ជ័យជំនះរបស់ស្តេចដាវីឌលើស្រុកជិតខាង របាក្សត្រទី១ 18:1-17 30 July 2026
| ១ ក្រោយនោះមក ដាវីឌទ្រង់វាយបង្ក្រាបពួកភីលីស្ទីន ហើយក៏ចាប់យកក្រុងកាថ និងស្រុកនៅជុំវិញពីកណ្តាប់ដៃនៃពួកភីលីស្ទីននោះ ២ ទ្រង់ក៏វាយស្រុកម៉ូអាប់ ហើយសាសន៍ម៉ូអាប់ គេចំណុះដល់ដាវីឌ ព្រមទាំងបងសួយអាករផង។៣ ដាវីឌក៏វាយហាដារេស៊ើរ ជាស្តេចសូបា រហូតដល់ក្រុងហាម៉ាត ក្នុងគ្រាដែលលោកកំពុងទៅ ដើម្បីតាំងអំណាចនៅទន្លេអ៊ើប្រាត ៤ ដាវីឌទ្រង់ចាប់បានរទេះចំបាំង១ពាន់ និងទ័ពសេះ៧ពាន់នាក់ ហើយពលថ្មើរជើង២ម៉ឺននាក់របស់ស្តេចនោះ ទ្រង់ក៏កាប់សរសៃកជើងសេះដែលសំរាប់រទេះចំបាំងទាំងអស់ បានទុកឲ្យល្មមតែទឹមរទេះ១០០ប៉ុណ្ណោះ។៥ កាលពួកសាសន៍ស៊ីរី ពីក្រុងដាម៉ាស បានមកជួយហាដារេស៊ើរ ជាស្តេចសូបា នោះដាវីឌក៏ប្រហារពួកស៊ីរីនោះ អស់២ម៉ឺន២ពាន់នាក់ ៦ រួចទ្រង់តាំងឲ្យមានពួកទាហានរក្សាស្រុក នៅស្រុកស៊ីរី ប៉ែកខាងក្រុងដាម៉ាស ហើយពួកស៊ីរីក៏ចំណុះដាវីឌ ព្រមទាំងឡើងសួយអាករមកថ្វាយផង ព្រះយេហូវ៉ាទ្រង់ប្រោស ឲ្យដាវីឌមានជ័យជំនះនៅគ្រប់ទីកន្លែងណាដែលទ្រង់យាងទៅ ៧ ដាវីឌក៏យកអស់ទាំងខែលមាស របស់ពួកទាហាន នៃហាដារេស៊ើរនាំមកឯក្រុងយេរូសាឡិម ៨ ហើយពីក្រុងបេថាស និងក្រុងគូន ជាទីក្រុងរបស់ហាដារេស៊ើរ នោះដាវីឌក៏យកលង្ហិនសន្ធឹកដែរ ដែលសាឡូម៉ូនបានប្រើធ្វើសមុទ្រលង្ហិន សសរ និងគ្រឿងប្រដាប់លង្ហិនទាំងប៉ុន្មាន។៩ កាលថូអ៊ី ជាស្តេចក្រុងហាម៉ាត បានឮថា ដាវីឌបានប្រហារពួកទ័ពរបស់ហាដារេស៊ើរ ជាស្តេចសូបា ទាំងអស់ហើយ ១០ នោះលោកក៏ចាត់យ៉ូរ៉ាម ជាបុត្រទ្រង់ ឲ្យទៅគាល់ស្តេចដាវីឌ ដើម្បីនឹងគំនាប់ ហើយចំរើនពរថ្វាយ ដោយព្រោះទ្រង់បានច្បាំងឈ្នះហាដារេស៊ើរ ដ្បិតហាដារេស៊ើរចេះតែច្បាំងនឹងថូអ៊ីជានិច្ច យ៉ូរ៉ាមក៏នាំយកប្រដាប់មាស ប្រាក់ និងលង្ហិនគ្រប់មុខ ទៅថ្វាយដែរ ១១ ស្តេចដាវីឌទ្រង់ក៏ថ្វាយរបស់ទាំងនោះ ដល់ព្រះយេហូវ៉ាជាមួយនឹងប្រាក់ ហើយមាសទាំងប៉ុន្មាន ដែលទ្រង់បាននាំយកមកពីអស់ទាំងសាសន៍ដទៃ គឺពីសាសន៍អេដំម សាសន៍ម៉ូអាប់ ពួកកូនចៅអាំម៉ូន សាសន៍ភីលីស្ទីន និងសាសន៍អាម៉ាលេក។១២ ឯអ័ប៊ីសាយជាកូនសេរូយ៉ាក៏ប្រហារពួកសាសន៍អេដំមអស់១ម៉ឺន៨ពាន់នាក់ នៅត្រង់ច្រកភ្នំអំបិល ១៣ ក៏ដាក់កងទ័ពឲ្យរក្សានៅស្រុកអេដំម ដូច្នេះ ពួកអេដំមទាំងអស់បានចំណុះដាវីឌ ព្រះយេហូវ៉ាទ្រង់ក៏ប្រោសឲ្យដាវីឌមានជ័យជំនះ នៅគ្រប់ទីកន្លែងណា ដែលទ្រង់យាងទៅ។១៤ ឯដាវីឌ ទ្រង់បានសោយរាជ្យ លើសាសន៍អ៊ីស្រាអែលទាំងមូល ហើយក៏សំរេចការទាំងអស់ដល់បណ្តាជនដោយយុត្តិធម៌ និងសេចក្តីសុចរិត ១៥ មានយ៉ូអាប់ ជាកូនសេរូយ៉ា ធ្វើជាមេត្រួតត្រាលើបណ្តាពលទ័ពទាំងអស់ និងយេហូសាផាត ជាកូនអ័ហ៊ីលូឌ ធ្វើជាអ្នកកត់ទុកនូវពង្សាវតារ ១៦ សាដុក ជាកូនអ័ហ៊ីទូប និងអ័ហ៊ីម៉ាលេក ជាកូនអ័បៀថើរ ធ្វើជាសង្ឃ សេរ៉ាយ៉ា ជាស្មៀនហ្លួង ១៧ បេណាយ៉ា កូនយេហូយ៉ាដា ធ្វើជាមេលើពួកកេរេធីម ហើយនឹងពួកពេលេធីម ហើយបុត្រាទាំងប៉ុន្មានរបស់ដាវីឌក៏ធ្វើជាសេនាបតី។ ការយល់ដឹងពីអត្ថបទ របាក្សត្រទី១ ១៨:១-១៧ កត់ត្រាអំពីឧត្តមភាពកងទ័ពរបស់ស្តេចដាវីឌ និងការបង្កើតរដ្ឋបាលរាជវង្សរបស់ទ្រង់។ តាមរយៈពរជ័យរបស់ព្រះ ដាវីឌបានបង្ក្រាបប្រទេសដែលមានអរិភាពជុំវិញ ដោយពង្រីកព្រំដែនអ៊ីស្រាអែល។ ជំពូកនេះសង្កត់ធ្ងន់ថា ការវាយដណ្ដើមយកទឹកដីទាំងនេះបានធានាសន្តិភាព និងទ្រព្យសម្បត្តិដែលត្រូវការដើម្បីបង្កើតរដ្ឋាភិបាលដ៏យុត្តិធម៌ និងមានរបៀបរៀបរយ។សាច់រឿងត្រូវបានបែងចែកជាពីរផ្នែកធំៗ៖ ការពង្រឹងពង្រីកយោធារបស់ស្ដេចដាវីឌ និងភាពជាអ្នកដឹកនាំរដ្ឋាភិបាលរបស់ទ្រង់។១. ការពង្រីកផ្នែកយោធា និងការការពាររបស់ព្រះជាម្ចាស់៖ ដាវីឌបានបង្ក្រាបសត្រូវប្រវត្តិសាស្ត្ររបស់អ៊ីស្រាអែលជាលើកដំបូង រួមមាន៖ពួកភីលីស្ទីន ជនជាតិម៉ូអាប់ និងជនជាតិស៊ីរី (អារ៉ាម)។ ប្រាក់ មាស និងសំរិទ្ធដែលប្រមូលបានពីជ័យជម្នះទាំងនេះត្រូវបានឧទ្ទិសដល់ព្រះអម្ចាស់។ អ្នកនិពន្ធពង្សាវតារបានសង្កត់ធ្ងន់យ៉ាងខ្លាំងថា ដាវីឌទទួលស្គាល់ព្រះជាប្រភពពិតនៃភាពជោគជ័យរបស់គាត់។ ជំពូកនេះកត់សម្គាល់ម្តងហើយម្តងទៀតថា «ព្រះអម្ចាស់បានការពារដាវីឌគ្រប់ទីកន្លែងដែលគាត់ទៅ» ដោយបញ្ជាក់ពីព្រះហស្តសកម្មរបស់ព្រះក្នុងការរក្សាដាវីឌឱ្យមានសុវត្ថិភាព និងដឹកនាំអ៊ីស្រាអែលឱ្យទទួលបានជ័យជម្នះ។ ២. រដ្ឋបាលរបស់ដាវីឌ៖ បន្ទាប់ពីរៀបរាប់ពីការពង្រីកទឹកដីរបស់ទ្រង់ អត្ថបទនេះបានបង្វែរការផ្តោតអារម្មណ៍ទៅលើរបៀបដែលដាវីឌរក្សាសណ្តាប់ធ្នាប់ផ្ទៃក្នុង យុត្តិធម៌ និងការវិនិច្ឆ័យ អត្ថបទនេះកត់សម្គាល់ថា ដាវីឌ «បានអនុវត្តការវិនិច្ឆ័យ និងយុត្តិធម៌ក្នុងចំណោមប្រជាជនរបស់ទ្រង់ទាំងអស់»។ នេះបង្ហាញថា ដាវីឌមិនគ្រាន់តែជាមេទ័ពប៉ុណ្ណោះទេ ប៉ុន្តែជាអ្នកគ្រប់គ្រងដ៏យុត្តិធម៌ និងយុត្តិធម៌។ ១. តើព្រះបន្ទូលមួយណាដែលព្រះប្រទានមកខ្ញុំនៅថ្ងៃនេះ? ........................................................................................................................................................................................................។ ២. ហេតុអ្វីបានជាព្រះប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។ ........................................................................................................................................................................................................។ ៣. ប្រសិនបើទូលបង្គំធ្វើតាមបង្គាប់ទ្រង់ហើយ តើទ្រង់នឹងប្រទានអ្វីដល់ទូលបង្គំ? ........................................................................................................................................................................................................។ សេចក្តីអធិស្ឋាន ........................................................................................................................................................................................................។ |
Carry the Word into your day.
What is one thing God is inviting you to put into practice? Pause, reflect, and respond in prayer.
Prayer