សង្គ្រាមជាមួយកូនចៅអាំម៉ូន និងពួកស៊ីរី របាក្សត្រទី១ 19:10-19 01 August 2026
១០ រីឯយ៉ូអាប់ កាលឃើញថា គេឡោមច្បាំងនឹងលោក ពីខាងមុខខាងក្រោយដូច្នេះ នោះលោកក៏យកពួកជ្រើសរើស ក្នុងពួកអ៊ីស្រាអែល ដាក់ឲ្យដំរៀបគ្នាតនឹងពួកស៊ីរី ១១ ឯបណ្តាទ័ពដែលសល់ នោះក៏ប្រគល់ទៅក្នុងអំណាចអ័ប៊ីសាយ ជាប្អូន ហើយគេក៏ដំរៀបគ្នាតនឹងពួកកូនចៅ អាំម៉ូន ១២ លោកប្រាប់ថា បើសិនជាពួកស៊ីរីមានកំឡាំងហួសពេក អញឈ្នះគេមិនបាន នោះចូរឯងមកជួយអញផង បើពួកកូនចៅអាំម៉ូនមានកំឡាំងហួសពេក ឯងឈ្នះគេមិនបាន នោះអញនឹងទៅជួយឯងវិញ ១៣ ចូរយើងមានចិត្តក្លាហានឡើង ហើយមានកំឡាំងចុះ ដោយព្រោះសាសន៍យើង និងទីក្រុងរបស់ព្រះនៃយើងផង សូមព្រះយេហូវ៉ាទ្រង់សំរេចសេចក្តីតាមព្រះហឫទ័យទ្រង់ចុះ ១៤ ដូច្នេះ យ៉ូអាប់ និងពួកពលដែលនៅជាមួយ ក៏ចូលទៅតស៊ូនឹងពួកស៊ីរី ហើយគេបាក់ទ័ពរត់ពីមុខលោកចេញទៅ ១៥ កាលពួកកូនចៅអាំម៉ូនឃើញថា ពួកស៊ីរីបានបាក់ទ័ពហើយ នោះគេក៏រត់ពីមុខអ័ប៊ីសាយ ជាប្អូនយ៉ូអាប់ដែរ នាំគ្នាចូលទៅក្នុងទីក្រុង រួចយ៉ូអាប់ក៏ត្រឡប់ទៅឯក្រុងយេរូសាឡិមវិញ។១៦ កាលពួកស៊ីរីឃើញថា បានចាញ់ពួកអ៊ីស្រាអែលហើយ នោះក៏ចាត់ទូត ឲ្យទៅអង្វរបានពួកស៊ីរី ដែលនៅខាងនាយទន្លេ នាំចេញមកជួយ មានសូបាក ជាមេទ័ពរបស់ហាដារេស៊ើរ ជាអ្នកនាំមុខ ១៧ កាលដាវីឌទ្រង់បានជ្រាប នោះទ្រង់ប្រមូលពួកទ័ពអ៊ីស្រាអែលទាំងអស់ឆ្លងទន្លេយ័រដាន់ទៅប្រទះនឹងគេ ហើយក៏ដំរៀបគ្នាច្បាំង កាលដាវីឌបានដំរៀបទ័ពច្បាំងនឹងពួកស៊ីរីដូច្នេះ នោះគេក៏តនឹងទ្រង់ ១៨ តែពួកស៊ីរីគេបាក់ទ័ព រត់ពីពួកអ៊ីស្រាអែលចេញទៅ ហើយដាវីឌបានសំឡាប់ពួកទ័ពស៊ីរី ដែលនៅរទេះចំបាំងអស់៧ពាន់ និងពលថ្មើរជើង៤ម៉ឺននាក់ ក៏សំឡាប់សូបាក ជាមេទ័ពដែរ ១៩ កាលពួកពលទ័ពរបស់ហាដារេស៊ើរបានឃើញថា គេចាញ់ពួកអ៊ីស្រាអែលហើយ នោះក៏តាំងមេត្រីនឹងដាវីឌ ហើយចំណុះទ្រង់ ដូច្នេះ ពួកស៊ីរីមិនព្រមជួយពួកកូនចៅអាំម៉ូនទៀតឡើយ។ ការយល់ដឹងពីអត្ថបទ លោកមេទ័ពយ៉ូអាប់បានរៀបចំយុទ្ធសាស្ត្រសមរភូមិដ៏អស្ចារ្យមួយប្រឆាំងនឹងសម្ព័ន្ធមិត្តអារ៉ាម និងអាំម៉ូនដ៏លើសលប់។ ដោយបង្ហាញទាំងប្រាជ្ញាយុទ្ធសាស្ត្រ និងជំនឿ អត្ថបទនេះបានគូសបញ្ជាក់ពីតុល្យភាពរវាងកិច្ចខិតខំប្រឹងប្រែងរបស់មនុស្សដោយសកម្ម និងការទុកចិត្តលើព្រះជាម្ចាស់ចំពោះលទ្ធផលចុងក្រោយ។អត្ថបទនេះគូសបញ្ជាក់ពីគោលការណ៍ព្រះគម្ពីរដែលថាការរៀបចំ និងភាពក្លាហានរបស់មនុស្សគឺចាំបាច់ ប៉ុន្តែជ័យជម្នះនៅទីបំផុតជារបស់ព្រះ។ នៅពេលប្រឈមមុខនឹងសត្រូវ «នៅពីមុខ និងមកពីក្រោយ» អត្ថបទនេះលើកទឹកចិត្តអ្នកជឿឱ្យប្រុងប្រយ័ត្ន ដោយរៀបចំផែនការដោយឈ្លាសវៃ និងពឹងការពឹងផ្អែកលើព្រះអម្ចាស់ជាដំបូង។ ១. តើខគម្ពីរមួយណាដែលព្រះទ្រង់ប្រទានមកខ្ញុំនៅថ្ងៃនេះ? ................................................................................................................................................................................................................។ ២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ ទូលបង្កំនឹងធ្វើតាមព្រះបន្ទូលទ្រង់។ ................................................................................................................................................................................................................។ ៣. នៅពេលដែលខ្ញុំបានធ្វើតាមបង្គាប់ទ្រង់ហើយ តើព្រះជាម្ចាស់ទ្រង់សន្យាថានឹងប្រទានអ្វីមកដល់ខ្ញុំ ? ................................................................................................................................................................................................................។ សេចក្តីអធិស្ឋាន ................................................................................................................................................................................................................។
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer