្គំមើលឃើញតែសេចក្តីទំនាស់ចិត្តដូច្នេះ ដ្បិតមានសុទ្ធតែការបំផ្លាញ និងការច្រឡោតនៅមុខទូលបង្គំ ក៏មានសេចក្តីឈ្លោះប្រកែក និងការទាស់ទែងគ្នាកើតឡើង ៤ ហេតុដូច្នេះ បញ្ញត្តច្បាប់បានអន់ថយទៅ ហើយសេចក្តីយុត្តិធម៌មិនលេចមកឲ្យឃើញឡើយ ដ្បិតមនុស្សអាក្រក់ឡោមព័ទ្ធមនុស្សសុចរិត បានជាសេចក្តីយុត្តិធម៌ចេញមកខូចហើយ។៥ ចូរពិចារណាមើល ក្នុងសាសន៍ដទៃទាំងប៉ុន្មាន ចូរមើលទៅ ហើយមានសេចក្តីអស្ចារ្យដ៏ពន្លឹកចុះ ដ្បិតនៅក្នុងជំនាន់របស់ឯងនេះ អញកំពុងតែធ្វើការ១ ដែលឯងរាល់គ្នាមិនព្រមជឿទេ ទោះបើមានគេប្រាប់ក៏ដោយ ៦ ដ្បិតមើល អញនឹងតាំងសាសន៍ខាល់ដេឡើង ជាសាសន៍ដែលមួម៉ៅ ហើយរហ័សរហាល់ គេនឹងលើកគ្នាដើរកាត់ផែនដីទាំងមូល ដើម្បីនឹងចាប់យកទីលំនៅ ដែលមិនមែនជារបស់ផងខ្លួន ៧ គេគួរស្ញែងខ្លាច ហើយមានភាពគួរស្បើម សេចក្តីយុត្តិធម៌ និងយសសក្តិរបស់គេ នោះមកតែពីខ្លួនគេទេ ៨ ឯសេះរបស់គេ ក៏លឿនជាងខ្លារខិន ហើយសាហាវជាងឆ្កែព្រៃ ដែលចេញនៅពេលល្ងាចផង ពួកទ័ពសេះរបស់គេ សំរុកចូលដោយឥតញញើត អើ ពួកពលសេះរបស់គេមកពីឆ្ងាយ គេលឿនដូចជាឥន្ទ្រីដែលរហ័សហើរទៅហែកស៊ី ៩ គេសុទ្ធតែមកដើម្បីរឹបជាន់ មុខគេរកតែទៅខាងមុខទៀត គេប្រមូលបានឈ្លើយដូចជាខ្សាច់ ១០ អើ គេឡកឡឺយឲ្យអស់ទាំងស្តេច ហើយយកពួកចៅហ្វាយជាទីមើលងាយ គេសើចចំពោះអស់ទាំងទីមាំមួន ដ្បិតគេនឹងគ្រាន់តែពូនធូលីដីឡើង ចាប់យកបានហើយ ១១ រួចបោសហួសទៅដូចជាខ្យល់ ហើយកន្លងទៅ ព្រមទាំងនាំឲ្យខ្លួនមានទោស គឺគេនឹងយកកំឡាំងរបស់ខ្លួនទុកជាព្រះ។ ការយល់ដឹងពីអត្ថបទ ពួកយូដាមិនបានបង្ហាញសញ្ញានូវសញ្ញានៃការផ្លាស់ប្ដូរទាល់តែសោះ ទោះបីជាលោកហាបាគូកព្យាយាមប្រកាសព្រះបន្ទូល និងព្យាយាមអធិស្ឋានយ៉ាងណាក៍ដោយ។លោកបានដឹងថា ព្រះជាម្ចាស់គឺមានយុត្ដិធម៌ហេតុបានជាលោកសួរទៅកាន់ព្រះជាម្ចាស់ថា៖តើព្រះទ្រង់បណ្ដោយអោយរឿងទុច្ចរិតនេះកើតឡើងដោយមិនទទួលទណ្ឌកម្មដល់ពេលណាទៀត?។ព្រះបានតបថា ព្រះអង្គបានរៀបចំពួកបាប៊ីឡូន ដើម្បីនឹងធ្វើទោសដល់ពួកគេហើយ។តែព្រះមិនបានប្រាប់រឿងនេះដល់ពួកយូដាទេ ព្រោះទ្រង់បានដឹងយ៉ាងច្បាស់ថា ពួកគេមិនជឿឡើយ។ក្រោយមកទៀតគឺនិយាយអំពីភាពឃោឃៅរបស់ពួកបាប៊ីឡូនបានប្រព្រឹត្ដចំពោះពួកយូដាកំឡុងពេលដែលពួកគេវាយលុកចូលទៅទីក្រុងយេរ៉ូសាឡិម។ពួកបាប៊ីឡូននេះជាពួកដែលមានអំណាចហើយក៍ជាមនុស្សមានអំនួតខ្លាំងក្លាដែរហេតុនេះហើយពួកគេតែងធ្វើអ្វីៗតាមតែចិត្ដដោយមិនខ្លាចច្បាប់ និងមិនគិតពីយុត្ដិធម៌របស់កងទ័ពឬរបស់ប្រជារាស្ដ្រទេ។ ព្រះបន្ទូលដែលប្រទានមកខ្ញុំនៅថ្ងៃនេះ ……………………………………………………………………………………………………………………………………………………………………………….. ១. តើហេតុអ្វីបានជាទ្រង់ប្រទានខគម្គីរនេះមកខ្ញុំ? ខ្ញុំនឹងទទួលហើយធ្វើតាម។ ……………………………………………………………………………………………………………………………………………………………………………….. ២. បើកូនធ្វើតាមព្រះបន្ទូលទ្រង់ហើយ តើទ្រង់នដឹងប្រទានអ្វីដល់កូន? ……………………………………………………………………………………………………………………………………………………………………………….. សេចក្តីអធិស្ឋាន ……………………………………………………………………………………………………………………………………………………………………………….. |
