១ រីឯពួកកូនចៅអ៊ីស្រាអែល តាមចំនួនគេ គឺតាមពួកមេលើវង្សឪពុកគេ និងពួកមេទ័ពធំតូច ហើយពួកនាយដែលបំរើស្តេច ក្នុងគ្រប់ទាំងការ ខាងឯវេនគេដែលចេញចូលរាល់តែខែ នៅពេញក្នុងឆ្នាំ ដែលរាល់តែវេនមាន២ម៉ឺន៤ពាន់នាក់ ២ នោះមានយ៉ាសុបៀម ជាកូនសាបឌាល ជាអ្នកត្រួតលើពួកវេនទី១ នៅខែចេត្រ ហើយក្នុងវេនលោកមាន២ម៉ឺន៤ពាន់នាក់ ៣ លោកកើតក្នុងពូជពង្សពេរេស ជាមេលើពួកមេទ័ព សំរាប់ខែដំបូង ៤ ដូដាយ ជាពួកអ័ហូអា ជាអ្នកត្រួតលើពួកវេនខែពិសាខ ហើយមីកឡូត ជាមេលើពួកវេនរបស់លោក ក្នុងពួកវេននេះមាន២ម៉ឺន៤ពាន់នាក់ ៥ មេទី៣ ជាមេធំលើពួកទ័ព នៅខែជេស្ឋ គឺបេណាយ៉ា ជាកូនយេហូយ៉ាដាដ៏ជាសង្ឃ ហើយនៅវេននេះមាន២ម៉ឺន៤ពាន់នាក់ ៦ គឺបេណាយ៉ានេះ ជាមនុស្សខ្លាំងពូកែក្នុងពួក៣០នាក់នោះ ហើយបានត្រួតលើគេផង ឯអាំមីសាបាឌ ជាកូនលោក ក៏នៅក្នុងវេននេះដែរ ៧ មេទី៤ ដែលសំរាប់ខែអាសាឍ គឺអេសាអែល ជាប្អូនយ៉ូអាប់ ហើយបន្ទាប់មកមានសេបាឌា ជាកូនលោក ក្នុងវេននេះមាន២ម៉ឺន៤ពាន់នាក់ ៨ មេទី៥ សំរាប់ខែស្រាពណ៍ គឺសាមហ៊ូត ជាពួកយីសរ៉ា ក្នុងវេននេះមាន២ម៉ឺន៤ពាន់នាក់ ៩ មេទី៦ សំរាប់ខែភទ្របទ គឺអ៊ីរ៉ា ជាកូនអ៊ីកគែស ជាអ្នកក្រុងត្កូអា ក្នុងវេននេះមាន២ម៉ឺន៤ពាន់នាក់ ១០ មេទី៧ សំរាប់ខែអស្សុជ គឺហេលែស ជាពួកពេឡូន ក្នុងពួកកូនចៅអេប្រាអិម ក្នុងវេននេះមាន២ម៉ឺន៤ពាន់នាក់ ១១ មេទី៨ សំរាប់ខែកត្តិក គឺស៊ីបាកាយ ជាពួកហ៊ូសាយ ក្នុងពូជពង្សសេរ៉ាស ក្នុងវេននេះមាន២ម៉ឺន៤ពាន់នាក់ ១២ មេទី៩ សំរាប់ខែមិគសិរ គឺអ័បៀស៊ើរ ជាអ្នកក្រុងអាន៉ាថោត ពូជអំបូរបេនយ៉ាមីន ក្នុងវេននេះមាន២ម៉ឺន៤ពាន់នាក់ ១៣ មេទី១០ សំរាប់ខែបុស្ស គឺម៉ាហារ៉ាយ ជាអ្នកស្រុកនថូផា ពូជពង្សសេរ៉ាស ក្នុងវេននេះមាន២ម៉ឺន៤ពាន់នាក់ ១៤ មេទី១១ សំរាប់ខែមាឃ គឺបេណាយ៉ា ជាអ្នកស្រុកពីរ៉ាថូន ក្នុងពូជអំបូរអេប្រាអិម ក្នុងវេននេះមាន២ម៉ឺន៤ពាន់នាក់ ១៥ មេទី១២ សំរាប់ខែផល្គុណ គឺហេលដាយ ជាអ្នកស្រុកនថូផា ពូជពង្សអូធ្នាល ក្នុងវេននេះក៏មាន២ម៉ឺន៤ពាន់នាក់ដែរ។
ការយល់ដឹងពីអត្ថបទ
រៀបរាប់លម្អិតអំពីរដ្ឋបាលយោធាដ៏អស្ចារ្យរបស់ស្តេចដាវីឌ។ ទ្រង់បានរៀបចំកងកម្លាំងប្រយុទ្ធរបស់អ៊ីស្រាអែលជា ១២ កងពលដែលមានទាហាន ២៤.០០០ នាក់ក្នុងមួយកងពល។ កងពលនីមួយៗត្រូវបានដឹកនាំដោយមេបញ្ជាការម្នាក់ ហើយបម្រើការត្រឹមតែមួយខែក្នុងមួយឆ្នាំ ដើម្បីធានាបាននូវការត្រៀមខ្លួនដើម្បីប្រទេសជាតិដោយមិនធ្វើឱ្យប្រជាពលរដ្ឋមានបន្ទុកច្រើនពេក។កងជីវពលបង្វិលរបស់ស្ដេចដាវីឌគឺជាពាក្យប្រៀបធៀបដ៏អស្ចារ្យសម្រាប់ជីវិតខាងវិញ្ញាណ។ ដូចដែលដាវីឌបានរៀបចំមនុស្សរបស់គាត់ឱ្យប្រដាប់គ្រឿងអាវុធ និងត្រៀមខ្លួនជាស្រេចភ្លាមៗចំពោះស្ថានការកើតឡើង។ អ្នកជឿក៍ត្រូវបានអំពាវនាវឱ្យមានការប្រុងប្រយ័ត្នជានិច្ចខាងឯព្រះលឹងវិញ្ញាណ និង “ស្លៀកពាក់សម្រាប់សកម្មភាព” (អេភេសូរ 6)។ វាគូសបញ្ជាក់ពីតម្លៃនៃវិន័យ និងរចនាសម្ព័ន្ធ។ ព្រះជាម្ចាស់ជាព្រះនៃសណ្តាប់ធ្នាប់ ហើយកិច្ចការប្រចាំថ្ងៃធម្មតានៃភាពស្មោះត្រង់គឺមានសារៈសំខាន់ចំពោះនគររបស់ទ្រង់ដូចជាពេលវេលាដ៏ផ្ទុះនៃជ័យជំនះដែរ។
១. តើខគម្ពីរមួយណា ជាព្រះបន្ទូលដែលព្រះប្រទានមកខ្ញុំនៅថ្ងៃនេះ?
………………………………………………………………………………………………………………………………………………………………………………………………។
២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្កាប់ទ្រង់។
………………………………………………………………………………………………………………………………………………………………………………………………។
៣. ប្រសិនបើកូនបានស្តាប់តាមបង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ?
………………………………………………………………………………………………………………………………………………………………………………………………។
សេចក្តីអធិស្ឋាន
………………………………………………………………………………………………………………………………………………………………………………………………។
