យូដាធ្លាក់ទៅជាឈ្លើយ យេរេមា 52:17-34 07 November 2026
១៧ ឯសសរលង្ហិន ដែលនៅក្នុងព្រះវិហារនៃព្រះយេហូវ៉ា និងជើងថ្កល់ ហើយសមុទ្រលង្ហិនដែលនៅក្នុងព្រះវិហារនៃព្រះយេហូវ៉ា នោះពួកខាល់ដេបំបែកជាដុំៗ ដឹកយកលង្ហិនទាំងនោះទៅឯស្រុកបាប៊ីឡូនទៅ ១៨ ឯកន្ថោរ ចបចូក ឃ្នាបប្រឆេះ ចានគោម កូនចាន និងគ្រឿងប្រដាប់លង្ហិនទាំងប៉ុន្មានដែលប្រើសំរាប់គោរព នោះគេក៏យកទៅដែរ ១៩ ហើយទាំងផើង ជើងក្រាន ចានគោម កន្ថោរ ជើងចង្កៀង កូនចាន និងពែង ដែលធ្វើពីមាស ហើយដែលធ្វើពីប្រាក់ នោះមេទ័ពធំក៏យកទៅទាំងអស់ ២០ ឯសសរទាំង២ សមុទ្រ១ និងគោលង្ហិនទាំង១២ទ្រពីក្រោម ដែលស្តេចសាឡូម៉ូនបានធ្វើសំរាប់ព្រះវិហារនៃព្រះយេហូវ៉ា នោះនឹងថ្លឹងលង្ហិននៃរបស់ទាំងនោះមិនបានឡើយ ២១ ត្រង់ឯសសរនោះមួយៗ មានកំពស់១៨ហត្ថ ហើយវាស់ជុំវិញត្រូវជា១២ហត្ថ មានកំរាស់៤ធ្នាប់ មានប្រហោងក្នុង ២២ ក៏មានក្បាច់ក្បាលសសរលង្ហិននៅពីលើក្បាលសសរមួយៗកំពស់៥ហត្ថ មានក្បាច់ក្រឡាអួន និងផ្លែទទឹម សុទ្ធតែធ្វើពីលង្ហិននៅជាប់ជុំវិញផង ហើយសសរទី២ក៏មានក្បាច់ក្រឡាអួន និងផ្លែទទឹមដូចគ្នាដែរ ២៣ មានផ្លែទទឹម៩៦នៅគ្រប់ជុំវិញ ហើយនឹងផ្លែទទឹមទាំងអស់ ដែលនៅជាប់នឹងក្បាច់ក្រឡាអួននោះមានចំនួន១០០។២៤ មេទ័ពធំក៏យកសេរ៉ាយ៉ា ជាសង្ឃធំ និងសេផានា ជាសង្ឃទី២ ហើយពួកឆ្មាំទ្វារទាំង៣នាក់ ២៥ ក៏យកមេម្នាក់ ដែលបានត្រួតលើពលទ័ព ពីក្នុងទីក្រុង និងមនុស្ស៧នាក់ ដែលធ្លាប់ឃើញព្រះភក្ត្រស្តេច ដែលឃើញមាននៅក្នុងទីក្រុង ហើយស្មៀនរបស់មេទ័ពធំ ដែលកេណ្ឌពួកអ្នកស្រុក ព្រមទាំងពួកអ្នកស្រុក៦០នាក់ ដែលឃើញមាននៅក្នុងទីក្រុងផង ២៦ នោះនេប៊ូសារ៉ាដាន ជាមេទ័ពធំ លោកនាំអ្នកទាំងនោះ ទៅឯស្តេចបាប៊ីឡូនត្រង់រីបឡា ២៧ ស្តេចបាប៊ីឡូនក៏ប្រហារជីវិតគេ នៅត្រង់រីបឡា ក្នុងស្រុកហាម៉ាតទៅ គឺយ៉ាងនោះដែលពួកយូដាត្រូវដឹកនាំចេញពីស្រុករបស់ខ្លួនទៅជាឈ្លើយ។២៨ នេះជាពួកបណ្តាជន ដែលនេប៊ូក្នេសាបានដឹកនាំទៅជាឈ្លើយ នៅឆ្នាំទី៧ គឺមានពួកយូដា អស់ចំនួន៣០២៣នាក់ ២៩ នៅឆ្នាំទី១៨នៃនេប៊ូក្នេសា នោះទ្រង់នាំយកមនុស្សចំនួន៨៣២នាក់ ចេញពីក្រុងយេរូសាឡិមទៅជាឈ្លើយ ៣០ រួចនៅឆ្នាំទី២៣នៃនេប៊ូក្នេសា នោះនេប៊ូសារ៉ាដាន ជាមេទ័ពធំ ក៏នាំយកពួកសាសន៍យូដាចំនួន៧៤៥នាក់ទៅជាឈ្លើយទៀត បូករួមមនុស្សទាំងអស់មានចំនួន៤៦០០នាក់។៣១ លុះដល់ឆ្នាំទី៣៧ ដែលយ៉ូយ៉ាគីន ជាស្តេចយូដានៅជាឈ្លើយ គឺនៅថ្ងៃ២៥ខែផល្គុណ នោះអេវីល-មេរ៉ូដាក ស្តេចបាប៊ីឡូនក៏លើកមុខយ៉ូយ៉ាគីន ជាស្តេចយូដាឡើង នៅក្នុងឆ្នាំទី១នៃរាជ្យទ្រង់ ហើយដោះទ្រង់ឲ្យរួចចេញពីគុក ៣២ ក៏មានព្រះបន្ទូលនឹងទ្រង់ដោយផ្អែមពីរោះ ហើយតាំងបល្ល័ង្កទ្រង់ឲ្យខ្ពស់ជាងបល្ល័ង្កនៃពួកស្តេច ដែលនៅជាមួយក្នុងក្រុងបាប៊ីឡូន ៣៣ ក៏ផ្លាស់សំលៀកបំពាក់គុកពីទ្រង់ចេញ រួចយ៉ូយ៉ាគីនក៏សោយព្រះស្ងោយ នៅចំពោះស្តេចបាប៊ីឡូនជានិច្ច ដរាបដល់អស់ព្រះជន្មទ្រង់ ៣៤ ឯចំណែកសំរាប់ចិញ្ចឹមទ្រង់ នោះមាន១ចំណែកចេញពីស្តេចបាប៊ីឡូនទៅរាល់ៗថ្ងៃជានិច្ច ដរាបដល់អស់ព្រះជន្មទ្រង់។
ការយល់ដឹងពីអត្ថបទ
រៀបរាប់យ៉ាងលម្អិតអំពីការរុះរើ និងការលួចប្លន់ព្រះវិហារនៅក្រុងយេរូសាឡិមជាលក្ខណៈប្រព័ន្ធ ការប្រហារជីវិតមេដឹកនាំនៃស្រុកយូដា ការរាប់ចំនួនអ្នកដែលត្រូវបាននិរទេសជាផ្លូវការ និងពន្លឺនៃក្តីសង្ឃឹមចុងក្រោយដ៏គួរឱ្យភ្ញាក់ផ្អើលមួយ គឺការដោះលែងស្តេចយេហូយ៉ាគីន។កងទ័ពបាប៊ីឡូន (ខាល់ដេ) បានរុះរើ និងដឹកជញ្ជូនវត្ថុធ្វើពីសំរិទ្ធដ៏ធំសម្បើមចេញពីព្រះវិហាររបស់ស្តេចសាឡូម៉ូន រួមទាំងសសរដ៏ល្បីល្បាញទាំងពីរ (គឺសសរយ៉ាគីន និងបូអាស) អាងទឹកដ៏ធំដែលគេហៅថា «សមុទ្រសំរិទ្ធ» និងជើងទម្រដែលអាចផ្លាស់ទីបាន។ មេបញ្ជាការកងរក្សាព្រះរាជវាំងបានរឹបអូសយកវត្ថុតូចៗដែលធ្វើពីលោហៈមានតម្លៃទាំងអស់ ដូចជា ឆ្នាំង អាងទឹក ជើងចង្កៀង និងចាន។ការបំផ្លិចបំផ្លាញនេះបានធ្វើឱ្យសម្រេចនូវសេចក្តីព្រមានរបស់ពួកព្យាការី។ ការដឹកជញ្ជូនវត្ថុដ៏ពិសិដ្ឋទាំងនេះចេញទៅ បានបង្ហាញជានិមិត្តរូបនៃការដកវត្តមានរបស់ព្រះជាម្ចាស់ចេញទាំងស្រុង ការធ្វើឱ្យជំនឿរបស់ជនជាតិអ៊ីស្រាអែលត្រូវអាម៉ាស់មុខ និងការដួលរលំទាំងស្រុងនៃស្ថិរភាពនយោបាយ និងសាសនារបស់ជាតិ។៣៧ ឆ្នាំបន្ទាប់ពីស្ដេចយេហូយ៉ាគីនត្រូវបានគេនាំទៅកាន់ក្រុងបាប៊ីឡូន ស្ដេច បាប៊ីឡូនថ្មីមួយអង្គព្រះនាម អេវីល-មេរ៉ូដាក (Evil-Merodach) បានឡើងគ្រងរាជ្យ។ នៅឆ្នាំដំបូងនៃការគ្រងរាជ្យរបស់ទ្រង់ ទ្រង់បានបង្ហាញសេចក្ដីមេត្តាករុណាដល់ស្ដេចយេហូយ៉ាគីន ហើយបានដោះលែងទ្រង់ចេញពីគុក។ស្ដេចបាប៊ីឡូនបានមានបន្ទូលយ៉ាងសប្បុរសទៅកាន់ស្ដេចយេហូយ៉ាគីន ដោយបានប្រទានកៅអីដ៏មានកិត្តិយសខ្ពស់ជាងស្ដេចបរទេសឯទៀតៗដែលត្រូវបានចាប់ខ្លួន ផ្លាស់ប្ដូរឈុត សម្លៀកបំពាក់ក្នុងគុករបស់ទ្រង់មកជាសម្លៀកបំពាក់រាជវង្សវិញ និងបានផ្ដល់អាហារប្រចាំថ្ងៃដល់ទ្រង់រហូតដល់អស់ព្រះជន្ម។សៀវភៅ យេរេមាបានបញ្ចប់ដោយបង្ហាញពីព្រះគុណដ៏គួរឱ្យភ្ញាក់ផ្អើលនេះ។ ទោះបីជាក្រុងយេរូសាឡិមត្រូវបានបំផ្លាញ ហើយព្រះវិហារស្ថិតក្នុងសភាពបាក់បែកក៏ដោយ ក៏ខ្សែស្រឡាយរាជវង្សរបស់ស្ដេចដាវីឌនៅតែបន្តមានជីវិត។ ព្រះជាម្ចាស់មិនបានបោះបង់ចោលទាំងស្រុងនូវសេចក្ដីសន្យានៃសម្ព័ន្ធមេត្រីរបស់ទ្រង់ក្នុងការថែរក្សារាជវង្សរបស់ដាវីឌនោះទេ។
១. តើខគម្ពីរមួយណាដែលព្រះទ្រង់បានប្រទានមកខ្ញុំនៅថ្ងៃនេះ?
...............................................................................................................................................។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។
..............................................................................................................................................។
៣. តើព្រះអង្គបានសន្យាថានឹងប្រទានអ្វី ដល់អ្នកដែលចេះស្តាប់បង្គាប់ព្រះអង្គ?
..............................................................................................................................................។
សេចក្តីអធិស្ឋាន
..............................................................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer