| ១១ ពីដើមជាអ្នកគ្មានប្រយោជន៍ដល់អ្នកទេ តែឥឡូវនេះ មានប្រយោជន៍ដល់ទាំងអ្នកនឹងខ្ញុំផង ខ្ញុំចាត់គាត់មកឯអ្នកវិញ ១២ សូមអ្នកទទួលគាត់ចុះ ព្រោះជាដួងចិត្តរបស់ខ្ញុំហើយ ១៣ ខ្ញុំចង់ទុកគាត់ឲ្យនៅជាមួយនឹងខ្ញុំណាស់ ដើម្បីឲ្យគាត់បំរើខ្ញុំជំនួសអ្នក ដែលខ្ញុំនៅជាប់ចំណង ដោយព្រោះដំណឹងល្អ ១៤ តែខ្ញុំមិនចង់ធ្វើអ្វីទេ លើកតែអ្នកយល់ព្រមដែរ ដើម្បីកុំឲ្យអ្នកធ្វើគុណទាំងបង្ខំឡើយ គឺចង់ឲ្យបានធ្វើដោយស្ម័គ្រចិត្តវិញ ១៥ ដ្បិតប្រហែលជាដោយហេតុនោះ បានជាគាត់ឃ្លាតចេញពីអ្នកទៅជាយូរបន្តិច ដើម្បីឲ្យអ្នកបានគាត់វិញ ឲ្យនៅជាប់ជាដរាបទៅ ១៦ តែមិនមែនដូចជាបាវបំរើទៀតឡើយ គឺលើសជាងបាវបំរើទៅទៀត ទុកដូចជាប្អូនស្ងួនភ្ងាវិញ គឺដល់ខ្ញុំជាដើម ហើយដល់អ្នក តើលើសជាងយ៉ាងណាទៅ ទាំងខាងសាច់ឈាម និងក្នុងព្រះអម្ចាស់ផង ១៧ ដូច្នេះ បើអ្នករាប់ខ្ញុំទុកជាគូកន នោះចូរទទួលគាត់ទុកដូចជាខ្លួនខ្ញុំចុះ ១៨ បើគាត់បានធ្វើអ្វីខុសឆ្គងនឹងអ្នក ឬជំពាក់អ្នក នោះត្រូវគិតលើខ្ញុំវិញ ១៩ ប៉ុលខ្ញុំសរសេរដោយដៃខ្លួនថា ខ្ញុំនឹងសងអ្នក តែដែលអ្នកជំពាក់ខ្ញុំ ទាំងខ្លួនអ្នកផង នោះមិនថាទេ ២០ អើ ប្អូនអើយ សូមឲ្យខ្ញុំបានផលនេះអំពីអ្នកក្នុងព្រះអម្ចាស់ សូមលំហែចិត្តខ្ញុំក្នុងព្រះគ្រីស្ទផង។២១ ខ្ញុំបានសរសេរសំបុត្រនេះផ្ញើមកអ្នក ដោយមានចិត្តជឿថា អ្នកនឹងស្តាប់តាមខ្ញុំ ហើយខ្ញុំក៏ដឹងជាក់ថា អ្នកនឹងធ្វើលើសអំពីសេចក្តីដែលខ្ញុំសូមនេះទៅទៀត។២២ សូមរៀបកន្លែងឲ្យខ្ញុំបាននៅផង ដ្បិតខ្ញុំសង្ឃឹមថា ព្រះទ្រង់នឹងប្រគល់ខ្ញុំមកឯអ្នកវិញ ដោយអ្នកអធិស្ឋានឲ្យខ្ញុំផង។២៣ អ្នកអេប៉ាប្រាស ជាអ្នកជាប់គុកជា១នឹងខ្ញុំ ដោយព្រោះព្រះគ្រីស្ទយេស៊ូវ គាត់ជំរាបសួរមកអ្នកដែរ ២៤ ព្រមទាំងអ្នកម៉ាកុស អ្នកអើរីស្តាក អ្នកដេម៉ាស និងអ្នកលូកា ជាគូកនធ្វើការជា១នឹងខ្ញុំ គេក៏សូមជំរាបសួរមកអ្នកផង។ ២៥ សូមឲ្យវិញ្ញាណអ្នក បានប្រកបដោយព្រះគុណនៃព្រះយេស៊ូវគ្រីស្ទ ជាព្រះអម្ចាស់នៃយើង អាម៉ែន។ ការយល់ដឹងពីអត្ថបទ -ការរៀបរាប់ដំណើររឿង:ប្រហែលជាព្រះជាម្ចាស់បានរៀបចំអោយលោកអូនេស៊ីមចាកចេញពីលោកភីលេម៉ូន ជាចៅហ្វាយរបស់គាត់មួយរយៈ ដើម្បីអោយគាត់ទទួលបានសេចក្ដីសង្គ្រោះដ៏អស់កល្ប។គាត់មិនមែនជាទាសករខ្ជិលច្រអូសទេ ក៍មិនមែនមិនស្ដាប់បង្គាប់ដែរ តែគឺជាបងប្អូនក្នុងព្រះគ្រីស្ទយេស៊ូវ ដែលមានចិត្ដចង់ជួយអ្នកដទៃវិញ។ហេតុនេះលោកភីលេម៉ូនគួរតែចាត់ទុកគាត់ដូចជាបងប្អូនដូច្នោះដែរ។ ប្រសិនជាលោកអូនេស៊ីមបានលួចរបស់ ឬវត្ថុអ្វីរបស់លោកភីលេម៉ូន នោះលោកប៉ូលនឹងពេញចិត្ដក្នុងការសងជំនួស។លោកប៉ូលបានសង្ឃឹមថា គេនឹងដោះលែងគាត់ក្នុងពេលឆាប់ៗ ហើយគាត់នឹងទៅសួរសុខទុក្ខក្រុមជំនុំកូល៉ុស។ក្នុងពេលនេះគាត់ព្រមទាំងសហការីទាំងអស់ សូមផ្ដាំផ្ញើសួរសុខទុក្ខចំពោះភីលីម៉ូនផ្ទាល់ បន្ថែមពីការសួរសុខទុក្ខដែលគាត់បានសរសេរក្នុងសំបុត្រទៅក្រុមជំនុំកូល៉ុស។ ១. តើខគម្ពីរមួយណាដែលព្រះប្រទានមកខ្ញុំនៅថ្ងៃនេះ? ……………………………………………………………………………………………………………………………………………………………………………………….។ ២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងប្រព្រឹត្តតាមបង្គាប់ទ្រង់។ ……………………………………………………………………………………………………………………………………………………………………………………….។ ៣. ប្រសិនបើទូលបង្គំបានស្តាប់បង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ? ……………………………………………………………………………………………………………………………………………………………………………………….។ សេចក្តីអធិស្ឋាន ……………………………………………………………………………………………………………………………………………………………………………………….។ |
និស្ស័យលោកីយ៍ និងព្រះវិញ្ញាណ កាឡាទី 5:16-26 12 September 2026
១៦ តែខ្ញុំប្រាប់ថា ចូរដើរក្នុងព្រះវិញ្ញាណ នោះអ្នករាល់គ្នានឹងមិនបំពេញសេចក្តីប៉ងប្រាថ្នាខាងសាច់ឈាមទេ ១៧ ដ្បិតសាច់ឈាមតែងតែប៉ងប្រាថ្នាទាស់នឹងព្រះវិញ្ញាណ ឯព្រះវិញ្ញាណ ទ្រង់ក៏ទាស់នឹងសាច់ឈាមដែរ សេចក្តីទាំង២នេះប្រឆាំងនឹងគ្នា...
