សូមឲ្យតាមព្រះហឬទ័យព្រះចុះ របាក្សត្រទី១ 21:18-30 06 August 2026
| ១៨ នោះទេវតានៃព្រះយេហូវ៉ាបង្គាប់ដល់កាឌ់ ឲ្យទៅទូលដាវីឌ ឲ្យទ្រង់ឡើងទៅស្អាងអាសនា១ ថ្វាយព្រះយេហូវ៉ា ត្រង់លានស្រូវរបស់អ័រ៉ៅណា ជាសាសន៍យេប៊ូស ១៩ ដូច្នេះ ដាវីឌក៏ឡើងទៅ តាមពាក្យដែលកាឌ់បានទូលដោយនូវព្រះនាមព្រះយេហូវ៉ា ២០ កាលអ័រ៉ៅណាកំពុងតែបញ្ជាន់ស្រូវ នោះស្រាប់តែបែរមកឃើញទេវតា ឯកូនគាត់ទាំង៤នាក់ ដែលនៅជាមួយ ក៏ពួនខ្លួន ២១ ហើយកំពុងដែលដាវីឌយាងមកឯអ័រ៉ៅណា នោះគាត់ក៏ក្រឡេកទៅឃើញ រួចចេញពីទីលានមក ក្រាបផ្កាប់មុខចុះដល់ដីនៅចំពោះដាវីឌ ២២ ឯដាវីឌ ទ្រង់មានព្រះបន្ទូលនឹងគាត់ថា សូមឲ្យដីទីលាននេះមកយើងចុះ ដើម្បីនឹងស្អាងអាសនា១ថ្វាយព្រះយេហូវ៉ា ចូរលក់ឲ្យយើងពេញថ្លៃចុះ ប្រយោជន៍ដើម្បីឲ្យសេចក្តីវេទនានេះ បានបាត់ចេញពីបណ្តាជនទៅ ២៣ អ័រ៉ៅណាគាត់ទូលតបថា បពិត្រព្រះករុណា សូមទ្រង់ទទួលយកចុះ ហើយសូមឲ្យព្រះអម្ចាស់ទ្រង់ធ្វើតាមតែបំណងព្រះហឫទ័យទ្រង់ចុះ មើល ទូលបង្គំក៏ថ្វាយគោ សំរាប់ដង្វាយដុត ប្រដាប់បញ្ជាន់ស្រូវ សំរាប់ជាឧស និងស្រូវនេះ សំរាប់ជាដង្វាយម្សៅផង ទូលបង្គំថ្វាយទាំងអស់ ២៤ តែស្តេចដាវីឌទ្រង់មានព្រះបន្ទូលនឹងអ័រ៉ៅណាថា កុំឡើយ គឺយើងចង់ទិញ ដោយពេញថ្លៃវិញ យើងមិនព្រមយករបស់ឯង ទៅថ្វាយដល់ព្រះយេហូវ៉ា ឬថ្វាយដង្វាយដុតណា ដោយឥតបង់ថ្លៃទិញនោះឡើយ ២៥ ដូច្នេះ ដាវីឌក៏ថ្លឹងមាសដំឡៃ៦០០រៀល ឲ្យដល់អ័រ៉ៅណា ប្តូរនឹងទីលាន ២៦ រួចទ្រង់ស្អាងអាសនា១ ថ្វាយព្រះយេហូវ៉ានៅទីនោះ ក៏ថ្វាយដង្វាយដុត និងដង្វាយមេត្រី ហើយអំពាវនាវដល់ព្រះយេហូវ៉ា ព្រះទ្រង់ក៏តបពីស្ថានសួគ៌មក ដោយភ្លើងនៅលើអាសនាដង្វាយដុត ២៧ ព្រះយេហូវ៉ាទ្រង់បង្គាប់ទៅ ហើយទេវតាក៏ស៊កដាវទៅក្នុងស្រោមវិញ។២៨ នៅវេលានោះ កាលដាវីឌឃើញថា ព្រះយេហូវ៉ាបានមានព្រះបន្ទូលតបមកទ្រង់ នៅត្រង់ទីលានរបស់អ័រ៉ៅណាជាសាសន៍យេប៊ូសដូច្នេះ នោះទ្រង់ក៏ថ្វាយយញ្ញបូជា នៅទីនោះ ២៩ ដ្បិតរោងឧបោសថនៃព្រះយេហូវ៉ា ដែលលោកម៉ូសេបានធ្វើនៅទីរហោស្ថាន ហើយអាសនាដង្វាយដុតនោះនៅលើទីខ្ពស់ត្រង់ក្រុងគីបៀនវិញ ៣០ ដាវីឌយាងទៅឯមុខអាសនានោះ ដើម្បីទូលសួរដល់ព្រះមិនបាន ដោយភ័យខ្លាច ដល់ដាវរបស់ទេវតានៃព្រះយេហូវ៉ា ការយល់ដឹងពីអត្ថបទ ស្តេចដាវីឌបានទិញទីលានស្រូវរបស់អរ៉ៅណាន ដើម្បីសាងសង់អាសនៈមួយ និងបញ្ឈប់គ្រោះកាចដែលបង្ករឡើងដោយអំពើបាបរបស់គាត់។ អត្ថបទនេះបង្កើតចំណុចរបត់ខាងទេវវិទ្យាយ៉ាងជ្រាលជ្រៅមួយ៖ ការប្រែចិត្តពិតប្រាកដតម្រូវឱ្យមានការលះបង់ផ្ទាល់ខ្លួន ហើយទីតាំងជាក់លាក់នេះត្រូវបានជ្រើសរើសដោយព្រះ ដើម្បីធ្វើជាទីតាំងនាពេលអនាគតនៃព្រះវិហារបរិសុទ្ធ។ ការផ្លាស់ប្តូរការគោរពបូជា៖ អត្ថបទនេះកត់សម្គាល់ពីឧបសគ្គខាងស្បៀងអាហារ៖ រោងឧបោសថដើមរបស់លោកម៉ូសេ និងអាសនៈរបស់ព្រះនាពេលនោះមានទីតាំងនៅក្រុងគីបៀន។ ដោយសារតែវត្តមានដ៏គួរឱ្យភ័យខ្លាចរបស់ទេវតាបានរារាំងស្ដេចដាវីឌពីការទៅទីនោះដើម្បីសួរព្រះ។ អាសនៈបណ្ដោះអាសន្ននេះក្លាយជាកន្លែងគោរពបូជាចម្បងរបស់ទ្រង់។ -គ្រឹះនៃព្រះវិហារបរិសុទ្ធ៖ ទីតាំងពិតប្រាកដនេះ - ទីលានស្រូវរបស់អ័រណាន - មានសារៈសំខាន់ខាងប្រវត្តិសាស្ត្រ។ វាគឺជាភ្នំម៉ូរីយ៉ា ដែលជាទីតាំងដូចគ្នាដែលអ័ប្រាហាំបានថ្វាយអ៊ីសាក ហើយវាក្លាយជាដីពិសិដ្ឋដែលព្រះវិហារបរិសុទ្ធរបស់សាឡូម៉ូនត្រូវបានសាងសង់។ ១. តើខគម្ពីរមួយណាដែលជាព្រះបន្ទូលទ្រង់មានបន្ទូលមកកាន់ខ្ញុំនៅថ្ងៃនេះ? ................................................................................................................................................................................................។ ២. ហេតុអ្វីបានជាទ្រង់ប្រទានខគម្ពីរនេះមកកាន់ខ្ញុំដូចច្នេះ? ដូលបង្គំនឹងធ្វើតាមបង្គាប់ទ្រង់។ ................................................................................................................................................................................................។ ៣. ប្រសិនបើខ្ញុំបានធ្វើតាមបង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ? ................................................................................................................................................................................................។ សេចក្តីអធិស្ឋាន ................................................................................................................................................................................................។ |
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer