ព្រះបរមកិច្ចរបស់ព្រះវិញ្ញាណ យ៉ូហាន 16:1-14 22 May 2026
| ១ ខ្ញុំបាននិយាយសេចក្តីទាំងនេះ ប្រាប់ដល់អ្នករាល់គ្នា ដើម្បីកុំឲ្យអ្នករាល់គ្នារវាតចិត្តឡើយ ២ គេនឹងកាត់អ្នករាល់គ្នាចេញពីពួកជំនុំរបស់គេ ក៏នឹងមានពេលវេលាមក នោះអស់អ្នកណា ដែលសំឡាប់អ្នករាល់គ្នា នឹងគិតស្មានថា ខ្លួនបំរើដល់ព្រះដែរ ៣ គេនឹងប្រព្រឹត្តការទាំងនោះ ដល់អ្នករាល់គ្នា ដោយព្រោះគេមិនស្គាល់ព្រះវរបិតាឬខ្ញុំទេ ៤ តែខ្ញុំនិយាយសេចក្តីទាំងនេះ ប្រាប់ដល់អ្នករាល់គ្នា ដើម្បីកាលណាពេលវេលានោះមកដល់ នោះឲ្យអ្នករាល់គ្នាបាននឹកឃើញថា ខ្ញុំប្រាប់ហើយ ខ្ញុំមិនបានប្រាប់កាលពីដើមទេ ពីព្រោះខ្ញុំកំពុងនៅជាមួយនឹងអ្នករាល់គ្នានៅឡើយ។៥ តែឥឡូវនេះ ខ្ញុំទៅឯព្រះអង្គដែលចាត់ឲ្យខ្ញុំមក ហើយក្នុងពួកអ្នករាល់គ្នា គ្មានអ្នកណាសួរខ្ញុំថា លោកអញ្ជើញទៅឯណា នោះទេ ៦ ប៉ុន្តែ អ្នករាល់គ្នាមានចិត្តពេញដោយសេចក្តីព្រួយ ដោយព្រោះខ្ញុំបានប្រាប់សេចក្តីទាំងនេះ ៧ ខ្ញុំប្រាប់តាមត្រង់ថា ដែលខ្ញុំទៅ នោះមានប្រយោជន៍ដល់អ្នករាល់គ្នាវិញ ដ្បិតបើខ្ញុំមិនទៅទេ នោះព្រះដ៏ជាជំនួយក៏មិនមកឯអ្នករាល់គ្នាដែរ តែបើខ្ញុំទៅ នោះខ្ញុំនឹងចាត់ទ្រង់ឲ្យមក ៨ កាលណាទ្រង់បានយាងមកហើយ នោះទ្រង់នឹងសំដែង ឲ្យមនុស្សលោកដឹងច្បាស់ ពីអំពើបាប ពីសេចក្តីសុចរិត ហើយពីសេចក្តីជំនុំជំរះ ៩ គឺពីអំពើបាបដោយព្រោះគេមិនជឿដល់ខ្ញុំ ១០ ពីសេចក្តីសុចរិត ដោយព្រោះខ្ញុំទៅឯព្រះវរបិតាខ្ញុំ ហើយអ្នករាល់គ្នាមិនឃើញខ្ញុំទៀតទេ ១១ និងពីសេចក្តីជំនុំជំរះ ដោយព្រោះចៅហ្វាយរបស់លោកីយ៍នេះត្រូវទោសហើយ។១២ ខ្ញុំនៅមានសេចក្តីជាច្រើនទៀត នឹងប្រាប់ដល់អ្នករាល់គ្នា តែឥឡូវនេះ អ្នករាល់គ្នាពុំអាចនឹងទទួលបានទេ១៣ កាលណាព្រះអង្គនោះ គឺជាព្រះវិញ្ញាណនៃសេចក្តីពិតបានមកដល់ នោះទ្រង់នឹងនាំអ្នករាល់គ្នាចូលក្នុងគ្រប់ទាំងសេចក្តីពិត ដ្បិតទ្រង់នឹងមានព្រះបន្ទូល មិនមែនដោយអាងព្រះអង្គទ្រង់ទេ គឺនឹងមានព្រះបន្ទូល ចំពោះតែសេចក្តីណាដែលទ្រង់ឮ ហើយនិងសំដែង ឲ្យអ្នករាល់គ្នាដឹងការដែលត្រូវមក ១៤ ទ្រង់នឹងដំកើងខ្ញុំ ដ្បិតទ្រង់នឹងយកសេចក្តីដែលតម្រូវពីខ្ញុំ មកប្រាប់ដល់អ្នករាល់គ្នា ការយល់ដឹងពីអត្ថបទ កាលណាព្រះយេស៊ូវគង់នៅជាមួយសិស្សរបស់ទ្រង់ កម្លាំងប្រឆាំងទាំងអស់គឺសំដៅទៅលើព្រះអង្គតែមួយគត់ មិនសំដៅទៅលើពួកគេទេ ប៉ុន្ដែនៅពេលព្រះអង្គរៀបនឹងចាកចេញពីពួកគេ ព្រះអង្គបា្រប់អោយពួកគេដឹងថា ការស្អប់ខ្ពើមនេះនឹងបែរទៅរកពួកគេវិញ។ ទោះជាយ៉ាងណា ព្រោះតែការឈឺចាប់របស់គេចំពោះការចាក់ចេញរបស់ព្រះយេស៊ូវពួកគេមិនយល់ពីការដែលទ្រង់បានប្រាប់ទេ ហើយក៍មើលមិនឃើញនៅអំណររបស់ព្រះយេស៊ូវពេលទ្រង់រួមសម្ពន្ធមេត្រីជាមួយព្រះវរបិតាទ្រង់ដែរ។ នៅពេលព្រះយេស៊ូវចាក់ចេញពីពួកគេទៅព្រះវិញ្ញាណបរិសុទ្ធនឹងយាងមកគង់នៅជាមួយពួកគេជំនួសព្រះអង្គ មកការពារពួកគេ និងបង្ហាញនៅអ្វីដែលប្រឆាំងនឹងពួកគេ។ព្រះវិញ្ញាណនឹងបង្ហាញមនុស្សនៅជុំវិញពិភពលោកថា គេបានបានធ្វើខុសតាមរយៈកត្ដាបីយ៉ាងគឺ អំពើបាប សេចក្ដីសុចរិត និងការជំនុំជម្រះ។ព្រះនឹងបង្ហាញអោយឃើញថា អំពើបាបគឺជាមូលហេតុរារាំងពួកគេមិនអោយជឿព្រះ គឺមិនអោយជឿថា ការសុគតរបស់ទ្រង់គឺជាផ្លូវនាំទៅរកព្រះវរបិតាទេ មិនអោយជឿពីដំណើរដែលព្រះយេស៊ូវមានព្រះជន្មរស់ឡើងវិញ ហើយយាងទៅឋានសួគ៌ និងការយាងមកវីញដើម្បីជំនុំជម្រះមនុស្សមានបាបគឺជារឿងពិតប្រាកដ ពីព្រោះការសុគតរបស់ព្រះយេស៊ូវធ្វើអោយព្រះអង្គមានជ័យជម្នះលើអារក្សសាតាំង។ ព្រះបន្ទូលដែលព្រះប្រទានមកខ្ញុំនៅថ្ងៃនេះ ............................................................................................................................................................................................។ ១. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ ? ខ្ញុំនឹងទទួលតាម។ ............................................................................................................................................................................................។ ២.ប្រសិនបើកូនបានធ្វើតាមព្រះបន្ទូលទ្រង់ហើយ តើទ្រង់នឹងប្រទានអ្វីដល់ទូលបង្គំ? ............................................................................................................................................................................................។ |
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer