ថ្ងៃព្រហស្បតិ៍ ទី២៥ ខែកញ្ញា ឆ្នាំ២០២៥ ព្រះយេស៊ូវជាមហាបូជាចារ្យដ៏ខ្ពង់ខ្ពស់លើសមហាបូជាចារ្យនៃសញ្ញាចាស់(ហេព្រើរ 4:1-13)

ការអធិស្ឋាន

ការអានអត្ថបទ

១ ដូច្នេះ ដែលនៅមានសេចក្តីសន្យាទុកមក ឲ្យបានចូលក្នុងសេចក្តីសំរាករបស់ទ្រង់ នោះត្រូវឲ្យយើងរាល់គ្នាខ្លាចចុះ ក្រែងអ្នករាល់គ្នាណាមួយមើលទៅដូចជាឈោងទៅមិនដល់ ២ ដ្បិតដំណឹងល្អបានផ្សាយមកយើងរាល់គ្នាដូចជាដល់គេដែរ ប៉ុន្តែ ព្រះបន្ទូលដែលគេឮ នោះគ្មានប្រយោជន៍ដល់គេសោះ ដោយព្រោះមិនបានលាយនឹងសេចក្តីជំនឿ ក្នុងចិត្តនៃពួកអ្នកដែលឮនោះ ៣ តាមសេចក្តីដែលទ្រង់មានព្រះបន្ទូលថា «អញបានស្បថទាំងកំហឹងថា វារាល់គ្នាមិនត្រូវចូល ទៅក្នុងសេចក្តីសំរាក របស់អញសោះឡើយ» តែយើងរាល់គ្នាដែលជឿ យើងចូលក្នុងសេចក្តីសំរាកនោះវិញ ទោះបើការទាំងប៉ុន្មានបានសំរេច តាំងពីកំណើតលោកីយ៍មកក៏ដោយ ៤ ដ្បិតនៅកន្លែងណាមួយ នោះទ្រង់មានព្រះបន្ទូលពីថ្ងៃទី៧ដូច្នេះថា «ព្រះទ្រង់បានឈប់សំរាក ពីអស់ទាំងការរបស់ទ្រង់នៅថ្ងៃទី៧» ៥ ហើយនៅកន្លែងនេះទៀតថា «វារាល់គ្នាមិនត្រូវចូល ទៅក្នុងសេចក្តីសំរាក របស់អញសោះឡើយ» ៦ ដូច្នេះ ដែលនៅតែបើកឲ្យអ្នកខ្លះបានចូលទៅក្នុងសេចក្តីសំរាកនោះ ហើយពួកអ្នកដែលឮដំណឹងល្អពីដើម គេមិនបានចូលទេ ដោយព្រោះមិនជឿ ៧ នោះបានជាទ្រង់ដាក់កំណត់ថ្ងៃ១ទៀតថា «នៅថ្ងៃនេះ»ដូច្នេះវិញ ទាំងមានព្រះបន្ទូលដោយសារហ្លួងដាវីឌជាយូរក្រោយមក តាមពាក្យអម្បាញ់មិញ ដែលថា«នៅថ្ងៃនេះ បើឯងរាល់គ្នាឮសំឡេងទ្រង់ នោះកុំឲ្យតាំងចិត្តរឹងរូសឡើយ» ៨ បើសិនជាលោកយ៉ូស្វេបានឲ្យគេឈប់សំរាក នោះក្រោយមក ទ្រង់មិនមានព្រះបន្ទូលពីថ្ងៃ១ទៀតទេ ៩ ដូច្នេះ មានសេចក្តីឈប់សំរាក ទុកសំរាប់រាស្ត្ររបស់ព្រះនៅខាងមុខ ១០ ដ្បិតអ្នកណាដែលចូលទៅក្នុងសេចក្តីសំរាករបស់ទ្រង់ហើយ នោះក៏បានឈប់សំរាក ពីការខ្លួនប្រព្រឹត្តទាំងប៉ុន្មាន ដូចជាព្រះបានឈប់ ពីការដែលទ្រង់ធ្វើដែរ ១១ ដូច្នេះ ត្រូវឲ្យយើងរាល់គ្នាសង្វាតនឹងចូល ទៅក្នុងសេចក្តីសំរាកនោះ ក្រែងលោអ្នកណាដួលទៅ តាមក្បួនមិនជឿ ដូចជាគេដែរ ១២ ពីព្រោះ ឯព្រះបន្ទូលនៃព្រះរស់នៅ ហើយពូកែផង ក៏មុតជាងដាវណាមានមុខ២ ទាំងធ្លុះចូលទៅ ទាល់តែកាត់ព្រលឹង និងវិញ្ញាណ ហើយសន្លាក់ និងខួរឆ្អឹងដាច់ពីគ្នា ទាំងពិចារណាអស់ទាំងគំនិត ដែលចិត្តគិត ហើយដែលសំរេចដែរ ១៣ គ្មានអ្វីកើតមក ដែលទ្រង់ទតមិនឃើញនោះឡើយ គឺគ្រប់ទាំងអស់នៅជាអាក្រាត ហើយចំហនៅចំពោះព្រះនេត្រនៃព្រះ ដែលយើងរាល់គ្នាត្រូវរាប់រៀបទាំងអស់ទូលថ្វាយទ្រង់។ Therefore, since the promise of entering his rest still stands, let us be careful that none of you be found to have fallen short of it. 2 For we also have had the good news proclaimed to us, just as they did; but the message they heard was of no value to them, because they did not share the faith of those who obeyed.[a] 3 Now we who have believed enter that rest, just as God has said,"So I declared on oath in my anger, 'They shall never enter my rest.'"[b]And yet his works have been finished since the creation of the world.

តើទ្រង់នឹងប្រទានពាក្យអ្វីដល់ទូលបង្គំនៅថ្ងៃនេះ? ខ្ញុំនឹងទទួល

ហេតុអ្វីបានជាព្រះអង្គប្រទានពាក្យនេះមកខ្ញុំ?

តើខ្ញុំគួររស់នៅជាមួយពាក្យទាំងនេះដោយរបៀបណា?

ការយល់ដឹងអំពីអត្ថបទ

ព្រះយេស៊ូវ​​ជា​មហា​បូជាចារ្យ​ដ៏​ខ្ពង់ខ្ពស់​លើស​មហា​បូជាចារ្យ​នៃ​សញ្ញា​ចាស់

ព្រះជាម្ចាស់សព្វព្រះទ័យចង់អោយប្រជារាស្ដ្ររបស់ទ្រង់បានរស់នៅក្នុងទឹកដីកាណាន ដែលជាទឹកដីដែលទ្រង់បានសន្យាថានឹងប្រទានអោយដល់ពួកគេ។ដូចគ្នានេះដែរព្រះទ្រង់ក៍សព្វព្រះហឫទ័យចង់អោយមនុស្សគ្រប់គ្នាបានរួចផុតពីចំណងរបស់អំពើបាបដែរ។ប៉ុន្ដែដូចក្នុងករណីពួកអ៊ីស្រាអែលដែរ ភាពខ្វះជំនឿរបស់មនុស្សបានរារាំងមិនអោយពួកគេទទួលបានសេចក្ដីសុខសាន្ដតាមព្រះបន្ទូលសន្យានោះទេ។សេចក្ដីសុខ សុភមង្គលនៃព្រះជាម្ចាស់បានមកតាំងពីពេលព្រះមានវត្ដមានលើផែនដីមកម្ល៉េះ។ប៉ុន្ដែដោយព្រោះអំពើបាបបានធ្វើអោយមនុស្សជាតិរកសេចក្ដីសុខមិនបាន។នៅក្នុងសម័យលោកម៉ូសេ ពួកកូនចៅអ៊ីស្រាអែលមិនស្ដាប់បង្គាប់ គឺពួកគេមិនបានចូលទៅក្នុងទឹកដីសន្យា តែក្រោមការគ្រប់គ្រងរបស់លោកយ៉ូស្វេ គឺជាជំនាន់ក្រោយទើបកូនចៅរបស់ពួកគេបានចូលទៅក្នុងទឹកដីកាណាន។មនុស្សត្រូវតែព្យាយាមអោយអស់អំពីចិត្ដ អស់អំពីសមត្ថភាព លះបង់ភាពគ្មានជំនឿដែលតែងតែរារាំងសេចក្ដីសុខរបស់ពួកគេចេញ ហើយទទួលយកសេចក្ដីសុខសាន្ដរបស់ព្រះជាម្ចាស់។ព្រះបានប្រទានព្រះបន្ទូល ដើម្បីជួយគេអោយធ្វើកិច្ចការនេះបានសម្រេច។ព្រះបន្ទូលដ៏រស់របស់ព្រះជាម្ចាស់ នឹងជ្រៀតចូលក្នុងដួងចិត្ដពួកគេ បំបែកគំនិតពីធម្មជាតិអោយចេញពីវិញ្ញាណពិត និងបង្ហាញពីនិស្ស័យពិតរបស់មនុស្សនៅចំពោះព្រះភ័ក្ដ្ររបស់ព្រះជាម្ចាស់។

សួរព្រះម្តងទៀត

ការអធិស្ឋាន