ព្រះយេហូវ៉ាជំនុំជំរះក្រុងបាប៊ីឡូន យេរេមា 51:33-49 04 November 2026
៣៣ ដ្បិតព្រះយេហូវ៉ា នៃពួកពលបរិវារ គឺជាព្រះនៃសាសន៍អ៊ីស្រាអែល ទ្រង់មានព្រះបន្ទូលដូច្នេះថា កូនស្រីនៃក្រុងបាប៊ីឡូនធៀបដូចជាលានស្រូវ នៅរដូវបញ្ជាន់ នៅតែបន្តិចទៀតរដូវចំរូតនឹងមកដល់នាង ៣៤ នេប៊ូក្នេសា ជាស្តេចបាប៊ីឡូនបានស៊ីបង្ហិនខ្ញុំ បានទាំងជាន់ឈ្លី បានធ្វើឲ្យខ្ញុំដូចជាភាជនៈទទេបានលេបខ្ញុំទៅ ដូចជាសត្វសំបើមក៏បានបំពេញផ្ទៃ ដោយរបស់ទាំងប៉ុន្មាន ដែលគាប់ចិត្តខ្ញុំ ហើយបានបោះខ្ញុំចេញទៅក្រៅ ៣៥ សូមឲ្យការយុកយាក់ដែលគេបានធ្វើដល់ខ្ញុំ ហើយដល់សាច់ខ្ញុំបានធ្លាក់ទៅលើបាប៊ីឡូនវិញ នេះជាពាក្យដែលពួកអ្នកនៅក្រុងស៊ីយ៉ូននឹងថា គឺពួកអ្នកនៅក្រុងយេរូសាឡិម នឹងពោលថា សូមឲ្យឈាមរបស់ខ្ញុំធ្លាក់ទៅលើពួកអ្នក នៅស្រុកខាល់ដេដែរ ៣៦ ហេតុនោះ ព្រះយេហូវ៉ាទ្រង់មានព្រះបន្ទូលដូច្នេះថា មើលអញនឹងកាន់ក្តីឯង ហើយនឹងសងសឹកជំនួសឯង អញនឹងពង្រីងសមុទ្រគេទៅ ហើយធ្វើឲ្យរន្ធទឹករបស់គេស្ងួតដែរ ៣៧ ឯក្រុងបាប៊ីឡូននឹងត្រឡប់ជាកងគំនរ ជាទីលំនៅរបស់សត្វស្វាន ជាទីស្រឡាំងកាំង ហើយជាទីដែលគេធ្វើស៊ីសស៊ូសឲ្យ ឥតមានអ្នកណានៅឡើយ ៣៨ គេនឹងស្រែកជាមួយគ្នា ដូចជាសិង្ហស្ទាវ គេនឹងគ្រហឹមដូចជាកូនសិង្ហ ៣៩ កាលណាគេក្តៅខ្លួន នោះអញនឹងរៀបជប់លៀងឲ្យគេ អញនឹងធ្វើឲ្យគេស្រវឹង ដើម្បីឲ្យគេបានរីករាយចិត្ត ហើយឲ្យដេកលក់ទៅជានិច្ច ឥតភ្ញាក់ឡើងវិញឡើយ នេះជាព្រះបន្ទូលនៃព្រះយេហូវ៉ា ៤០ អញនឹងនាំគេចុះទៅដល់ទីសំឡាប់ ដូចជាកូនចៀមទាំងប៉ុន្មាន គឺដូចជាចៀមឈ្មោល និងពពែឈ្មោលផង។៤១ សេសាកបានត្រូវចាប់យកយ៉ាងណាហ្ន៎ ទីគួរលើកសរសើររបស់ផែនដីទាំងមូល ត្រូវចាប់បានយ៉ាងណាហ្ន៎ អើ បាប៊ីឡូនបានទៅជាទីស្ងាត់ច្រៀប នៅកណ្តាលអស់ទាំងសាសន៍យ៉ាងណាហ្ន៎ ៤២ សមុទ្របានឡើងមកលើស្រុកបាប៊ីឡូន វាត្រូវគ្របដោយរលកដ៏ក្រាស់ក្រៃ ៤៣ ទីក្រុងទាំងប៉ុន្មានបានត្រឡប់ជាទីស្ងាត់ច្រៀប ជាដីហួតហែង ជាវាលស្ងាត់ ជាទីដែលឥតមានអ្នកណានៅហើយ គ្មានមនុស្សជាតិណាមួយដើរតាមនោះឡើយ ៤៤ អញនឹងធ្វើទោសដល់ព្រះបាល នៅស្រុកបាប៊ីឡូន ហើយនឹងធ្វើឲ្យរបស់ទាំងប៉ុន្មាន ដែលវាបានលេបទៅ បានចេញពីមាត់មកវិញ នោះអស់ទាំងសាសន៍នឹងលែងទៅជាហូរហែរកវាទៀត ហើយកំផែងនៃក្រុងបាប៊ីឡូននឹងរលំចុះ។៤៥ ឱរាស្ត្រអញអើយ ចូរចេញពីកណ្តាលពួកគេទៅ ត្រូវឲ្យគ្រប់គ្នាដោះខ្លួន ឲ្យរួចពីសេចក្តីខ្ញាល់ដ៏សហ័សរបស់ព្រះយេហូវ៉ា ៤៦ កុំឲ្យឯងរាល់គ្នាស្រយុតចិត្តឡើយ ក៏កុំឲ្យភ័យខ្លាចចំពោះដំណឹងដែលឮនៅក្នុងស្រុកដែរ ដ្បិតនៅឆ្នាំ១ នឹងមានឮដំណឹងមកដល់ រួចដល់ឆ្នាំក្រោយ ក៏នឹងឮដំណឹង១ទៀត ព្រមទាំងមានការយុកយាក់នៅក្នុងស្រុកផង គឺជាស្តេច១ទាស់នឹងស្តេច១ទៀត ៤៧ ហេតុនោះមើល នឹងមានគ្រាមកដល់ ដែលអញនឹងសំរេចទោសដល់អស់ទាំងរូបឆ្លាក់របស់ស្រុកបាប៊ីឡូន ហើយស្រុកទាំងមូលនឹងត្រូវជ្រប់មុខ ឯពួកអ្នកទាំងប៉ុន្មាន ដែលត្រូវគេសំឡាប់នោះ នឹងដួលនៅកណ្តាលវា ៤៨ គ្រានោះ ទាំងផ្ទៃមេឃ ហើយផែនដី និងរបស់សព្វសារពើដែលនៅស្ថានទាំងនោះ នឹងច្រៀងអរសប្បាយ ពីដំណើរក្រុងបាប៊ីឡូន ពីព្រោះពួកបំផ្លាញនឹងមកដល់វា ពីទិសខាងជើង នេះជាព្រះបន្ទូលនៃព្រះយេហូវ៉ា ៤៩ រីឯក្រុងបាប៊ីឡូនបានធ្វើឲ្យសាសន៍អ៊ីស្រាអែលដួលស្លាប់ទៅយ៉ាងណា នោះពួកអ្នកស្រុកទាំងមូលនឹងត្រូវដល់ស្លាប់ នៅត្រង់ក្រុងបាប៊ីឡូនយ៉ាងនោះដែរ។ |
ការយល់ដឹងពីអត្ថបទ
ជាទំនាយមកពីព្រះ ដែលប្រកាសពីការបំផ្លិចបំផ្លាញទាំងស្រុង និងការជំនុំជម្រះដ៏សុចរិតមកលើក្រុងបាប៊ីឡូន ដោយសារតែការគាបសង្កត់ដ៏ឃោរឃៅរបស់ក្រុងនេះទៅលើជនជាតិអ៊ីស្រាអែល។ព្រះទ្រង់ប្រៀបធៀបបាប៊ីឡូនទៅនឹងទីលានបោកស្រូវ ដែលជាកន្លែងគេបោកស្រូវដើម្បីញែកគ្រាប់ស្រូវដែលអាចបរិភោគបាន ចេញពីអង្កាមដែលគ្មានប្រយោជន៍។ដូចគ្នានឹងការដែលបាប៊ីឡូនបានកម្ទេចប្រជាជាតិដទៃយ៉ាងឃោរឃៅ ពេលដែលព្រះបានកំណត់ក៏បានមកដល់ដើម្បីកម្ទេចបាប៊ីឡូនវិញ។ ពាក្យថា «ការច្រូតកាត់» និង «ការបោកស្រូវ» មានន័យថា ទ្រព្យសម្បត្តិ និងអំណាចរបស់អាណាចក្រនេះនឹងត្រូវកម្ទេច និងប្លន់យកអស់ទាំងស្រុងដោយពួកអ្នកឈ្នះសង្គ្រាម។ស្តេចនេប៊ូកាដណេសា នៃក្រុងបាប៊ីឡូន បាន «លេបត្របាក់» ក្រុងយេរូសាឡិមដូចជាសត្វចម្លែក ដោយស៊ីប្រជាជន បំផ្លាញទឹកដីឱ្យទទេស្អាត និងបន្សល់ទុកនូវភាពវិនាសហិនហោច។ព្រះអម្ចាស់ទ្រង់យាងមកធ្វើជាអ្នកការពារជនជាតិអ៊ីស្រាអែល។ ទ្រង់សន្យាថានឹងតតាំងជំនួសពួកគេ និងសងសឹកដោយផ្ទាល់ទៅលើពួកអ្នកដែលគាបសង្កត់ពួកគេ។ព្រះទ្រង់សន្យាថានឹងធ្វើឱ្យទឹកដ៏ខ្លាំងក្លារបស់បាប៊ីឡូនរីងស្ងួត (សំដៅលើទន្លេអឺប្រាត ដែលធ្លាប់ការពារ និងទ្រទ្រង់ទីក្រុងនេះ) ដោយប្រែក្លាយអាណាចក្រដ៏អួតអាងនេះទៅជាទឹកដីដ៏ស្ងាត់ជ្រងំ និងវិនាសហិនហោច។ព្រះទ្រង់ព្រមានប្រជាជនរបស់ទ្រង់ដែលរស់នៅក្នុងក្រុងបាប៊ីឡូន ឱ្យប្រញាប់គេចចេញដើម្បីសង្គ្រោះជីវិតពីការបំផ្លិចបំផ្លាញដែលនឹងមកដល់។ទ្រង់ប្រាប់ពួកគេកុំឱ្យភ័យស្លន់ស្លោ ឬអស់សង្ឃឹម នៅពេលឮដំណឹងអំពីសង្គ្រាមនៅក្នុងតំបន់។ ជនជាតិមេឌី និងពែរ្ស កំពុងក្រោកឡើងតាមបញ្ជារបស់ព្រះ ដើម្បីដាក់ទោសដល់រូបព្រះ និងមេដឹកនាំរបស់បាប៊ីឡូន។បាប៊ីឡូនត្រូវតែដួលរលំដោយសារតែការបង្ហូរឈាម និងទុក្ខវេទនាដែលខ្លួនបានបង្កឡើងនៅអ៊ីស្រាអែល ដែលនេះស្របតាមយុត្តិធម៌ដ៏ត្រឹមត្រូវ («ព្រះនៃសេចក្តីសងសឹក»)។ ដូចគ្នានឹងការដែលបាប៊ីឡូនបានធ្វើឱ្យពិភពលោកដួលរលំ បាប៊ីឡូនខ្លួនឯងក៏នឹងត្រូវដួលរលំដែរ។
១. តើខគម្ពីរមួយណាដែលព្រះប្រទានមកខ្ញុំនៅថ្ងៃនេះ?
...........................................................................................................................................។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងប្រព្រឹត្តតាមបង្គាប់ទ្រង់។
...........................................................................................................................................។
៣. តើព្រះទ្រង់សន្យាថានឹងប្រទានអ្វីដល់ទូលបង្គំ នៅពេលដែលទូលបង្គំចេះស្តាប់បង្គាប់ទ្រង់?
...........................................................................................................................................។
សេចក្តីអធិស្ឋាន
...........................................................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer