ព្រះបន្ទូលសន្យាអំពីព្រះវិញ្ញាណ យ៉ូហាន 14:13-24 16 May 2026
| ១៣ ហើយការអ្វីក៏ដោយ ដែលអ្នករាល់គ្នានឹងសូម ដោយនូវឈ្មោះខ្ញុំ នោះខ្ញុំនឹងសំរេចឲ្យ ដើម្បីឲ្យព្រះវរបិតាបានដំកើងឡើងក្នុងព្រះរាជបុត្រា ១៤ បើអ្នករាល់គ្នានឹងសូមអ្វី ដោយនូវឈ្មោះខ្ញុំ នោះខ្ញុំនឹងសំរេចឲ្យ។១៥ បើអ្នករាល់គ្នាស្រឡាញ់ខ្ញុំ ចូរកាន់តាមបញ្ញត្តរបស់ខ្ញុំចុះ ១៦ នោះខ្ញុំនឹងទូលសូមដល់ព្រះវរបិតា ហើយទ្រង់នឹងប្រទានព្រះដ៏ជាជំនួយ១អង្គទៀត មកអ្នករាល់គ្នា ឲ្យបានគង់នៅជាមួយ នៅអស់កល្បរៀងទៅ ១៧ គឺជាព្រះវិញ្ញាណនៃសេចក្តីពិត ដែលលោកីយ៍ទទួលពុំបាន ព្រោះមិនឃើញ ហើយមិនស្គាល់ទ្រង់សោះ តែអ្នករាល់គ្នាស្គាល់ទ្រង់ ដ្បិតទ្រង់គង់ជាមួយ ក៏នឹងសណ្ឋិតនៅក្នុងអ្នករាល់គ្នាដែរ ១៨ ខ្ញុំមិនចោលអ្នករាល់គ្នាឲ្យនៅកំព្រាទេ ខ្ញុំនឹងមកឯអ្នករាល់គ្នាវិញ ១៩ បន្តិចទៀត លោកីយ៍នឹងលែងឃើញខ្ញុំ តែអ្នករាល់គ្នានឹងឃើញខ្ញុំវិញ ហើយដោយព្រោះខ្ញុំរស់ នោះអ្នករាល់គ្នានឹងរស់ដែរ ២០ នៅថ្ងៃនោះ អ្នករាល់គ្នានឹងដឹងថា ខ្ញុំនៅក្នុងព្រះវរបិតាខ្ញុំ អ្នករាល់គ្នាក៏នៅក្នុងខ្ញុំ ហើយខ្ញុំនៅក្នុងអ្នករាល់គ្នាដែរ ២១ អ្នកណាដែលមានបញ្ញត្តរបស់ខ្ញុំ ហើយកាន់តាម គឺអ្នកនោះហើយដែលស្រឡាញ់ខ្ញុំ ឯអ្នកណាដែលស្រឡាញ់ខ្ញុំ នោះជាទីស្រឡាញ់នៃព្រះវរបិតាខ្ញុំហើយ ខ្ញុំនឹងស្រឡាញ់អ្នកនោះដែរ ក៏នឹងសំដែងខ្លួនឲ្យអ្នកនោះស្គាល់ផង ២២ យូដាស(មិនមែនអ៊ីស្ការីយ៉ុត) គាត់ទូលទ្រង់ថា ព្រះអម្ចាស់អើយ តើកើតមានហេតុដូចម្តេច បានជាទ្រង់នឹងសំដែងមកឲ្យយើងខ្ញុំស្គាល់ទ្រង់ តែមិនឲ្យលោកីយ៍ស្គាល់ផង ២៣ ព្រះយេស៊ូវមានព្រះបន្ទូលឆ្លើយថា បើអ្នកណាស្រឡាញ់ខ្ញុំ អ្នកនោះនឹងកាន់តាមពាក្យខ្ញុំ នោះព្រះវរបិតាខ្ញុំនឹងស្រឡាញ់អ្នកនោះ ហើយយើងនឹងមកឯអ្នកនោះ ក៏នឹងតាំងទីលំនៅ នៅជាមួយដែរ ២៤ អ្នកណាដែលមិនស្រឡាញ់ខ្ញុំ នោះមិនកាន់តាមពាក្យខ្ញុំទេ ឯពាក្យដែលអ្នករាល់គ្នាឮ នោះមិនមែនជាពាក្យខ្ញុំ គឺជាព្រះបន្ទូលរបស់ព្រះវរបិតា ដែលទ្រង់ចាត់ឲ្យខ្ញុំមកទេតើ។ ការយល់ដឹងពីអត្ថបទ ព្រះយេស៊ូវពេលនេះគឺទ្រង់អាចនឹងជិតដល់ពេលសុគតហើយ ប៉ុន្ដែកិច្ចការរបស់ទ្រង់មិនទាន់មកដល់ទីបញ្ចប់ទេ។នៅពេលព្រះយេស៊ូវយាងទៅព្រះវរបិតាវិញ ព្រះអង្គនឹងចាត់ព្រះវិញ្ញាណបរិសុទ្ធមក ហើយតាមរយៈអំណាចចេស្ដា និងការអធិស្ឋានរបស់ពួកសិស្សព្រះអង្គអាចធ្វើកិច្ចការធំជាងព្រះយេស៊ូវបានធ្វើផង។បេសកកម្មរបស់ព្រះយេស៊ូវ ស្ថិតនៅក្នុងកម្រិតមួយមានរយៈពេលតែពីរបីឆ្នាំនៅក្នុងតំបន់ប៉ាឡេស្ទីនប៉ុណ្ណោះ ប៉ុន្ដែសិស្សព្រះអង្គនឹងធ្វើដំណើរទៅប្រទេសផ្សេងទៀត ព្រមទាំងឈោងចាប់ពិភពលោកទាំងមូលដើម្បីព្រះជាម្ចាស់។ការដែលព្រះយេស៊ូវយាងត្រឡប់ទៅព្រះវរបិតាវិញ ជាការនាំមកនូវសករាជថ្មីមួយ។ព្រះយេស៊ូវមិនបាននិយាយអំពីព្រះវិញ្ញាណបរិសុទ្ធអោយបានជាក់លាក់ទេ ក្នុងពេលព្រះអង្គអះអាងទៅកាន់ពួកសិស្សពីព្រះពរដែលនឹងមកតាមក្រោយនៅពេលទ្រង់យាងទៅកាន់ព្រះវរបិតា។ទោះបីជាមនុស្សទូទៅមិនបានឃើញទ្រង់ទៀតក៍ដោយ សិស្សទ្រង់នៅតែអាចឃើញទ្រង់ដដែល គឺគេនៅតែបន្ដទំនាក់ទំនងជាមួយនឹងទ្រង់ដដែល។ គេនឹងអាចឃើញហើយស្គាល់ទ្រង់តាមរយៈវិញ្ញាណ ព្រោះទ្រង់គង់នៅជាមួយពួកគេហើយពួកគេនឹងស្រលាញ់ទ្រង់វិញ។ ព្រះបន្ទូលដែលព្រះប្រទានមកនៅថ្ងៃនេះ ***..............................................................................................................................................................................................។ ១. ហេតុអ្វីបានជាទ្រង់ប្រទានខគម្ពីរនេះមកខ្ញុំ? ខ្ញុំនឹងទទួលធ្វើតាម ..................................................................................................................................................................................................។ ២. ប្រសិនបើកូនបានធ្វើតាមបង្គាប់ទ្រង់ហើយ ទ្រង់នឹងប្រទានអ្វីដល់កូន? ..................................................................................................................................................................................................។ សេចក្តីអធិស្ឋាន ..................................................................................................................................................................................................។ |
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer