២៣ តែកាលមុនដែលមានសេចក្តីជំនឿចូលមក នោះយើងរាល់គ្នាត្រូវបង្ខាំងនៅក្រោមក្រឹត្យវិន័យ គឺត្រូវឃុំទុក សំរាប់សេចក្តីជំនឿ ដែលត្រូវលេចមក ២៤ បានជាក្រឹត្យវិន័យធ្វើជាអ្នកដឹកនាំយើងរាល់គ្នាទៅដល់ព្រះគ្រីស្ទ ដើម្បីឲ្យយើងបានរាប់ជាសុចរិត ដោយអាងសេចក្តីជំនឿ ២៥ តែលុះកាលសេចក្តីជំនឿបានមកដល់ នោះយើងមិនមែននៅក្រោមអំណាច របស់អ្នកដឹកនាំនោះទៀតទេ ២៦ ដ្បិតអ្នករាល់គ្នាសុទ្ធតែជាកូនព្រះ ដោយសារសេចក្តីជំនឿជឿដល់ព្រះគ្រីស្ទយេស៊ូវ ២៧ ព្រោះអស់អ្នកដែលបានទទួលបុណ្យជ្រមុជក្នុងព្រះគ្រីស្ទ នោះឈ្មោះថាបានប្រដាប់កាយដោយព្រះគ្រីស្ទហើយ ២៨ គ្មានសាសន៍យូដា ឬសាសន៍ក្រេក គ្មានបាវបំរើ ឬអ្នកជា គ្មានប្រុស និងស្រីទៀតទេ ពីព្រោះអ្នករាល់គ្នាទាំងអស់រួមមកតែមួយ នៅក្នុងព្រះគ្រីស្ទយេស៊ូវ ២៩ ហើយបើអ្នករាល់គ្នាជារបស់ផងព្រះគ្រីស្ទ នោះក៏ពេញជាពូជរបស់លោកអ័ប្រាហាំហើយ ក៏ជាអ្នកគ្រងមរដកតាមសេចក្តីសន្យាផង។ ១ ខ្ញុំនិយាយដូច្នេះថា កាលអ្នក ដែលត្រូវគ្រងមរដក នៅក្មេងនៅឡើយ នោះមិនផ្សេងពីបាវបំរើប៉ុន្មានទេ ទោះបើជាម្ចាស់លើទាំងអស់ក៏ដោយ ២ ដ្បិតត្រូវនៅក្នុងអំណាចភីលៀង និងអ្នកត្រួតត្រា ដរាបដល់វេលា ដែលឪពុកបានកំណត់ជាមុន ៣ ឯយើងរាល់គ្នាក៏ដូច្នោះដែរ កាលយើងនៅក្មេងនៅឡើយ នោះយើងត្រូវជាប់ចំណង ក្នុងអំណាចនៃអស់ទាំងបថមសិក្សារបស់លោកីយ៍ ៤ តែលុះវេលាកំណត់បានមកដល់ នោះព្រះទ្រង់បានចាត់ព្រះរាជបុត្រាទ្រង់ឲ្យមកចាប់កំណើតនឹងស្ត្រី គឺកើតក្រោមអំណាចនៃក្រឹត្យវិន័យ ៥ ដើម្បីនឹងលោះពួកអ្នកដែលនៅក្រោមក្រឹត្យវិន័យ ប្រយោជន៍ឲ្យយើងបានទទួលសគុណ ទុកជាកូនចិញ្ចឹម ៦ ហើយដោយព្រោះអ្នករាល់គ្នាជាកូន បានជាព្រះទ្រង់ចាត់ព្រះវិញ្ញាណនៃព្រះរាជបុត្រាទ្រង់ ឲ្យមកក្នុងចិត្តអ្នករាល់គ្នា ឲ្យបន្លឺឡើងថា អ័ប្បា ព្រះវរបិតាអើយ ៧ ដូច្នេះ អ្នករាល់គ្នាមិនមែនជាបាវបំរើទៀតទេ គឺជាកូនវិញ ហើយបើជាកូននោះនឹងបានមរដកនៃព្រះ ដោយសារព្រះគ្រីស្ទដែរ។
ការយល់ដឹងពីអត្ថបទ
អត្ថបទត្រង់នេះពន្យល់ថា ក្រឹត្យវិន័យនៃព្រះគម្ពីរសញ្ញាចាស់បានដើរតួជាអាណាព្យាបាល និងជាគ្រូបង្រៀនបណ្ដោះអាសន្ន ប៉ុន្តែតាមរយៈសេចក្ដីជំនឿលើព្រះយេស៊ូវគ្រីស្ទ អ្នកជឿទទួលបានការចិញ្ចឹមយ៉ាងពេញលេញជាកូនរបស់ព្រះ និងជាអ្នកស្នងមរតករបស់ព្រះ។ តួនាទីរបស់ច្បាប់អាណាព្យាបាលបណ្ដោះអាសន្ន៖ មុនពេលព្រះគ្រីស្ទ ច្បាប់បានឃុំឃាំងមនុស្សដូចជាអ្នកត្រួតពិនិត្យ ឬអ្នកបង្រៀនដ៏តឹងរ៉ឹង។ ចង្អុលទៅព្រះយេស៊ូវ៖ ការងាររបស់វាគឺណែនាំមនុស្សឱ្យទៅរកព្រះគ្រីស្ទ ដើម្បីពួកគេអាចបានសុចរិត ដោយសេចក្ដីជំនឿ មិនមែនដោយច្បាប់ដ៏តឹងរ៉ឹងនោះទេ។ ឯកភាពក្នុងព្រះគ្រីស្ទ ឋានៈស្មើគ្នា៖ អ្នកជឿទាំងអស់សុទ្ធតែជាកូនរបស់ព្រះតាមរយៈសេចក្ដីជំនឿលើព្រះយេស៊ូវ។ គ្មានឧបសគ្គ៖ ភាពខុសគ្នាខាងសង្គម ជនជាតិ និងភេទមិនផ្លាស់ប្តូរតម្លៃ ឬជំហររបស់មនុស្សម្នាក់នៅចំពោះព្រះទេ។ ការចិញ្ចឹមជាអ្នកស្នងមរតក ពីទាសករទៅគ្រួសារ៖ អ្នកជឿផ្លាស់ប្តូរពីការធ្វើជាកូនក្រោមការត្រួតពិនិត្យ ឬទាសករទៅជាកូនប្រុសស្រីពេញលេញ។ ព្រះវិញ្ញាណបរិសុទ្ធ៖ ព្រះបានចាត់ព្រះរាជបុត្រារបស់ទ្រង់មកលោះមនុស្សពីក្រឹត្យវិន័យ ហើយទ្រង់ប្រទានព្រះវិញ្ញាណដល់អ្នកជឿ ដើម្បីហៅព្រះថា «អ័ប្បា ព្រះវរបិតា»។
១. ព្រះអង្គអើយតើខគម្ពីរមួយណាដែលទ្រង់ប្រទានមកខ្ញុំនៅថ្ងៃនេះ?
……………………………………………………………………………………………………………………………………………………………………………………………។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។
……………………………………………………………………………………………………………………………………………………………………………………………។
៣. ប្រសិនបើកូនបានធ្វើតាមបង្គាប់ទ្រង់ហើយ តើទ្រង់នឹងប្រទានអ្វីដល់កូន?
……………………………………………………………………………………………………………………………………………………………………………………………។
សេចក្តីអធិស្ឋាន
……………………………………………………………………………………………………………………………………………………………………………………………។
