| ១ ខ្ញុំបន្លឺសំឡេង អំពាវនាវដល់ព្រះខ្ញុំបន្លឺសំឡេងឡើងដល់ព្រះហើយទ្រង់ក៏ស្តាប់ខ្ញុំ ២ នៅថ្ងៃដែលខ្ញុំមានសេចក្តីវេទនានោះខ្ញុំបានស្វែងរកព្រះអម្ចាស់នៅពេលយប់ នោះខ្ញុំបានប្រទូលដៃឡើងឥតឈប់ឈរព្រលឹងខ្ញុំមិនព្រមក្សាន្តទុក្ខទេ ៣ ខ្ញុំនឹកពីព្រះ នោះខ្ញុំមានចិត្តទុរន់ទុរាខ្ញុំនឹកជញ្ជឹង នោះវិញ្ញាណខ្ញុំក៏ល្វើយទៅ។ –បង្អង់ ៤ ៙ ទ្រង់ទល់ភ្នែកទូលបង្គំមិនឲ្យលក់ទូលបង្គំមានសេចក្តីទុក្ខប្រដេញទាល់តែរកនិយាយមិនចេញ៥ ទូលបង្គំបានពិចារណាពីអស់ទាំងថ្ងៃកន្លងទៅហើយនិងអស់ទាំងឆ្នាំពីកាលមុន៦ ទូលបង្គំនឹកឃើញទំនុកដែលធ្លាប់ច្រៀងនៅពេលយប់នោះទូលបង្គំបានត្រិះរិះក្នុងចិត្ត ហើយវិញ្ញាណទូលបង្គំក៏ស្វែងរកសេចក្តីចំឡើយដែរ ៧ តើព្រះអម្ចាស់ទ្រង់នឹងបោះបង់ចោលជាដរាបឬតើទ្រង់មិនព្រមប្រោសប្រាណទៀតទេឬ ៨ តើសេចក្តីសប្បុរសនៃទ្រង់អស់រលីងជាដរាបទៅឬតើសេចក្តីសន្យាទ្រង់អាក់ខានទៅជានិច្ចឬ ៩ តើព្រះទ្រង់ភ្លេចប្រព្រឹត្តដោយករុណារបស់ទ្រង់ហើយឬតើទ្រង់បានបិទបាំងសេចក្តីអាណិតមេត្តារបស់ទ្រង់ទុកដោយសេចក្តីខ្ញាល់ដែរឬអី។ –បង្អង់១០ ៙ នោះទូលបង្គំបាននឹកថានេះហើយជាសេចក្តីទុក្ខរបស់ទូលបង្គំតែទូលបង្គំនឹងនឹកចាំពីគ្រាដែលព្រះហស្តស្តាំនៃព្រះដ៏ខ្ពស់បំផុតបានប្រោសវិញ ១១ ទូលបង្គំនឹងរឭកពីអស់ទាំងការនៃព្រះយេហូវ៉ាដ្បិតទូលបង្គំនឹកឃើញអស់ទាំងការអស្ចារ្យដែលទ្រង់បានធ្វើកាលពីដើម ១២ ទូលបង្គំនឹងរំពឹងគិតពីគ្រប់ទាំងការរបស់ទ្រង់ហើយពិចារណាពីកិច្ចដែលទ្រង់ធ្វើទាំងប៉ុន្មាន ១៣ ឱព្រះអង្គអើយ ផ្លូវទ្រង់ជាផ្លូវបរិសុទ្ធតើមានព្រះឯណាដែលធំដូចជាទ្រង់ ១៤ ទ្រង់ជាព្រះដែលធ្វើការយ៉ាងអស្ចារ្យទ្រង់បានសំដែងឲ្យស្គាល់ឥទ្ធានុភាពនៃទ្រង់នៅកណ្តាលអស់ទាំងសាសន៍ ១៥ ទ្រង់បានប្រោសបណ្តារាស្ត្រឲ្យរួចដោយព្រះហស្តរបស់ទ្រង់គឺជាពួកកូនចៅយ៉ាកុប និងយ៉ូសែបផង។ –បង្អង់១៦ ៙ ឱព្រះអង្គអើយ ទឹកទាំងប៉ុន្មានបានឃើញទ្រង់គឺទឹកទាំងប៉ុន្មានបានឃើញទ្រង់ហើយមានសេចក្តីភិតភ័យអស់ទាំងទីជំរៅក៏ញ័រដែរ១៧ អស់ទាំងពពកបានចាក់ទឹកចេញផ្ទៃមេឃក៏បញ្ចេញសូររំពងហើយព្រួញរបស់ទ្រង់បានហើរទៅគ្រប់អន្លើដែរ ១៨ សូរសៀងនៃផ្គររបស់ទ្រង់ក៏នៅក្នុងខ្យល់កួចផ្លេកបន្ទោរបានបំភ្លឺលោកីយ៍ឯផែនដីក៏ញ័រកក្រើក ១៩ ផ្លូវដែលទ្រង់យាង នោះនៅក្នុងសមុទ្រហើយផ្លូវច្រករបស់ទ្រង់ ក៏នៅទីមានទឹកច្រើនឥតមានអ្នកណាឃើញដានព្រះបាទទ្រង់ឡើយ ២០ ទ្រង់បាននាំរាស្ត្រទ្រង់ ដូចជាហ្វូងចៀមគឺដោយដៃរបស់ម៉ូសេ និងអើរ៉ុន។ ការយល់ពីអត្ថបទ ទំនុកតម្កើង 77 គឺជាការទួញសោកសៅដ៏មានអានុភាពរបស់លោកអេសាភ ដែលផ្លាស់ប្តូរពីទុក្ខសោកយ៉ាងជ្រាលជ្រៅ និងសម្រែកដែលមិនមានចម្លើយពីព្រះ ទៅជាការរំលឹកអំពីជ័យជំនះនៃភាពស្មោះត្រង់របស់ព្រះជាម្ចាស់ ដោយផ្តោតលើការរំលឹកឡើងវិញនូវទង្វើដ៏ខ្លាំងក្លាពីអតីតកាល (ដូចបានចែងទុកក្នុងព្រះគម្ពីរនិក្ខមនំ) ដើម្បីទប់ទល់នឹងភាពអស់សង្ឃឹមនាពេលបច្ចុប្បន្ន និងស្វែងរកក្តីសង្ឃឹម ទីបំផុតបញ្ជាក់ពីអំណាច និងការណែនាំរបស់ព្រះដែលមិនផ្លាស់ប្តូរ។ សេចក្ដីពន្យល់បានបង្ហាញអំពីដំណើរការនៃអារម្មណ៍ដែលត្រូវគេបោះបង់ចោល រហូតដល់ការស្វែងរកកម្លាំងដោយការសញ្ជឹងគិតអំពីការប្រោសលោះកាលពីអតីតកាលរបស់ព្រះជាម្ចាស់ ជាពិសេសការបែកបាក់គ្នាក្នុងសម័យកាលនៃការដើរឆ្លងកាត់សមុទ្រក្រហម ហើយនឹងការជឿជាក់លើព្រះជាម្ចាស់នឹងជឿទុកចិត្តទ្រង់ នឹងការធ្វើឡើងវិញ ទោះជាពេលដែលមានវត្តមានរបស់ព្រះជាម្ចាស់នៅជិត ឬមានអារម្មណ៍ថា វត្ដមាននោះនៅឆ្ងាយក៏ដោយ។ ព្រះបន្ទូលដែលប្រទានមកខ្ញុំនៅថ្ងៃនេះ ……………………………………………………………………………………………………………………………………………………………………………………. ១. តើហេតុអ្វីបានជាទ្រង់ប្រទានខគម្ពីរនេះមកខ្ញុំ? ខ្ញុំនឹងធ្វើតាមទ្រង់? …………………………………………………………………………………………………………………………………………………………………………………….. ២. បើខ្ញុំធ្វើតាមព្រះបន្ទូលទ្រង់ហើយ តើទ្រង់នឹងប្រទានអ្វីដល់ខ្ញុំ? ……………………………………………………………………………………………………………………………………………………………………………………… សេចក្តីអធិស្ឋាន ……………………………………………………………………………………………………………………………………………………………………………………… |
លោកយេរេមាទិញដីមួយកន្លែង យេរេមា 32:1-15 16 September 2026
១ នេះជាព្រះបន្ទូលដែលមកពីព្រះយេហូវ៉ា ដល់យេរេមា ក្នុងឆ្នាំទី១០ នៃរាជ្យសេដេគា ស្តេចយូដា ដែលត្រូវនឹងឆ្នាំទី១៨នៃរាជ្យនេប៊ូក្នេសា ២ រីឯគ្រានោះ ពួកទ័ពរបស់ស្តេចបាប៊ីឡូន កំពុងឡោមព័ទ ច្បាំងនឹងក្រុងយេរូសាឡិម...
