២៧ ខណៈនោះ ពួកសិស្សទ្រង់មកដល់ ក៏នឹកប្លែកពីទ្រង់មានព្រះបន្ទូលនឹងស្ត្រីនោះ ប៉ុន្តែគ្មានអ្នកណាទូលសួរថា ទ្រង់សួររកអ្វី ឬថា ទ្រង់មានព្រះបន្ទូលនឹងស្ត្រីនេះធ្វើអីនោះទេ ២៨ ឯស្ត្រីនោះ នាងទុកក្អមចោល ក៏ចូលក្នុងក្រុងដំណាលប្រាប់គេថា ២៩ ចូរមកមើល មានមនុស្សម្នាក់ ដែលប្រាប់ខ្ញុំពីគ្រប់អំពើទាំងអស់ ដែលខ្ញុំបានប្រព្រឹត្ត តើអ្នកនោះមិនមែនជាព្រះគ្រីស្ទទេឬអី ៣០ គេក៏ចេញពីទីក្រុងទៅឯទ្រង់។៣១ ក្នុងរវាងនោះ ពួកសិស្សទូលទ្រង់ថា លោកគ្រូ អញ្ជើញពិសា ៣២ តែទ្រង់មានព្រះបន្ទូលថា ខ្ញុំមានអាហារសំរាប់ទទួលទានហើយ គឺជាអាហារដែលអ្នករាល់គ្នាមិនស្គាល់ ៣៣ ដូច្នេះ ពួកសិស្សសួរគ្នាទៅវិញទៅមកថា មានអ្នកណាយកអ្វីមកជូនលោកពិសាដែរឬអី ៣៤ នោះព្រះយេស៊ូវមានព្រះបន្ទូលទៅគេថា ឯអាហារខ្ញុំ គឺត្រង់ដែលខ្ញុំធ្វើតាមព្រះហឫទ័យនៃព្រះ ដែលចាត់ឲ្យខ្ញុំមក ព្រមទាំងបង្ហើយការរបស់ទ្រង់នោះឯង ៣៥ តើអ្នករាល់គ្នាមិនថា នៅ៤ខែទៀត ទើបដល់រដូវចំរូតទេឬអី ខ្ញុំប្រាប់អ្នករាល់គ្នាថា ចូរងើបឡើងមើលទៅស្រែមើល ដ្បិតបានក្រហមល្មមច្រូតហើយ ៣៦ អ្នកណាដែលច្រូត នោះបានរង្វាន់ ក៏ប្រមូលផលសំរាប់ជីវិតដ៏នៅអស់កល្បជានិច្ច ដើម្បីឲ្យអ្នកដែលព្រោះ និងអ្នកដែលច្រូត បានអរសប្បាយផងគ្នា ៣៧ ដ្បិតចំពោះដំណើរនេះ នោះពាក្យទំនៀមនេះត្រូវណាស់ថា ម្នាក់ព្រោះ ម្នាក់ទៀតច្រូត ៣៨ ខ្ញុំបានចាត់អ្នករាល់គ្នាទៅច្រូតចំរូត ដែលមិនបាននឿយនឹងធ្វើសោះ មានអ្នកឯទៀតបាននឿយហត់ ហើយអ្នករាល់គ្នាបានចូលទៅក្នុងការរបស់គេ។៣៩ នៅក្រុងនោះ ក៏មានសាសន៍សាម៉ារីជាច្រើន បានជឿដល់ទ្រង់ ដោយព្រោះពាក្យដែលស្ត្រីនោះធ្វើបន្ទាល់ថា លោកប្រាប់ខ្ញុំពីគ្រប់អំពើទាំងអស់ដែលខ្ញុំបានប្រព្រឹត្ត ៤០ ដូច្នេះកាលពួកសាសន៍សាម៉ារីបានមកដល់ទ្រង់ហើយ នោះគេសូមទ្រង់ ឲ្យនៅជាមួយនឹងគេទ្រង់ក៏គង់នៅទីនោះអស់២ថ្ងៃ ៤១ ហើយមានមនុស្សជាច្រើនទៀតបានជឿ ដោយសារព្រះបន្ទូលទ្រង់ ៤២ រួចគេនិយាយទៅស្ត្រីនោះថា ឥឡូវនេះ យើងជឿ មិនមែនដោយព្រោះពាក្យសំដីរបស់អ្នកទៀតទេ គឺជឿដោយព្រោះបានឮទ្រង់ផ្ទាល់ខ្លួនយើងវិញ ហើយយើងដឹងថា ទ្រង់ជាព្រះគ្រីស្ទ ជាព្រះដ៏ជួយសង្គ្រោះមនុស្សលោកពិតប្រាកដមែន។
ការយល់ដឹងពីអត្ថបទ
ក្រោយពីបានដឹងថា ព្រះយេស៊ូវគ្រីស្ទគឺជាព្រះមែស៊ីដែលនាងបានរងចាំ នាងបានភ្ញាក់ផ្អើល និងរំភើបជាខ្លាំង នាងបានប្រញាប់ត្រឡប់ទៅភូមិ ហើយបានប្រាប់ និងតឿនដល់មនុស្សទាំងអស់គ្រប់គ្នាមកមើលបុរសដ៏អស្ចារ្យនេះ។ បន្ទាប់មកទៀត ពួកសិស្សរបស់ព្រះយេស៊ូវក៍បានបកស្រាយព្រះបន្ទូលរបស់ទ្រង់តាមន័យត្រង់ដែរ ហើយប្រធានបទនោះគឺរឿងអាហារ។ព្រះបានមានបន្ទូលថា កម្លាំងរបស់ទ្រង់បានមកពីការស្ដាប់បង្គាប់ព្រះវរបិតា និងធ្វើតាមបំណងព្រះហឫទ័យរបស់ព្រះអង្គ។នោះហើយជាអាហារពិតរបស់ព្រះអង្គ ហើយទ្រង់តាំងព្រះទ័យថា នឹងបន្ដធ្វើដូច្នេះរហូតទាល់តែព្រះអង្គបញ្ចប់កិច្ចការដែលត្រូវធ្វើនៅលើផែនដី។ក្រោយពីព្រោះពូជស្រូវរួចហើយ ពួកគេត្រូវតែរងចាំពេលវេលាដើម្បីច្រូតកាត់។ប៉ុន្ដែករណីរបស់ស្ដ្រីសាសន៍សាម៉ារី ពូជដែលព្រោះនៅក្នុងចិត្ដនាង បានបង្កើតផលផ្លែភ្លាមតែម្ដង ព្រោះថា អ្នកភូមិបានធ្វើដំណើរយ៉ាងលឿនមកជួបព្រះយេស៊ូវ។ក្នុងន័យនេះព្រះយេស៊ូវជាអ្នកព្រោះ ហើយសិស្សរបស់ទ្រង់ជាអ្នកច្រូត។នេះជាចម្រូតគំរូមួយដែលពួកគេនឹងច្រូតពីគ្រាប់ពូជដែលហោរានៃព្រះបានព្រោះ។ ទោះបីជានាងបានណែនាំពួកអ្នកភូមិអោយមកជួបព្រះយេស៊ូវក៍ដោយតែបើពួកគេមិនបានឆ្លើយតបដោយជំនឿដ៏ស្មោះត្រង់ទេនោះ ពួកគេនឹងមិនបានសង្គ្រោះដែរ។ព្រះយេស៊ូវគឺជាព្រះពរសម្រាប់មនុស្សគ្រប់រូប ព្រះអង្គបានបង្ហូរព្រះពរមកដល់មនុស្សគ្រប់គ្នា ដោយមិនប្រកាន់ជាតិសាសន៍ ឬឋានៈឡើយ។
ព្រះបន្ទូលដែលប្រទានមកខ្ញុំនៅថ្ងៃនេះ
…………………………………………………………………………………………………………………………………………………………………………………….
១. តើហេតុអ្វីបានជាទ្រង់ប្រទានខគម្ពីរនេះមកខ្ញុំ? ខ្ញុំនឹងទទួលតាម។
……………………………………………………………………………………………………………………………………………………………………………………..
២. តើព្រះជាម្ចាស់ទ្រង់សន្យាថានឹងប្រទានអ្វីមកដល់ខ្ញុំ?
……………………………………………………………………………………………………………………………………………………………………………………..
សេចក្តីអធិស្ឋាន
……………………………………………………………………………………………………………………………………………………………………………………..
