សេរីភាពរបស់គ្រីស្ទបរិស័ទ កាឡាទី 5:2-15 11 September 2026
២ នែ ប៉ុលខ្ញុំប្រាប់អ្នករាល់គ្នាថា បើអ្នករាល់គ្នាទទួលកាត់ស្បែក នោះព្រះគ្រីស្ទគ្មានប្រយោជន៍ដល់អ្នករាល់គ្នាសោះ ៣ ហើយខ្ញុំធ្វើបន្ទាល់ម្តងទៀត ដល់អស់មនុស្សដែលកាត់ស្បែកហើយថា អ្នកនោះឯងជាអ្នកជំពាក់ក្រឹត្យវិន័យ នឹងត្រូវធ្វើតាមគ្រប់ជំពូក ៤ អ្នករាល់គ្នាណាដែលពឹងដល់ក្រឹត្យវិន័យ ឲ្យបានរាប់ជាសុចរិត នោះត្រូវកាត់ចេញពីព្រះគ្រីស្ទ អ្នកបានធ្លាក់ចេញពីព្រះគុណហើយ ៥ ដ្បិតយើងរាល់គ្នាអាងសេចក្តីជំនឿ ដើម្បីនឹងរង់ចាំដោយនូវព្រះវិញ្ញាណ ឲ្យបានសេចក្តីសុចរិតដែលយើងសង្ឃឹមចង់បាននោះ ៦ ពីព្រោះក្នុងព្រះគ្រីស្ទយេស៊ូវ ដែលកាត់ស្បែកឬមិនកាត់ នោះមិនជាប្រយោជន៍អ្វីទេ មានប្រយោជន៍តែសេចក្តីជំនឿ ដែលប្រព្រឹត្តដោយសេចក្តីស្រឡាញ់ប៉ុណ្ណោះ ៧ អ្នករាល់គ្នាបានរត់យ៉ាងល្អ ហើយ តើអ្នកណាបានឃាត់មិនឲ្យស្តាប់តាមសេចក្តីពិតវិញ ៨ ការបញ្ចុះបញ្ចូលនេះមិនមែនមកពីព្រះ ដែលទ្រង់ហៅអ្នករាល់គ្នាទេ ៩ ដំបែតែបន្តិច អាចធ្វើឲ្យម្សៅទាំងអស់ដោរឡើងបាន ១០ ខ្ញុំទុកចិត្តនឹងអ្នករាល់គ្នា ដោយនូវព្រះអម្ចាស់ថា អ្នករាល់គ្នានឹងគ្មានគំនិតណាផ្សេងទៀតឡើយ តែអ្នកដែលបំភាន់អ្នករាល់គ្នា នោះនឹងត្រូវទោសវិញ ទោះបើជាអ្នកណាក៏ដោយ ១១ ប៉ុន្តែ បងប្អូនអើយ បើសិនជាខ្ញុំនៅតែប្រដៅឲ្យគេកាត់ស្បែក នោះតើហេតុអ្វីបានជាគេនៅតែបៀតបៀនដល់ខ្ញុំទៀត បើប្រដៅដូច្នោះ នោះសេចក្តីបង្អាក់បង្អន់ ពីរឿងឈើឆ្កាង ត្រូវបាត់ហើយ ១២ បើពួកអ្នកដែលបំភាន់អ្នករាល់គ្នាបានកាត់ខ្លួនគេចោលចេញ នោះខ្ញុំចូលចិត្តណាស់។១៣ បងប្អូនអើយ ព្រះទ្រង់បានហៅអ្នករាល់គ្នាមក ឲ្យមានសេរីភាព តែកុំឲ្យប្រើសេរីនោះ ទុកជាឱកាសដល់សាច់ឈាមឡើយ គឺត្រូវបំរើគ្នាទៅវិញទៅមក ដោយសេចក្តីស្រឡាញ់វិញ ១៤ ដ្បិតក្រឹត្យវិន័យទាំងមូល បានសំរេចមកក្នុងពាក្យតែ១ម៉ាត់នេះថា «ចូរឯងស្រឡាញ់អ្នកជិតខាង ដូចខ្លួនឯង» ១៥ បើអ្នករាល់គ្នាចេះតែប្រខាំ ហើយហែកគ្នាស៊ីទៅវិញទៅមក នោះត្រូវប្រយ័ត្នចុះ ក្រែងលោវិនាសអស់រលីងទៅ។ ការយល់ដឹងពីអត្ថបទ អ្នកជឿត្រូវបានសង្គ្រោះដោយសារព្រះគុណរបស់ព្រះតាមរយៈជំនឿ មិនមែនដោយការធ្វើតាមច្បាប់សាសនាចាស់ៗដូចជាការកាត់ស្បែកនោះទេ។ លោកប៉ូលព្រមានថា ការព្យាយាមទទួលបានសេចក្ដីសង្គ្រោះតាមរយៈក្រឹត្យវិន័យ បានកាត់ផ្តាច់មនុស្សចេញពីព្រះយេស៊ូវគ្រីស្ទ។ ផ្ទុយទៅវិញ សេរីភាពគ្រីស្ទានពិតគឺជាការអញ្ជើញឱ្យស្រឡាញ់ និងបម្រើអ្នកដទៃ។ការព្យាយាមប្រើពិធីដូចជាការកាត់ស្បែកដើម្បីផ្គាប់ព្រះហឫទ័យព្រះ ធ្វើឱ្យយញ្ញបូជារបស់ព្រះយេស៊ូវគ្មានប្រយោជន៍។ ការពឹងផ្អែកលើការរក្សាច្បាប់យ៉ាងតឹងរ៉ឹងជំនួសឱ្យព្រះគុណ បំបែកមនុស្ស ចេញពីអំណោយទានឥតគិតថ្លៃរបស់ព្រះគ្រីស្ទ។ ពិធីសាសនាខាងក្រៅមិនសំខាន់ទេ។ អ្វីដែលសំខាន់គឺការជឿទុកចិត្តយ៉ាងសកម្មលើព្រះដែលបង្ហាញតាមរយៈសេចក្តីស្រឡាញ់។ លោកប៉ូល ប្រៀបធៀបការបង្រៀនមិនពិតទៅនឹងដំបែ (ដំបែដ៏តូចធ្វើឱ្យដុំម្ស៉ៅទាំងមូលហើម) ដែលអាចបំផ្លាញក្រុមទាំងមូល។ លោករំលឹកអ្នកជឿថា ពួកគេកំពុងរត់ប្រណាំងបានយ៉ាងល្អ រហូតដល់មាននរណាម្នាក់បញ្ឆោតពួកគេឱ្យចេញពីសេចក្តីពិត។ សេរីភាពគ្រីស្ទានមិនមានន័យថាធ្វើអ្វីដែលអាត្មានិយមដែលមនុស្សចង់បាននោះទេ។ អ្នកជឿគួរតែប្រើសេរីភាពរបស់ពួកគេដើម្បីជួយ និងថែរក្សាគ្នាទៅវិញទៅមកដោយរាបសារ ស្រឡាញ់អ្នកជិតខាងដូចខ្លួនឯង។ ការប្រយុទ្ធ និងធ្វើបាបគ្នាទៅវិញទៅមកនឹងនាំទៅរកការបំផ្លិចបំផ្លាញទាំងស្រុងប៉ុណ្ណោះ។ ១. ព្រះអង្គអើយ តើខគម្ពីរមួយណាជាព្រះបន្ទូលដែលទ្រង់ប្រទានមកកូននៅថ្ងៃនេះ? ..................................................................................................................................................................................................................។ ២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់ ..................................................................................................................................................................................................................។ ៣. ប្រសិនបើកូនបានស្តាប់តាមព្រះបន្ទូលទ្រង់ហើយ តើទ្រង់នឹងប្រទានអ្វីមកដល់ទូលបង្គំ? ..................................................................................................................................................................................................................។ សេចក្តីសអធិស្ឋាន ..................................................................................................................................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer