ការអធិស្ឋាន
ការអានអត្ថបទ
១៤ ដូច្នេះ ដែលមានសំដេចសង្ឃយ៉ាងធំ១អង្គ ដែលទ្រង់បានយាងកាត់អស់ទាំងជាន់ស្ថានសួគ៌ គឺព្រះយេស៊ូវជាព្រះរាជបុត្រានៃព្រះ នោះត្រូវតែឲ្យយើងមានចិត្តដាច់ស្រឡះនឹងជឿតាមចុះ ១៥ ដ្បិតសំដេចសង្ឃនៃយើង ទ្រង់មិនមែនមិនអាចនឹងអាណិតអាសូរ ដល់សេចក្តីកំសោយរបស់យើងរាល់គ្នានោះទេ ព្រោះទ្រង់បានត្រូវសេចក្តីល្បួងគ្រប់យ៉ាង ដូចជាយើងរាល់គ្នាដែរ តែឥតធ្វើបាបឡើយ ១៦ ដូច្នេះ ត្រូវឲ្យយើងរាល់គ្នា មកដល់បល្ល័ង្កនៃព្រះគុណ ដោយក្លាហាន ដើម្បីនឹងទទួលសេចក្តីមេត្តា ហើយរកបានព្រះគុណសំរាប់នឹងជួយដល់ពេលត្រូវការចុះ។
១ ពីព្រោះអស់ទាំងសំដេចសង្ឃ ដែលគេរើសយកពីពួកមនុស្ស នោះបានតាំងសំរាប់មនុស្ស ក្នុងអស់ទាំងការខាងឯព្រះ ដើម្បីនឹងថ្វាយដង្វាយ និងយញ្ញបូជា ដោយព្រោះបាប ២ ជាអ្នកដែលមានអធ្យាស្រ័យដល់មនុស្សខ្លៅល្ងង់ និងមនុស្សវង្វេងផង ដោយព្រោះលោកក៏មានសេចក្តីកំសោយ នៅព័ទ្ធជុំវិញខ្លួនដែរ ៣ ហើយដោយហេតុនោះ បានជាលោកត្រូវថ្វាយដង្វាយ ដោយព្រោះបាបរបស់ខ្លួនលោក ដូចជាតែងថ្វាយ ដោយព្រោះបាបនៃបណ្តាជនដែរ ៤ គ្មានអ្នកណាលើកខ្លួនដល់ងារដ៏ប្រសើរនោះឡើយ មានតែអ្នកដែលព្រះទ្រង់ហៅប៉ុណ្ណោះ តួយ៉ាងដូចជាលោកអើរ៉ុន ៥ ដូច្នេះ ព្រះគ្រីស្ទក៏មិនបានដំកើងព្រះអង្គទ្រង់ឡើងធ្វើជាសំដេចសង្ឃដែរ គឺជាព្រះវិញទេតើដែលមានព្រះបន្ទូលទៅទ្រង់ថា «ឯងជាកូនអញៗ បានបង្កើតឯងនៅថ្ងៃនេះ» ៦ ដូចក្នុងបទ១ទៀត ព្រះក៏មានព្រះបន្ទូលថា «ឯងជាសង្ឃនៅអស់កល្បជានិច្ច តាមរបៀបលោកម៉ិលគីស្សាដែក» ៧ ហើយកាលទ្រង់គង់នៅក្នុងសាច់ឈាមនៅឡើយ នោះទ្រង់បានពោលពាក្យអធិស្ឋាន និងពាក្យទូលអង្វរ ដោយសំឡេងជាខ្លាំង ទាំងទឹកភ្នែក ដល់ព្រះដែលអាចនឹងប្រោសឲ្យទ្រង់រួចពីស្លាប់ ហើយដោយព្រោះទ្រង់កោតខ្លាច បានជាព្រះព្រមទទួលទ្រង់ ៨ ហើយទោះបើទ្រង់ជាព្រះរាជបុត្រាក៏ដោយ គង់តែទ្រង់បានរៀនស្តាប់បង្គាប់ ដោយសារការដែលទ្រង់រងទុក្ខលំបាកទាំងប៉ុន្មាននោះដែរ ៩ រួចកាលទ្រង់បានគ្រប់លក្ខណ៍ហើយ នោះទ្រង់បានត្រឡប់ជាមេបង្កើត នៃសេចក្តីសង្គ្រោះដ៏នៅអស់កល្បជានិច្ច ដល់អស់អ្នកណាដែលស្តាប់បង្គាប់ទ្រង់ ១០ ដោយព្រះបានតាំងងារទ្រង់ជាសំដេចសង្ឃ តាមរបៀបលោកម៉ិលគីស្សាដែក។ 14 Therefore, since we have a great high priest who has ascended into heaven,[f] Jesus the Son of God, let us hold firmly to the faith we profess. 15 For we do not have a high priest who is unable to empathize with our weaknesses, but we have one who has been tempted in every way, just as we are—yet he did not sin. 16 Let us then approach God’s throne of grace with confidence, so that we may receive mercy and find grace to help us in our time of need.
តើទ្រង់នឹងប្រទានព្រះបន្ទូលអ្វីដល់ទូលបង្គំនៅថ្ងៃនេះ? ខ្ញុំនឹងទទួល
ហេតុអ្វីបានជាព្រះអង្គប្រទានព្រះបន្ទូលនេះមកខ្ញុំ?
តើខ្ញុំគួរអនុវត្តព្រះបន្ទូលដែលព្រះអង្គប្រទានមកខ្ញុំដោយរបៀបណា?
ការយល់ដឹងអំពីអត្ថបទ
ព្រះយេស៊ូវជាមហាបូជាចារ្យដ៏ខ្ពង់ខ្ពស់លើសមហាបូជាចារ្យនៃសញ្ញាចាស់
ពួកគ្រីស្ទបរិស័ទជនជាតិយូដាជាច្រើន បានបដិសេធជំនឿគ្រីស្ទបរិស័ទរបស់ខ្លួន ហើយបែរទៅរកសាសនាយូដាវិញ ដោយហេតុនេះហើយ បានជាព្រះជាម្ចាស់រំឭកគេថា ព្រះគ្រីស្ទជាសម្ដេចសង្ឃមានឋានៈខ្ពស់ជាងលោកអ៊ើរ៉ុនទៅទៀត។ ព្រះយេស៊ូវមិនត្រូវការរោងឧបោសថ ឬព្រះវិហារនោះទេ ព្រោះព្រះទ្រង់បានឆ្លងកាត់ឋានសួគ៌ ហើយគង់នៅជាមួយនឹងព្រះវរបិតា។ ដូច្នេះពួកអ្នកជឿក៍អាចចូលទៅក្នុងវត្ដមានរបស់ព្រះជាម្ចាស់តាមរយៈព្រះគ្រីស្ទ។ពួកគេអាចពឹងដល់ព្រះយេស៊ូវគ្រីស្ទជួយពួកគេអោយរួចពីសេចក្ដីល្បួង។ពួកគេអាចពឹងដល់ទ្រង់ពីព្រោះទ្រង់ជាមនុស្ស ដូច្នេះទ្រង់អាចយល់អំពីទឹកចិត្ដរបស់មនុស្សយ៉ាង។ សម្ដេចសង្ឃគឺជាកិច្ចការដែលព្រះជាម្ចាស់បានតែងតាំងអោយពួកគេ។រឿងទាំងនេះសុទ្ធតែកើតឡើងចំពោះព្រះគ្រីស្ទដូចគ្នា តែអ្វីដែលខុសគ្នានោះគឺព្រះអង្គគ្មានបាបសោះ ទ្រង់មិនបាច់ថ្វាយយញ្ញបូជាដើម្បីលោះបាបឡើយ។ព្រះអង្គជាព្រះរាជបុត្រារបស់ព្រះជាម្ចាស់ហើយព្រះវរបិតាបានតែងតាំងទ្រង់ជាព្រះរាជបុត្រារបស់ព្រះជាម្ចាស់ ហើយព្រះបានតែងតាំងអោយធ្វើជាសម្ដេចសង្ឃរហូតអស់កល្ប។ ព្រះគ្រីស្ទបានឆ្លងកាត់បទពិសោធន៍ជាច្រើនក្នុងជីវិតជាមនុស្សរបស់ទ្រង់នៅផែនដី។តាមរយៈកិច្ចការនេះមានន័យថា ព្រះអង្គបានសម្រេចនៅអត្ថន័យពិត អំពីការស្ដាប់បង្គាប់ព្រះវិរបិតា ទោះជាត្រូវឆ្លងកាត់ការរងទុក្ខវេទនា និងការសុគតក៍ដោយ។ក្រោយពីអនុវត្ដបានសម្រេចក្នុងភាពជាមនុស្ស គ្រប់លក្ខណៈតាមគំរូរបស់ព្រះជាម្ចាស់រួចហើយ ព្រះយេស៊ូវមានសមត្ថភាពគ្រប់គ្រាន់ ដើម្បីបំពេញកិច្ចការព្រះជាម្ចាស់ក្នុងការសង្គ្រោះ ហើយជួយដល់អស់អ្នកដែលចុះចូលនឹងព្រះអង្គ។
សួរព្រះម្តងទៀត
ការអធិស្ឋាន
