ចក្រភពបាប៊ីឡូនត្រូវរលំព្រះជាម្ចាស់រំដោះអ៊ីស្រាអែល(ត) យេរេមា 50:33-46 31 October 2026
៣៣ ព្រះយេហូវ៉ានៃពួកពលបរិវារទ្រង់មានព្រះបន្ទូលដូច្នេះថា ពួកកូនចៅអ៊ីស្រាអែល និងពួកកូនចៅយូដា ត្រូវគេសង្កត់សង្កិនជាមួយគ្នា ពួកអ្នកទាំងប៉ុន្មានដែលចាប់គេនាំទៅជាឈ្លើយ នោះក៏ឃុំឃាំងគេជាប់នៅ មិនព្រមលែងចេញទេ ៣៤ ឯព្រះដ៏ប្រោសលោះគេ ទ្រង់មានឥទ្ធិឫទ្ធិ ព្រះនាមទ្រង់ គឺជាព្រះយេហូវ៉ានៃពួកពលបរិវារ ទ្រង់នឹងកាន់ក្តីគេ ដើម្បីនឹងប្រោសឲ្យផែនដីបានសេចក្តីស្រាកស្រាន្ត ហើយឲ្យពួកអ្នកនៅក្រុងបាប៊ីឡូន កើតមានភ័យអាសន្នវិញ ៣៥ ព្រះយេហូវ៉ា ទ្រង់មានព្រះបន្ទូលថា មានដាវមកលើពួកខាល់ដេ និងលើពួកអ្នកនៅក្រុងបាប៊ីឡូន លើពួកចៅហ្វាយ និងពួកអ្នកប្រាជ្ញរបស់គេផង ៣៦ មានដាវមកលើពួកភូតភរ គេនឹងត្រឡប់ជាវិងស៊ុងស្មារតី មានដាវមកលើពួកខ្លាំងពូកែរបស់គេ ហើយពួកនោះនឹងភ័យស្លុតទៅ ៣៧ មានដាវមកលើសេះទាំងប៉ុន្មាន និងរទេះចំបាំងរបស់គេ ហើយលើជនជាតិលាយឡំទាំងប៉ុន្មាន ដែលនៅក្នុងក្រុងបាប៊ីឡូនដែរ គេនឹងត្រឡប់ទៅដូចជាស្រីវិញ មានដាវមកលើអស់ទាំងទ្រព្យសម្បត្តិរបស់គេ ហើយទាំងអស់នឹងត្រូវប្លន់យកទៅ ៣៨ មានរដូវរាំងរឹះមកលើទីទឹករបស់គេ ហើយទឹកទាំងនោះនឹងរីងស្ងួតទៅ ពីព្រោះស្រុកនោះមានសុទ្ធតែរូបឆ្លាក់ ក៏វក់នឹងរូបព្រះផង ៣៩ ហេតុនោះសត្វព្រៃនៅទីស្ងាត់ ហើយចចក នឹងអាស្រ័យនៅទីនោះ ព្រមទាំងសត្វអូសទ្រីចផង ឥតមានមនុស្សណានៅស្រុកនោះជាដរាបតទៅ ក៏នឹងគ្មានអ្នកណានៅគ្រប់ទាំងដំណមនុស្សតរៀងទៅដែរ ៤០ ព្រះយេហូវ៉ាទ្រង់មានព្រះបន្ទូលថានឹងគ្មានមនុស្សណាអាស្រ័យនៅទីនោះ ឬមនុស្សជាតិណាស្នាក់នៅឡើយ ដូចកាលព្រះទ្រង់បំផ្លាញក្រុងសូដុំម និងក្រុងកូម៉ូរ៉ា ហើយទីក្រុងនៅជិតខាងទាំងប៉ុន្មានដែរ។
៤១ មើល មានសាសន៍១មកពីទិសខាងជើង ជាសាសន៍យ៉ាងធំ និងស្តេចជាច្រើន បានត្រូវដាសឡើងពីចុងផែនដី ៤២ គេចាប់យកធ្នូនឹងលំពែង ជាពួកសាហាវណាស់ ឥតមានត្រាប្រណីឡើយ សំឡេងគេឮសន្ធឹកដូចសមុទ្រ គេសុទ្ធតែជិះសេះ គេដំរៀបគ្នា ដូចជាមនុស្សដែលរៀបទៅច្បាំង ឱកូនស្រីក្រុងបាប៊ីឡូនអើយ គេមកទាស់នឹងឯងហើយ ៤៣ ស្តេចក្រុងបាប៊ីឡូនបានឮដំណឹងពីគេ ព្រះហស្តទ្រង់ក៏ខ្សោយទៅ មានសេចក្តីថប់ព្រួយចាប់ទ្រង់ ទ្រង់ក៏ឈឺចាប់ ដូចជាស្រីដែលឈឺនឹងសំរាលកូន ៤៤ មើល ខ្មាំងសត្រូវនឹងឡើងមកទាស់នឹងទីលំនៅមាំមួន ដូចជាសិង្ហដែលឡើងមកពីទីជំនន់នៃទន្លេយ័រដាន់ ដ្បិតអញនឹងធ្វើឲ្យពួកក្រុងបាប៊ីឡូនរត់ចេញភ្លាម រួចអ្នកណាដែលបានរើសតាំង នោះអញនឹងតាំងឲ្យគ្រប់គ្រងវិញ តើអ្នកណាដូចអញ តើអ្នកណានឹងដាក់កំណត់ឲ្យអញបាន តើមានអ្នកគង្វាលណា ដែលអាចនឹងឈរនៅចំពោះអញបាន ៤៥ ដូច្នេះចូរស្តាប់សេចក្តីប្រឹក្សារបស់ព្រះយេហូវ៉ាជាសេចក្តីដែលទ្រង់បានគិតសំរេច ទាស់នឹងក្រុងបាប៊ីឡូន ហើយនឹងការដែលទ្រង់បានសំរេច ទាស់នឹងពួកអ្នកស្រុកខាល់ដេចុះ គឺថាពួកតូចបំផុតក្នុងហ្វូងនឹងអូសគេចេញជាពិត ហើយឲ្យទីលំនៅរបស់គេទៅជាស្ងាត់ច្រៀបពីលើគេ ៤៦ ផែនដីក៏ញ័រ ដោយសូរនៃការចាប់យកក្រុងបាប៊ីឡូន សំរែករបស់គេក៏បានឮ នៅកណ្តាលអស់ទាំងសាសន៍។ |
ការយល់ដឹងពីអត្ថបទ
អត្ថបទគម្ពីរ យេរេមា ៥០:៣៣-៤៦ គឺជាសារទំនាយយ៉ាងច្បាស់លាស់អំពីការជំនុំជម្រះរបស់ព្រះជាម្ចាស់ទៅលើ ចក្រភពបាប៊ីឡូន និងការរំដោះប្រជាជនអ៊ីស្រាអែលឱ្យរួចផុតពីការជិះជាន់។១. ការរំដោះប្រជាជនរបស់ព្រះ (ខ. ៣៣-៣៤)ស្ថានភាព: ប្រជាជនអ៊ីស្រាអែល និងយូដាត្រូវគេសង្កត់សង្កិន និងចាប់យកទៅជាទាសករ ហើយពួកអ្នកចាប់ខ្លួនបានបដិសេធមិនព្រមដោះលែងពួកគេឡើយ។ព្រះប្រោសលោះដ៏មានអំណាច: ព្រះអម្ចាស់នៃពលបរិវារ គឺជា «ព្រះប្រោសលោះ» ដ៏មានអំណាចរបស់ពួកគេ។ ព្រះអង្គនឹងចេញមុខតស៊ូជំនួសពួកគេ ដើម្បីនាំយកសេចក្តីស្ងប់ស្ងាត់មកជូនផែនដី ប៉ុន្តែបង្កើតភាពវឹកវរដល់អ្នកស្រុកបាប៊ីឡូនវិញ។២. សង្គ្រាម និងការបំផ្លិចបំផ្លាញលើបាប៊ីឡូន (ខ. ៣៥-៣៨)ដាវនៃការជំនុំជម្រះ: ព្រះជាម្ចាស់ចាត់ «ដាវ» ឱ្យវាយប្រហារលើគ្រប់ស្រទាប់វណ្ណៈនៃបាប៊ីឡូន រួមមាន៖ អ្នកស្រុក, មន្ត្រី, អ្នកប្រាជ្ញ, គ្រូមន្តអាគម, យោធិន, និងកងទ័ពជួល។ការស្ងួតហួតហែង: ទឹក និងទន្លេរបស់បាប៊ីឡូននឹងត្រូវស្ងួតហួតហែង ដែលជានិមិត្តរូបនៃបាត់បង់ប្រភពធនធាន និងការការពារ ដោយសារតែពួកគេថ្វាយបង្គំរូបរាប់ និងរូបព្រះដ៏ឆ្កួតល្ងង់។
៣. បាប៊ីឡូនក្លាយជាទីរហោស្ថានជារៀងរហូត (ខ. ៣៩-៤០)បាប៊ីឡូននឹងត្រូវបំផ្លាញចោលដូចជាទីក្រុងសូដុំ និងកូម៉ូរ៉ាដែរ។គ្មានមនុស្សរស់នៅទៀតឡើយ ហើយទីនោះនឹងក្លាយជាកន្លែងស្នាក់នៅរបស់សត្វព្រៃ និងសត្វសាហាវៗតែប៉ុណ្ណោះ។៤. ការវាយប្រហារពីទិសខាងជើង (ខ. ៤១-៤៣)ប្រជាជាតិដ៏រឹងមាំមួយមកពីទិសខាងជើង (ចក្រភពមេឌី-ពែរ្ស) នឹងមកវាយប្រហារ។ ពួកគេមានអាវុធ គ្មានចិត្តមេត្តា និងមានសំឡេងដូចជារលកសមុទ្រគ្រហឹម។ស្តេចបាប៊ីឡូននឹងលឺដំណឹងនេះ ហើយស្រមៃភ័យញ័រដៃ ព្រមទាំងរងទុក្ខវេទនាដូចជាស្រ្តីកំពុងឆ្លងទន្លេ។
៥. អំណាចដាច់ខាតរបស់ព្រះជាម្ចាស់ (ខ. ៤៤-៤៦)ព្រះជាម្ចាស់ប្រៀបធៀបខ្លួនព្រះអង្គដូចជាសិង្ហដែលចេញពីព្រៃមកដេញសត្វ។ គ្មានអ្នកណា ឬអ្នកគង្វាលណាមួយអាចតទល់នឹងព្រះអង្គបានឡើយ។
១. តើខគម្ពីរមួយណាដែលព្រះទ្រង់ប្រទានមកខ្ញុំនៅថ្ងៃនេះ?
.......................................................................................................................................................................................។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំសូមទទួលស្តាប់បង្គាប់ទ្រង់។
........................................................................................................................................................................................។
៣. នៅពេលកូនបានស្តាប់បង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ?
........................................................................................................................................................................................។
សេចក្តីអធិស្ឋាន
........................................................................................................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer