ប៉ុលមានបំណងទៅសួរសុខទុក្ខគ្រីស្ទបរិស័ទនៅក្រុងរ៉ូម រ៉ូម 1:8-17

៨ មុនដំបូង ខ្ញុំសូមអរព្រះគុណដល់ព្រះនៃខ្ញុំ ដោយនូវព្រះយេស៊ូវគ្រីស្ទ ពីដំណើរអ្នករាល់គ្នា ដោយឮគេថ្លែងប្រាប់ នៅគ្រប់ក្នុងលោកីយ៍ទាំងមូល ពីសេចក្តីជំនឿរបស់អ្នករាល់គ្នា ៩ ដ្បិតព្រះដែលខ្ញុំបំរើដោយវិញ្ញាណខ្ញុំ ក្នុងដំណឹងល្អពីព្រះរាជបុត្រាទ្រង់ នោះជាស្មរបន្ទាល់ពីខ្ញុំថា ខ្ញុំទូលដំណាលពីអ្នករាល់គ្នា ក្នុងសេចក្តីអធិស្ឋានរបស់ខ្ញុំជានិច្ច ១០ ព្រមទាំងសូមអង្វរជាដរាប ឲ្យខ្ញុំបានឱកាសស្រួលតាមព្រះហឫទ័យម្តងណេះ ដើម្បីនឹងមកឯអ្នករាល់គ្នា បើសិនជាបាន ១១ ដោយព្រោះខ្ញុំរឭកចង់ឃើញអ្នករាល់គ្នា ដើម្បីនឹងចែកអំណោយទានណាមួយ ខាងវិញ្ញាណមកអ្នករាល់គ្នា ប្រយោជន៍ឲ្យអ្នករាល់គ្នាបានតាំងនៅយ៉ាងខ្ជាប់ខ្ជួន ១២ គឺថា ឲ្យយើងបានសេចក្តីកំសាន្តចិត្តគ្នាទៅវិញទៅមក ក្នុងពួកអ្នករាល់គ្នា ដោយសារសេចក្តីជំនឿរបស់យើងនិមួយៗ គឺរបស់អ្នករាល់គ្នា និងរបស់ខ្ញុំផង ១៣ តែបងប្អូនអើយ ខ្ញុំចង់ឲ្យអ្នករាល់គ្នាដឹងថា ខ្ញុំបានគិតមកឯអ្នករាល់គ្នាជារឿយៗ ដើម្បីឲ្យបានផលខ្លះ ក្នុងពួកអ្នករាល់គ្នា ដូចជាក្នុងពួកសាសន៍ឯទៀតដែរ តែខ្ញុំមានសេចក្តីឃាត់ឃាំង ដរាបមកដល់ឥឡូវនេះ ១៤ ខ្ញុំមានសេចក្តីជំពាក់ទាំងសាសន៍ក្រេក និងសាសន៍ដទៃ ទាំងអ្នកប្រាជ្ញ និងអ្នកខ្លៅផង ១៥ ដូច្នេះ ឯខ្ញុំៗ ប្រុងប្រៀបតែនឹងប្រាប់ដំណឹងល្អមកអ្នករាល់គ្នា ដែលនៅក្រុងរ៉ូមដែរ ១៦ ដ្បិតខ្ញុំគ្មានសេចក្តីខ្មាស ចំពោះដំណឹងល្អនៃព្រះគ្រីស្ទទេ ពីព្រោះជាព្រះចេស្តានៃព្រះ សំរាប់នឹងជួយសង្គ្រោះដល់អស់អ្នកណាដែលជឿ គឺដល់ទាំងសាសន៍យូដាជាដើម និងសាសន៍ក្រេកផង ១៧ ដ្បិតសេចក្តីសុចរិតនៃព្រះ បានសំដែងមកក្នុងដំណឹងល្អនោះ ដោយសារសេចក្តីជំនឿ ហើយឲ្យបានសេចក្តីជំនឿចំរើនច្រើនឡើងផង ដូចមានសេចក្តីចែងទុកមកថា «មនុស្សសុចរិតនឹងរស់នៅ ដោយអាងសេចក្តីជំនឿ»។
ការយល់ដឹងពីអត្ថបទ
ដើរតួជាសេចក្តីផ្តើមជាមូលដ្ឋាន និងជាសេចក្តីថ្លែងអំពីប្រធានបទសំខាន់នៃលិខិតរបស់សាវ័កប៉ុលដែលផ្ញើទៅកាន់ពួកជំនុំនៅក្រុងរ៉ូម ដោយបង្ហាញពីក្តីស្រឡាញ់ដ៏ជ្រាលជ្រៅរបស់លោកចំពោះអ្នកជឿនៅទីនោះ និងអំណាចស្នូលនៃសារដំណឹងល្អរបស់គ្រិស្តសាសនា។ប៉ុលអរព្រះគុណព្រះជាម្ចាស់តាមរយៈព្រះយេស៊ូគ្រីស្ទ ដោយសារជំនឿរបស់ក្រុមជំនុំនៅក្រុងរ៉ូមត្រូវបានគេស្គាល់ និងនិយាយដល់ពាសពេញពិភពលោកក្រោមការគ្រប់គ្រងរបស់រ៉ូម។ លោកអំពាវនាវរកព្រះជាម្ចាស់ជាសាក្សីថា លោកអធិស្ឋានសម្រាប់ពួកគេជានិច្ច ដោយទូលសូមឲ្យមានផ្លូវងាយស្រួលដើម្បីបានទៅជួបពួកគេនៅទីបំផុត។ប៉ុលចង់ទៅជួបពួកគេដើម្បីចែករំលែកអំណោយទានខាងវិញ្ញាណដែលនឹងពង្រឹងពួកគេ នាំឱ្យមានការលើកទឹកចិត្តគ្នាទៅវិញទៅមកតាមរយៈជំនឿរបស់គ្នាទៅវិញទៅមក។លោកបញ្ជាក់ថា លោកធ្លាប់បានគ្រោងទុកជាញឹកញាប់ដើម្បីមកប្រមូលផលក្នុងចំណោមពួកគេ ដូចដែលលោកបានធ្វើជាមួយជនជាតិដទៃទៀតដែរ ប៉ុន្តែត្រូវបានរារាំងរហូតមកដល់ពេលនេះ។ ប៉ុលមានអារម្មណ៍ថាមានកាតព្វកិច្ចយ៉ាងខ្លាំងក្នុងការផ្សាយដំណឹងល្អដល់មនុស្សគ្រប់ប្រភេទ ទាំងអ្នកដែលមានវប្បធម៌ជឿនលឿន («ជនជាតិក្រិច») និងអ្នកដែលមិនមានវប្បធម៌ជឿនលឿន («ជនជាតិព្រៃផ្សៃ») ទាំងអ្នកមានប្រាជ្ញា និងអ្នកល្ងង់ខ្លៅ ព្រោះសារនេះគឺសម្រាប់មនុស្សគ្រប់គ្នា។ ប៉ុលមិនខ្មាសអៀននឹងដំណឹងល្អទេ ព្រោះវាជាព្រះចេស្ដារបស់ព្រះជាម្ចាស់ដែលកំពុងធ្វើការ ដើម្បីសង្គ្រោះមនុស្សគ្រប់រូបដែលជឿ គឺចាប់ផ្តើមពីជនជាតិយូដា ហើយក៏ដល់ជនជាតិមិនមែនយូដា (ជនជាតិដទៃ/ជនជាតិក្រិច) ផងដែរ។ ខទី ១៧ ពន្យល់ថា ដំណឹងល្អបង្ហាញពីសេចក្តីសុចរិតដែលមកពីព្រះជាម្ចាស់ គឺស្ថានភាពសុចរិតដែលបានប្រទានដល់មនុស្សជាតិដោយសារជំនឿ តាំងពីដើមរហូតដល់ចប់ ដែលស្របនឹងពាក្យរបស់ព្យាការីហាបាគុកក្នុងគម្ពីរចាស់ (ហាបាគុក ២:៤) ថា៖ «មនុស្សសុចរិតនឹងរស់នៅដោយសារជំនឿ»។
១. តើខគម្ពីរមួយណាដែលព្រះបានប្រទានមកខ្ញុំនៅថ្ងៃនេះ?
............................................................................................................................................................។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។
............................................................................................................................................................។
៣. តើទ្រង់នឹងប្រទានអ្វីមកដល់អស់អ្នកដែលបានស្តាប់បង្គាប់ទ្រង់?
............................................................................................................................................................។
សេចក្តីអធិស្ឋាន
............................................................................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer