ការអធិស្ឋាន
ការអានអត្ថបទ
១ ដ្បិតឯក្រឹត្យវិន័យ ដែលមានតែស្រមោល ពីសេចក្តីល្អដែលត្រូវមក មិនមែនជាតួរូបរបស់សេចក្តីទាំងនោះទេ នោះពុំអាចនឹងធ្វើឲ្យពួកអ្នក ដែលចូលមកថ្វាយយញ្ញបូជាដដែលៗ រាល់តែឆ្នាំជានិច្ច បានគ្រប់លក្ខណ៍ឡើយ ២ ដ្បិតបើបាន តើគេមិនបានលែងថ្វាយទេឬអី ពីព្រោះបញ្ញាចិត្តនៃពួកអ្នកដែលថ្វាយបង្គំ នោះមិនបានដឹងថាមានបាបទៀតទេ ដោយព្រោះបានញែកសំអាតម្តងហើយ ៣ តែយញ្ញបូជាទាំងនោះនាំឲ្យរំឭកឃើញ ពីអំពើបាបរបស់គេរាល់តែឆ្នាំវិញ ៤ ដ្បិតឈាមគោឈ្មោល និងពពែឈ្មោល នោះពុំអាចនឹងដោះបាបបានឡើយ ៥ ហេតុនោះបានជាកាលទ្រង់យាងមកក្នុងលោកីយ៍ ទ្រង់មានព្រះបន្ទូលថា «ព្រះអង្គមិនចង់បានយញ្ញបូជា និងដង្វាយទេ តែទ្រង់បានរៀបចំរូបកាយឲ្យទូលបង្គំវិញ ៦ ទ្រង់ក៏មិនសព្វព្រះហឫទ័យនឹងដង្វាយដុត ឬនឹងដង្វាយលោះបាបដែរ ៧ បានជាទូលបង្គំទូលថា មើល ឱព្រះអង្គអើយ ទូលបង្គំមកនឹងធ្វើតាមព្រះហឫទ័យទ្រង់ (សេចក្តីនេះបានកត់ទុកពីទូលបង្គំ នៅក្នុងគម្ពីរហើយ)» ៨ ក្រោយដែលមានព្រះបន្ទូលថា យញ្ញបូជា និងដង្វាយ ហើយដង្វាយដុត និងដង្វាយលោះបាប ទ្រង់មិនចង់បានទេ ក៏មិនសព្វព្រះហឫទ័យដែរ ជារបស់ដែលគេថ្វាយតាមក្រឹត្យវិន័យ ៩ នោះទ្រង់ក៏ថែមព្រះបន្ទូលនេះទៀតថា «មើល ឱព្រះអង្គអើយ ទូលបង្គំមកនឹងធ្វើតាមព្រះហឫទ័យទ្រង់» ដូច្នេះ ទ្រង់បានលើកចោលសេចក្តីមុន ដើម្បីនឹងតាំងសេចក្តីក្រោយវិញ ១០ គឺដោយសារចំណង់ព្រះហឫទ័យនោះ ដែលយើងរាល់គ្នាបានញែកជាបរិសុទ្ធ ដោយសារដង្វាយថ្វាយរូបអង្គព្រះយេស៊ូវគ្រីស្ទ១ដងជាសំរេច។១១ ឯអស់ទាំងសង្ឃក៏ឈរធ្វើការងាររាល់តែថ្ងៃ ទាំងថ្វាយយញ្ញបូជាដដែលជាញឹកញាប់ ដែលពុំអាចនឹងដោះបាបបានឡើយ ១២ តែទ្រង់វិញ ក្រោយដែលទ្រង់បានថ្វាយយញ្ញបូជាតែ១ ដោយព្រោះបាប នោះទ្រង់បានគង់ខាងស្តាំព្រះ នៅជារៀងរាប ដរាបទៅ ១៣ ទាំងចាំទំរាំដល់បានដាក់ពួកខ្មាំងសត្រូវ ឲ្យធ្វើជាកំណល់កល់ព្រះបាទទ្រង់ ១៤ ដ្បិតទ្រង់ធ្វើឲ្យពួកអ្នក ដែលបានញែកជាបរិសុទ្ធហើយ បានគ្រប់លក្ខណ៍អស់កល្បជានិច្ច ដោយសារដង្វាយតែ១នោះ ១៥ ហើយព្រះវិញ្ញាណបរិសុទ្ធ ក៏ធ្វើបន្ទាល់ដល់យើងដែរ ដ្បិតក្រោយដែលទ្រង់មានព្រះបន្ទូលថា ១៦ «ឯសេចក្តីសញ្ញា ដែលអញនឹងតាំងដល់គេក្រោយគ្រានោះ គឺថា អញនឹងដាក់ក្រឹត្យវិន័យអញនៅក្នុងចិត្តគេ ហើយនិងកត់ទុកនៅក្នុងគំនិតគេផង» ១៧ នោះទ្រង់បានបន្ថែមនូវព្រះបន្ទូលនេះទៀតថា «អញនឹងលែងនឹកចាំពីអំពើបាប និងសេចក្តីទទឹងច្បាប់របស់គេទៀត» ១៨ ដូច្នេះ ដែលបានប្រោសឲ្យរួចពីសេចក្តីទាំងនោះរួចហើយ នោះមិនចាំបាច់ថ្វាយដង្វាយ ដោយព្រោះបាបទៀតទេ។
The law is only a shadow of the good things that are coming—not the realities themselves. For this reason, it can never, by the same sacrifices repeated endlessly year after year, make perfect those who draw near to worship. 2 Otherwise, would they not have stopped being offered? For the worshipers would have been cleansed once for all, and would no longer have felt guilty for their sins. 3 But those sacrifices are an annual reminder of sins. 4 It is impossible for the blood of bulls and goats to take away sins.
តើទ្រង់នឹងប្រទានព្រះបន្ទូលអ្វីដល់ទូលបង្គំនៅថ្ងៃនេះ? ខ្ញុំនឹងទទួល
ហេតុអ្វីបានជាព្រះអង្គប្រទានព្រះបន្ទូលនេះមកខ្ញុំ?
តើខ្ញុំគួរអនុវត្តព្រះបន្ទូលដែលព្រះអង្គប្រទានមកខ្ញុំដោយរបៀបណា?
ការយល់ដឹងអំពីអត្ថបទការថ្វាយតង្វាយម្ដងហើយម្ដងទៀត នៅក្នុងច្បាប់របស់ពួកលេវីបានបង្ហាញថា ពិធីទាំងនោះមិនអាចសម្អាតបាបទាំងស្រុងបានទេ។វាបានបង្ហាញថា នឹងមានអ្វីប្រសើជាងនេះនឹងកើតឡើង។ព្រះមិនរក្សាគម្រោងការថ្វាយយញ្ញបូជាសត្វជារៀងរហូតនោះទេ ប៉ុន្ដែវាគ្រាន់តែជាការរៀបចំសម្រាប់ព្រះយេស៊ូវគ្រីស្ទតែប៉ុណ្ណោះ។ ព្រះជាម្ចាស់បានបញ្ជូនព្រះគ្រីស្ទមកផែនដី ទ្រង់បានធ្វើកិច្ចការគ្រប់បែបយ៉ាងតាមព្រះទ័យរបស់ព្រះជាម្ចាស់ ទោះបីគម្រោងការនោះត្រូវលះបង់ព្រះជន្មទ្រង់ធ្វើជាយញ្ញបូជាក៍ដោយ។ការសុគតនៅលើឈើឆ្កាងរបស់ព្រះយេស៊ូវគ្រីស្ទត្រូវបានបញ្ចប់ពិធីថ្វាយតង្វាយចាស់ ព្រោះការសុគតនេះបានសម្អាតមនុស្សពីអំពើបាបឺទាំងស្រុង។ពួកសង្ឃអ៊ីស្រាអែលថ្វាយដង្វាយជារៀងរាល់ថ្ងៃ ហើយកិច្ចការរបស់គេធ្វើមិនចេះឈប់ឈរទេ ពីព្រោះការថ្វាយយញ្ញបូជាសត្វមិនអាចលុបបំបាត់បាបនោះទេ។សម្ដេចសង្ឃដ៏ធំបំផុតបានថ្វាយយញ្ញបូជាតែម្ដ ហើយអាចដកយកអំពើបាបចេញជារៀងរហូត បន្ទាប់មកព្រះអង្គបានយាងគង់នៅក្នុងព្រះវត្ដមានព្រះជាម្ចាស់។ការងារសម្រាប់ជួយសង្គ្រោះបានបញ្ចប់មនុស្សគ្រប់គ្នាដែលចង់បានសេចក្ដីសង្គ្រោះនឹងអាចទទួលបាន។ប៉ុន្ដែនៅមានកិច្ចការមួយទៀត ដែលព្រះត្រូវធ្វើគឺជាការជំនុំជម្រះពួកអ្នកដែលបានបដិសេធសេចក្ដីសង្គ្រោះនោះ។នៅក្រោមសញ្ញាថ្មី កិច្ចការសង្គ្រោះព្រលឹងវិញ្ញាណរបស់ប្រជារាស្ដ្រជាម្ចាស់បានសម្រេចទាំងស្រុងហើយ គេមិនត្រូវការធ្វើពិធីថ្វាយយញ្ញបូជាអ្វីទៀតទេ កិច្ចការរបស់ព្រះជាម្ចាស់តាមរយៈព្រះគ្រីស្ទ បានលុបបំបាត់អំពើបាប និងប្រទានជីវិតថ្មីខាងព្រលឹងវិញ្ញាណដល់ពួកគេ(អ្នកជឿ)
