ទុក្ខព្រួយនឹងប្រែទៅជាអំណរសប្បាយ យ៉ូហាន 16:15-24 23 May 2026
| ១៥ គ្រប់ទាំងអស់ដែលព្រះវរបិតាមាន នោះជារបស់ផងខ្ញុំដែរ ហេតុនោះបានជាខ្ញុំប្រាប់ថា ទ្រង់នឹងយកសេចក្តីដែលតម្រូវពីខ្ញុំ មកប្រាប់អ្នករាល់គ្នា។១៦ នៅបន្តិចទៀត អ្នករាល់គ្នានឹងលែងឃើញខ្ញុំ រួចបន្តិចទៀត នឹងឃើញខ្ញុំវិញ ដ្បិតខ្ញុំទៅឯព្រះវរបិតា១៧ ដូច្នេះ មានពួកសិស្សទ្រង់ខ្លះនិយាយគ្នាថា ពាក្យនេះដែលទ្រង់មានព្រះបន្ទូលមកយើងថា «នៅបន្តិចទៀត អ្នករាល់គ្នានឹងលែងឃើញខ្ញុំ រួចបន្តិចទៅទៀត នឹងឃើញខ្ញុំវិញ» ហើយដែលថា «ដ្បិតខ្ញុំទៅឯព្រះវរបិតា» នេះតើមានន័យដូចម្តេច ១៨ ហេតុនោះបានជាគេនិយាយថា ពាក្យនេះដែលទ្រង់មានព្រះបន្ទូលថា«នៅបន្តិចទៀត» ដូច្នេះ នោះចង់ថាដូចម្តេច យើងស្តាប់មិនបានទេ ១៩ ព្រះយេស៊ូវក៏ជ្រាបថា គេចង់សួរទ្រង់ បានជាទ្រង់មានព្រះបន្ទូលទៅគេថា តើអ្នកអ្នករាល់គ្នាសាកសួរគ្នាពីពាក្យដែលខ្ញុំថា នៅបន្តិចទៀត នឹងលែងឃើញខ្ញុំ រួចបន្តិចទៅទៀត នឹងឃើញខ្ញុំវិញ ឬអី២០ ប្រាកដមែន ខ្ញុំប្រាប់អ្នករាល់គ្នាជាប្រាកដថា អ្នករាល់គ្នានឹងយំ ហើយសោកសង្រេង តែលោកីយ៍នឹងអរសប្បាយឡើង អ្នករាល់គ្នានឹងព្រួយចិត្ត តែសេចក្តីព្រួយរបស់អ្នករាល់គ្នា នឹងប្រែទៅជាសេចក្តីអំណរវិញ ២១ ឯស្ត្រី កាលណាហៀបនឹងសំរាលកូន នោះតែងព្រួយចិត្ត ព្រោះដល់កំណត់ហើយ តែកាលណាសំរាលរួចមក នោះលែងនឹកពីសេចក្តីវេទនានោះហើយ ពីព្រោះមានសេចក្តីអំណរ ដោយព្រោះមានកូនមួយកើតមកក្នុងលោក ២២ ឥឡូវនេះ អ្នករាល់គ្នាមានសេចក្តីព្រួយដូច្នោះមែន ប៉ុន្តែខ្ញុំនឹងឃើញអ្នករាល់គ្នាម្តងទៀត នោះអ្នករាល់គ្នានឹងមានចិត្តអរសប្បាយវិញ ក៏នឹងឥតមានអ្នកណាដកយកសេចក្តីអំណរនោះ ចេញពីអ្នករាល់គ្នាបានឡើយ២៣ នៅថ្ងៃនោះ អ្នករាល់គ្នានឹងមិនសូមអ្វីពីខ្ញុំទៀត ប្រាកដមែន ខ្ញុំប្រាប់អ្នករាល់គ្នាជាប្រាកដថា អ្វីៗ ដែលអ្នករាល់គ្នានឹងសូមដល់ព្រះវរបិតា ដោយនូវឈ្មោះខ្ញុំ នោះទ្រង់នឹងប្រទានឲ្យ ២៤ តាំងពីដើមមក អ្នករាល់គ្នាមិនបានសូមអ្វី ដោយនូវឈ្មោះខ្ញុំទេ ឥឡូវ ចូរសូមចុះ នោះអ្នករាល់គ្នានឹងបាន ដើម្បីឲ្យសេចក្តីអំណររបស់អ្នករាល់គ្នាបានពោរពេញពិត។ ការយល់ដឹងពីអត្ថបទ ព្រះយេស៊ូវមិនអាចប្រាប់អ្វីបន្ថែមទៀតដល់សិស្សរបស់ទ្រង់ទេ ក្នុងពេលពួកគេកើតទុក្ខ។ក្រោយពេលទ្រង់ចេញពីពួកគេ វិញ្ញាណទ្រង់នឹងបង្រៀនពួកគេបន្ថែមទៀតហើយជួយពួកគេអោយយល់។ការបង្រៀនរបស់ព្រះវិញ្ញាណបរិសុទ្ធគឺមិនមែនជារឿងថ្មីទេ ប៉ុន្ដែការបន្ថែមលើអ្វីដែលព្រះយេស៊ូវបានបង្រៀនរួចហើយ គឺទាក់ទងទាំងបច្ចុប្បន្នកាល និងអនាគតកាល។ ប្រហែលជា២៤ទៀតទេព្រះយេស៊ូវនឹងបែកចេញពីពួកសិស្ស ប៉ុន្ដែបីថ្ងៃក្រោយមកព្រះអង្គនឹងមានព្រះជន្មរស់ឡើងវិញ ពួកគេនឹងបានឃើញព្រះអង្គម្ដងទៀត។ ទុក្ខវេទនារបស់គេនឹងត្រូវជំនួសដោយក្ដីអំណរវិញ ប្រៀបដូចជាស្ដ្រីដែលឈឺពោះសម្រាលកូន បានរីករាយក្រោយពេលកូនកើតចេញមក។ជ័យជម្នះរបស់ព្រះយេស៊ូវតាមរយៈការសុគតរបស់ទ្រង់នឹងធ្វើអោយគេមានជំនឿចិត្ដដល់ព្រះជាម្ចាស់ ជាអ្វីដែលពួកគេមិនធ្លាប់មានពីមុនមក។ពួកគេនឹងបានដឹងថា តាមរយៈព្រះយេស៊ូវជាអ្នកនៅកណ្ដាល គេនឹងអាចអធិស្ឋានទៅរកព្រះវរបិតាបាន ហើយនឹងការអរព្រះគុណចំពោះព្រះពរដែលព្រះវរបិតាបានប្រទានមក។ ព្រះបន្ទូលដែលព្រះប្រទានមកនៅថ្ងៃនេះ ........................................................................................................................................................................................។ ១. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ខ្ញុំនឹងធ្វើតាមទ្រង់។ ........................................................................................................................................................................................។ ២. ប្រសិនបើកូនស្តាប់តាមបង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ? ........................................................................................................................................................................................។ សេចក្តីអធិស្ឋាន ........................................................................................................................................................................................។ |
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer