ព្រះយេហូវ៉ាតាំងមុខទាស់នឹងការអាក្រក់ យេរេមា 44:15-30 15 October 2026
១៥ ឯបណ្តាមនុស្សទាំងប៉ុន្មានដែលដឹងថា ប្រពន្ធខ្លួនធ្លាប់ដុតកំញានថ្វាយដល់ព្រះដទៃ និងពួកស្រីៗទាំងអស់ដែលឈរនៅទីនោះ ជាជំនុំយ៉ាងធំ គឺបណ្តាមនុស្សដែលអាស្រ័យនៅត្រង់ប៉ាត្រូសក្នុងស្រុកអេស៊ីព្ទ គេឆ្លើយដល់យេរេមាថា ១៦ ឯពាក្យដែលលោកបានប្រាប់មកយើងដោយនូវព្រះនាមព្រះយេហូវ៉ានោះ យើងមិនព្រមស្តាប់តាមទេ ១៧ គឺយើងនឹងប្រព្រឹត្តតាមតែពាក្យទាំងប៉ុន្មាន ដែលចេញពីមាត់យើងវិញ ដើម្បីនឹងដុតកំញានថ្វាយដល់ព្រះចន្ទ ហើយនឹងច្រួចដង្វាយច្រួចថ្វាយទ្រង់ដែរ ដូចជាយើងបានធ្លាប់ធ្វើមកហើយ ទោះទាំងខ្លួនយើង ពួកព្ធយុកោយើង និងពួកស្តេច ហើយពួកចៅហ្វាយរបស់យើង នៅក្នុងទីក្រុងទាំងប៉ុន្មានរបស់ស្រុកយូដា ហើយនៅអស់ទាំងផ្លូវរបស់ក្រុងយេរូសាឡិមផង ដ្បិតនៅគ្រានោះ យើងមានអាហារជាបរិបូរ ហើយក៏នៅដោយសប្បាយ ឥតឃើញសេចក្តីអាក្រក់ណាឡើយ ១៨ តែតាំងពីយើងលះលែងការដុតកំញានថ្វាយដល់ព្រះចន្ទ ហើយច្រួចដង្វាយច្រួចថ្វាយទ្រង់ទៅ នោះយើងចេះតែខ្វះខាតគ្រប់ទាំងអស់ ហើយបានវិនាសទៅដោយដាវ និងអំណត់អត់ផង ១៩ មួយទៀត កាលយើងបានដុតកំញានថ្វាយដល់ព្រះចន្ទ ហើយច្រួចដង្វាយច្រួចថ្វាយទ្រង់ នោះតើយើងបានធ្វើនំសំរាប់គោរពដល់ទ្រង់ ហើយច្រួចដង្វាយច្រួច ថ្វាយដល់ទ្រង់ក្រៅពីប្តីយើងឬ។២០ ឯបណ្តាជនប្រុសស្រីទាំងឡាយ គឺអស់មនុស្សដែលបានឆ្លើយមកយេរេមាដូច្នោះ នោះលោកប្រាប់ដល់គេថា ២១ កំញានដែលអ្នករាល់គ្នាបានដុត នៅក្នុងទីក្រុងស្រុកយូដាទាំងប៉ុន្មាន ហើយនៅអស់ទាំងផ្លូវក្រុងយេរូសាឡិម ទោះទាំងអ្នករាល់គ្នា ពួកព្ធយុកោ ពួកស្តេច ពួកចៅហ្វាយ និងបណ្តាជននៅក្នុងស្រុកទាំងប៉ុន្មាន នោះតើព្រះយេហូវ៉ាមិនបាននឹកចាំ តើទ្រង់មិនបានរឮកពីអំពើទាំងនោះទេឬអី ២២ ដល់ម៉្លេះបានជាព្រះយេហូវ៉ាទ្រង់ទ្រាំមិនបានទៀត ដោយព្រោះអំពើអាក្រក់ទាំងប៉ុន្មានរបស់អ្នករាល់គ្នា ហើយដោយព្រោះការគួរខ្ពើម ដែលអ្នករាល់គ្នាបានប្រព្រឹត្ត គឺហេតុនោះបានជាស្រុករបស់អ្នករាល់គ្នាត្រូវចោលស្ងាត់ ហើយបានត្រឡប់ជាទីស្រឡាំងកាំង និងជាទីផ្តាសា ឥតមានអ្នកណាអាស្រ័យនៅ ដូចជាសព្វថ្ងៃនេះ ២៣ ពីព្រោះអ្នករាល់គ្នាបានដុតកំញាននោះ ហើយធ្វើបាបនឹងព្រះយេហូវ៉ាវិញ ក៏មិនបានស្តាប់តាមព្រះបន្ទូលរបស់ព្រះយេហូវ៉ា ឬប្រព្រឹត្តតាមក្រឹត្យវិន័យទ្រង់ ឬតាមបញ្ញត្តច្បាប់ ឬសេចក្តីបន្ទាល់របស់ទ្រង់ឡើយ គឺហេតុនោះបានជាការអាក្រក់នេះបានកើតដល់អ្នករាល់គ្នា ដូចជាសព្វថ្ងៃនេះ។២៤ មួយទៀត យេរេមាក៏ប្រាប់ដល់ជនទាំងឡាយ គឺដល់ទាំងពួកស្រីៗផងថា នែពួកយូដាទាំងប៉ុន្មាន ដែលអាស្រ័យនៅស្រុកអេស៊ីព្ទអើយ ចូរស្តាប់ព្រះបន្ទូលនៃព្រះយេហូវ៉ាចុះ ២៥ ព្រះយេហូវ៉ានៃពួកពលបរិវារ ជាព្រះនៃសាសន៍អ៊ីស្រាអែល ទ្រង់មានព្រះបន្ទូលដូច្នេះ ឯងរាល់គ្នាព្រមទាំងប្រពន្ធរបស់ឯង បានចេញវាចាពីមាត់រៀងខ្លួនហើយ ក៏បានសំរេចតាម ដោយដៃខ្លួនដែរ ថាយើងរាល់គ្នានឹងលាបំណន់ ដែលយើងបានបន់ជាមិនខាន គឺនឹងដុតកំញានថ្វាយដល់ព្រះចន្ទ ហើយច្រួចដង្វាយច្រួចថ្វាយទ្រង់ដែរ ដូច្នេះ ចូរឲ្យឯងរាល់គ្នាបន់ទៅ ហើយលាបំណន់របស់ឯងចុះ ២៦ នែ ពួកយូដាទាំងប៉ុន្មាន ដែលអាស្រ័យក្នុងស្រុកអេស៊ីព្ទអើយ ចូរស្តាប់ព្រះបន្ទូលនៃព្រះយេហូវ៉ាចុះ ព្រះយេហូវ៉ាទ្រង់មានព្រះបន្ទូលថា មើល អញបានស្បថដោយឈ្មោះដ៏ធំរបស់អញថា ឈ្មោះអញនឹងមិនដែលចេញពីមាត់របស់ពួកយូដាណាមួយ ដែលអាស្រ័យនៅក្នុងស្រុកអេស៊ីព្ទទៀត តាមសម្បថដែលគេធ្លាប់ស្បថថា ដូចជាព្រះអម្ចាស់យេហូវ៉ា ទ្រង់មានព្រះជន្មរស់នៅ នោះឡើយ ២៧ មើល អញនឹងត្រួតមើលគេ សំរាប់ជាសេចក្តីអាក្រក់ មិនមែនជាសេចក្តីល្អទេ ហើយពួកយូដាទាំងប៉ុន្មានដែលអាស្រ័យនៅក្នុងស្រុកអេស៊ីព្ទ នឹងសាបសូន្យទៅដោយដាវ និងអំណត់អត់ ដរាបដល់អស់រលីងទៅ ២៨ ឯពួកអ្នកដែលរួចពីដាវ គេនឹងចេញពីស្រុកអេស៊ីព្ទវិលទៅឯស្រុកយូដាវិញ មានគ្នាតិចទេ នោះសំណល់ពួកយូដាទាំងប៉ុន្មាន ដែលបានទៅអាស្រ័យនៅស្រុកអេស៊ីព្ទ គេនឹងដឹងជាពាក្យណាដែលនឹងស្ថិតស្ថេរនៅ ទោះបើជាពាក្យរបស់អញ ឬពាក្យរបស់គេក្តី ២៩ ហើយព្រះយេហូវ៉ាទ្រង់មានព្រះបន្ទូលថា នេះនឹងបានជាទីសំគាល់ឲ្យឯងរាល់គ្នាដឹងថា អញនឹងធ្វើទោសដល់ឯងនៅទីនេះ ដើម្បីឲ្យឯងរាល់គ្នាបានដឹងថា ពាក្យរបស់អញនឹងបានតាំងទាស់នឹងឯង សំរាប់ជាការអាក្រក់ ៣០ គឺព្រះយេហូវ៉ាទ្រង់មានព្រះបន្ទូលដូច្នេះថា មើល អញនឹងប្រគល់ផារ៉ោន-ហុបរ៉ា ស្តេចស្រុកអេស៊ីព្ទទៅក្នុងកណ្តាប់ដៃនៃពួកខ្មាំងសត្រូវ គឺទៅក្នុងកណ្តាប់ដៃនៃពួកអ្នកដែលរកជីវិតវា ដូចជាអញបានប្រគល់សេដេគា ជាស្តេចយូដា ទៅក្នុងកណ្តាប់ដៃនៃនេប៊ូក្នេសា ស្តេចបាប៊ីឡូន ដែលជាខ្មាំងសត្រូវ ហើយក៏រកជីវិតវាដែរ។
ការយល់ដឹងពីអត្ថបទ
ស្តេចដាវីឌបានរៀបចំពួកលេវីដែលមិនមែនជាសង្ឃទៅជាក្រុមៗដែលមានរចនាសម្ព័ន្ធ។ ដោយប្រើប្រាស់ជ្រើសរើសរបស់ព្រះជាជាងការប្រើវិធីលំអៀងរបស់មនុស្ស ដាវីឌបានធានាឱកាសស្មើគ្នា និងការប្តូរវេនដោយយុត្តិធម៌សម្រាប់ការបម្រើក្នុងព្រះវិហារបរិសុទ្ធ ដោយបញ្ជាក់ថា ទាំងបងប្រុសច្បង និងបងប្រុសប្អូនប្រុសមានតម្លៃស្មើគ្នានៅចំពោះព្រះ។ការចាប់ឆ្នោតគឺជាការអនុវត្តដ៏ពិសិដ្ឋមួយដែលប្រើដើម្បីកំណត់ព្រះហឫទ័យរបស់ព្រះ និងការពារភាពលំអៀង ការច្រណែន ឬការតស៊ូអំណាចក្នុងចំណោមគ្រួសារ។ ដោយការលុបបំបាត់ការបោះឆ្នោត និងការប្រកួតប្រជែងរបស់មនុស្ស ដំណើរការនៃការចាត់តាំងភារកិច្ចពឹងផ្អែកទាំងស្រុងទៅលើព្រះអម្ចាស់។ ព្រះគម្ពីរកត់សម្គាល់ថា «បុព្វបុរសជាប្រមុខបានធ្វើដូចប្អូនប្រុសរបស់ពួកគេដែរ»។ នៅក្នុងក្រសែភ្នែករបស់ព្រះ មិនមានការប្រព្រឹត្តិអនុគ្រោះដោយផ្អែកលើភាពចាស់ទុំ អាយុ ឬវណ្ណៈគ្រួសារនោះទេ។ ទាំងពួកព្រឹទ្ធាចារ្យដែលមានបទពិសោធន៍ និងបុរសវ័យក្មេងដែលមានចំណង់ខ្លាំងត្រូវបានផ្តល់កន្លែងស្មើគ្នាដើម្បីបម្រើ។ កាស្ដេចដាវីឌបានរៀបចំគ្រួសារពួកលេវីទាំងមូល ដោយរំពឹងថានឹងមានព្រះវិហារបរិសុទ្ធ អចិន្ត្រៃយ៍ដែលនឹងសាងសង់ដោយសាឡូម៉ូន។ មិនដូចកុលសម្ព័ន្ធផ្សេងទៀតទេ ពួកលេវីត្រូវបានខ្ចាត់ខ្ចាយពាសពេញ អ៊ីស្រាអែល ហើយមិនមានទឹកដីផ្ទាល់ខ្លួនទេ។ ដោយសារតែការបម្រើរបស់ពួកគេបានកើតឡើងនៅក្រុងយេរូសាឡឹម ការបង្កើតកងពលជាក់លាក់ទាំងនេះអនុញ្ញាតឱ្យពួកគេធ្វើដំណើរ បម្រើការប្តូរវេនដែលបានកំណត់ និងត្រឡប់ទៅទីក្រុងកំណើតរបស់ពួកគេវិញតាមរបៀបដែលបានរៀបចំ។ ខណៈពេលដែលខទី ១-១៩ រៀបរាប់លម្អិតអំពីកូនចៅរបស់អើរ៉ុន (ពួកបូជាចារ្យដែលកាន់អាសនៈ និងយញ្ញបូជា) ខទី ២០-៣១ រៀបរាប់លម្អិតអំពីពួកលេវីដែលនៅសល់។ ពួកលេវីដែលមិនមែនជាសង្ឃទាំងនេះបានបម្រើតួនាទីសំខាន់ៗ និងបំពេញបន្ថែមគ្នានៅក្នុងព្រះវិហារបរិសុទ្ធ ដូចជាការធ្វើជាតន្ត្រីករ អ្នកយាមទ្វារ និងជំនួយការដល់សង្ឃ។
១. តើខគម្ពីរមួយណាដែលជាព្រះបន្ទូល ដែលព្រះប្រទានមកខ្ញុំនៅថ្ងៃនេះ?
....................................................................................................។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងប្រព្រឹត្តតាមបង្គាប់ទ្រង់។
....................................................................................................។
៣. ប្រសិនបើកូនបានស្តាប់តាមបង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ?
....................................................................................................។
សេចក្តីអធិស្ឋាន
....................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer