ស្តេចសាសន៍បាប៊ីឡូន ដែលនឹងមកវាយស្រុកអេស៊ីព្ទយេរេមា 46:13-26 19 October 2026
១៣ នេះជាព្រះបន្ទូលដែលព្រះយេហូវ៉ាទ្រង់មានព្រះបន្ទូលនឹងហោរាយេរេមា ពីដំណើរនេប៊ូក្នេសា ជាស្តេចសាសន៍បាប៊ីឡូន ដែលនឹងមកវាយស្រុកអេស៊ីព្ទ ១៤ ចូរថ្លែងប្រាប់នៅស្រុកអេស៊ីព្ទ ហើយប្រកាសប្រាប់នៅក្រុងមីកដុល ព្រមទាំងនៅក្រុងណូព និងនៅក្រុងថាផ្នេសផង ត្រូវឲ្យប្រាប់ថា ចូរឈរឡើង ហើយរៀបខ្លួនចុះ ដ្បិតដាវបានស៊ីនៅព័ទ្ធជុំវិញឯងអស់ហើយ ១៥ ហេតុអ្វីបានជាមនុស្សខ្លាំងពូកែរបស់ឯងត្រូវកៀរយកទៅដូច្នេះ គេមិនបានឈរនឹងនៅទេ គឺពីព្រោះព្រះយេហូវ៉ាទ្រង់បានច្រានគេទៅ ១៦ ទ្រង់បានធ្វើឲ្យច្រើនគ្នាចំពប់ អើ គេបានដួលគរលើគ្នា គេបាននិយាយគ្នាថា ចូរយើងក្រោកឡើងវិលទៅឯសាសន៍យើង នៅស្រុកកំណើតរបស់យើងវិញទៅ ដើម្បីនឹងរួចពីដាវដែលធ្វើទុក្ខ ១៧ នៅទីនោះ គេបានស្រែកឡើងថា ផារ៉ោន ជាស្តេចអេស៊ីព្ទ ទ្រង់ជាសូរកំទរទទេ ទ្រង់បានទុកឲ្យពេលដែលស្រួលកន្លងហួសទៅ ១៨ ឯមហាក្សត្រដែលទ្រង់ព្រះនាមជាព្រះយេហូវ៉ានៃពួកពលបរិវារ ទ្រង់ស្បថដោយព្រះជន្មទ្រង់ដ៏របស់នៅថា ភ្នំតាបោរនៅកណ្តាលស្រុកភ្នំ ហើយភ្នំកើមែលនៅឆ្នេរសមុទ្រជាយ៉ាងណា នោះពិតប្រាកដជាគេនឹងមកយ៉ាងនោះដែរ ១៩ ឱកូនស្រីដែលនៅស្រុកអេស៊ីព្ទអើយ ចូរផ្គត់ផ្គង់ដល់ខ្លួន សំរាប់នឹងទៅជាឈ្លើយចុះ ដ្បិតក្រុងណូពនឹងត្រូវខូចបង់ ហើយដុតចោលឥតមានអ្នកណានៅ ២០ ស្រុកអេស៊ីព្ទជាគោក្រមុំយ៉ាងល្អក្រៃលែង ប៉ុន្តែមេបំផ្លាញបានចេញពីស្រុកខាងជើងមកក៏មកដល់ហើយ ២១ មួយទៀត ជើងឈ្នួលរបស់ស្រុកអេស៊ីព្ទ ប្រៀបដូចជាកូនគោបំប៉ននៅកណ្តាលស្រុក គេក៏បានបែរខ្នងដែរ គេបានរត់ចេញទៅជាមួយគ្នា ឥតឈរនឹងនៅទេ ដ្បិតថ្ងៃអន្តរាយរបស់គេ គឺជាវេលាធ្វើទោសដល់គេបានមកលើគេហើយ ២២ សូរសន្ធឹកនៃថ្ងៃនោះ ដូចជាសូរនៃពស់លូន ដ្បិតពួកនោះនឹងដើរមកជាក្បួនទ័ព ក៏នឹងមកទាស់នឹងគេ មានទាំងពូថៅ ដូចអ្នកកាប់ឈើផង ២៣ ព្រះយេហូវ៉ាទ្រង់មានព្រះបន្ទូលថា គេនឹងកាប់រំលំព្រៃរបស់ស្រុកអេស៊ីព្ទបង់ ទោះបើជាព្រៃស្តុក ដល់ចូលមិនបានក៏ដោយ ដ្បិតគេមានគ្នាច្រើនជាងកណ្តូប គឺហួសប្រមាណនឹងរាប់បាន ២៤ កូនស្រីរបស់ស្រុកអេស៊ីព្ទនឹងត្រូវខ្មាស នាងនឹងត្រូវប្រគល់ទៅ ក្នុងកណ្តាប់ដៃរបស់ពួកសាសន៍ ពីស្រុកខាងជើង ២៥ ព្រះយេហូវ៉ានៃពួកពលបរិវារ ជាព្រះនៃសាសន៍អ៊ីស្រាអែល ទ្រង់មានព្រះបន្ទូលថា មើល អញនឹងធ្វើទោសដល់អាំម៉ូន-នរ និងផារ៉ោន ហើយស្រុកអេស៊ីព្ទ ព្រមទាំងព្រះទាំងប៉ុន្មាន និងស្តេចរបស់គេផង គឺផារ៉ោន និងអស់អ្នកដែលទុកចិត្តដល់វា ២៦ អញនឹងប្រគល់គេ ទៅក្នុងកណ្តាប់ដៃនៃពួកអ្នក ដែលរកជីវិតគេ គឺទៅក្នុងកណ្តាប់ដៃនៃនេប៊ូក្នេសា ជាស្តេចបាប៊ីឡូន និងទៅក្នុងកណ្តាប់ដៃនៃពួកអ្នកបំរើវាដែរ ក្រោយមកស្រុកអេស៊ីព្ទនឹងមានគេអាស្រ័យនៅ ដូចកាលពីដើមឡើងវិញ នេះជាព្រះបន្ទូលនៃព្រះយេហូវ៉ា។
ការយល់ដឹងពីអត្ថបទ
ស្តេចដាវីឌបានរៀបចំអ្នកយាមទ្វារព្រះវិហារ ដោយបែងចែកពួកលេវីទៅជាក្រុមយាមយុទ្ធសាស្ត្រ និងក្រុមរដ្ឋបាល។ ជំនួសឲ្យការចាត់តាំងតួនាទីដោយផ្អែកលើកិត្យានុភាព ស្ដេច ដាវីឌបានចាប់ឆ្នោតសម្រាប់ការយាមទ្វារនីមួយៗ ដោយបង្ហាញថាការបម្រើទាំងអស់នៅក្នុងដំណាក់របស់ព្រះគឺពិសិដ្ឋ ហើយកិច្ចការនីមួយៗត្រូវបានចាត់ទុកថាមានតម្លៃខ្ពស់។ខគម្ពីរជាច្រើនបានគូសបញ្ជាក់ពីលក្ខណៈសម្បត្តិរបស់អ្នកយាមទ្វារទាំងនេះ ដោយពិពណ៌នាពួកគេថាជា «បុរសខ្លាំងពូកែ» «បុរសដែលមានសមត្ថភាព» និងមានកម្លាំងរាងកាយខ្លាំង។ អ្នកយាមទ្វារម្នាក់ឈ្មោះសាការី ត្រូវបានសម្គាល់ថាជា «អ្នកប្រឹក្សាដ៏ឈ្លាសវៃ» (១របាក្សត្រ ២៦:១៤)។ នេះគូសបញ្ជាក់ថា ការបម្រើដ៏មានប្រសិទ្ធភាពនៅក្នុងទីសក្ការៈទាមទារទាំងការត្រៀមខ្លួនខាងរាងកាយ និងប្រាជ្ញាខាងវិញ្ញាណ។ ចំណុចជាក់ស្តែង៖ អ្នកនិពន្ធបានសង្កត់ធ្ងន់ថា នៅពីក្រោយពិធីសាសនាដែលអាចមើលឃើញយ៉ាងច្បាស់ តួនាទីជាក់ស្តែង ភស្តុភារ និងសន្តិសុខគឺមានសារៈសំខាន់ដូចគ្នាចំពោះព្រះ។ នៅក្នុងបរិបទទំនើប វាបម្រើជាការរំលឹកថា រាល់ «កិច្ចការនៅពីក្រោយឆាក» ឬកិច្ចការដែលហាក់ដូចជាធម្មតានៅក្នុងសហគមន៍នៃជំនឿត្រូវបានចាត់ទុកថាជាការបម្រើដ៏សំខាន់ និងពិសិដ្ឋ។
១. តើខគម្ពីរមួយណាដែលព្រះបានប្រទានមកខ្ញុំនៅថ្ងៃនេះ?
.........................................................................................................................................................................។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។
.........................................................................................................................................................................។
៣. ប្រសិនបើកូនបានស្តាប់តាមបង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ?
.........................................................................................................................................................................។
សេចក្តីអធិស្ឋាន
.........................................................................................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer