គ្រប់ទាំងអស់បានប្រទានមកក្នុងព្រះហស្តទ្រង់ យ៉ូហាន 3:31-36 17 March 2026
៣១ ព្រះអង្គដែលមកពីស្ថានលើ នោះខ្ពស់លើសទាំងអស់ ឯមនុស្សដែលនៅផែនដី នោះកើតពីផែនដីមក ហើយក៏និយាយតាមរបៀបផែនដី តែព្រះអង្គដែលយាងមកពីស្ថានសួគ៌ នោះខ្ពស់លើសជាងទាំងអស់ ៣២ ទ្រង់ធ្វើបន្ទាល់ពីការដែលទ្រង់បានឃើញ ហើយឮ តែគ្មានអ្នកណាដែលទទួលសេចក្តីបន្ទាល់របស់ទ្រង់ទេ ៣៣ អ្នកណាដែលទទួលសេចក្តីបន្ទាល់របស់ទ្រង់ នោះបានបោះត្រា យល់ព្រមថា ព្រះទ្រង់ពិតត្រង់មែន ៣៤ ដ្បិតព្រះអង្គ ដែលព្រះបានចាត់ឲ្យមក ទ្រង់មានព្រះបន្ទូលតាមព្រះបន្ទូលនៃព្រះ ពីព្រោះព្រះទ្រង់មិនប្រទានព្រះវិញ្ញាណមក ដោយមានកំរិតទេ ៣៥ ឯព្រះវរបិតា ទ្រង់ស្រឡាញ់ព្រះរាជបុត្រា ហើយបានប្រគល់គ្រប់ទាំងអស់ មកក្នុងព្រះហស្តទ្រង់ ៣៦ ឯអ្នកណាដែលជឿដល់ព្រះរាជបុត្រា នោះមានជីវិតដ៏នៅអស់កល្បជានិច្ចហើយ តែអ្នកណាដែលមិនព្រមជឿដល់ព្រះរាជបុត្រាវិញ នោះនឹងមិនឃើញជីវិតសោះឡើយ គឺសេចក្តីក្រោធរបស់ព្រះ តែងនៅជាប់លើអ្នកនោះឯង។ ការយល់ដឹងពីអត្ថបទ លោកយ៉ូហាន គ្រាន់តែជាមនុស្សធម្មតាម្នាក់ដែលកើតមកក្នុងពិភពលោកដូចជាមនុស្សដទៃទៀតដែរ ប៉ុន្ដែព្រះយេស៊ូវវិញបានយាងមកពីស្ថានសួគ៌ ព្រះអង្គជាព្រះបន្ទូលដែលមកពីព្រះជាម្ចាស់។មនុស្សភាគច្រើនបដិសេធព្រះអង្គ ដែលជាអ្នកនាំព្រះបន្ទូលរបស់ព្រះជាម្ចាស់ ប៉ុន្ដែមានមនុស្សខ្លះបានជឿដល់ព្រះអង្គ។ព្រះជាម្ចាស់បានធ្វើអោយពិភពលោកស្គាល់ព្រះអង្គតាមរយៈព្រះយេស៊ូវ ហើយព្រះយេស៊ូវបានធ្វើកិច្ចការរបស់ព្រះអង្គសម្រេចដោយជោគជ័យ ដោយសារអំណាចនៃព្រះវិញ្ញាណបរិសុទ្ធ ដែលគង់នៅជាមួយព្រះអង្គ។អ្នកដែលស្ដាប់សេចក្ដីបង្រៀនរបស់ព្រះយេស៊ូវ ហើយទទួលជឿព្រះអង្គ នោះបានបង្ហាញថា គេជឿដល់ព្រះជាម្ចាស់ ប៉ុន្ដែអ្នកដែលបដិសេធនឹងសេចក្ដីបង្រៀននេះ បានដាក់ខ្លួនឯងអោយស្ថិតនៅក្រោមការជំនុំជម្រះរបស់ព្រះជាម្ចាស់វិញ។ ព្រះបន្ទូលដែលព្រះប្រទានមកខ្ញុំនៅថ្ងៃនេះ .............................................................................................................................................................................................................. ១. ហេតុអ្វីបានជាទ្រង់ប្រទានខគម្ពីរនេះមកខ្ញុំ? ខ្ញុំនឹងធ្វើតាមទ្រង់។ .............................................................................................................................................................................................................. ២. តើព្រះអង្គទ្រង់សន្យាថានឹងប្រទានអ្វីដល់ទូលបង្គំ ? .............................................................................................................................................................................................................. សេចក្តីអធិស្ឋាន៖ ..............................................................................................................................................................................................................
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer