១ លុះកាលដាវីឌបានគង់នៅក្នុងដំណាក់ទ្រង់ហើយ នោះទ្រង់មានព្រះបន្ទូលទៅហោរាណាថាន់ថា មើលខ្ញុំនៅក្នុងដំណាក់ធ្វើពីឈើតាត្រៅ តែឯហិបនៃសេចក្តីសញ្ញាផងព្រះយេហូវ៉ា មានតែសំពត់បាំងប៉ុណ្ណោះ ២ ដូច្នេះ ណាថាន់ទូលថា សូមទ្រង់ធ្វើតាមគ្រប់ទាំងសេចក្តីប្រាថ្នាដែលនៅក្នុងព្រះទ័យចុះ ដ្បិតព្រះទ្រង់គង់ជាមួយនឹងទ្រង់ហើយ ៣ តែនៅវេលាយប់នោះឯង ព្រះបន្ទូលនៃព្រះបានមកដល់ណាថាន់ថា ៤ ចូរទៅប្រាប់ដល់ដាវីឌ ជាអ្នកបំរើអញថា ព្រះយេហូវ៉ាទ្រង់មានព្រះបន្ទូលដូច្នេះ មិនត្រូវឲ្យឯងស្អាងព្រះវិហារ ឲ្យអញបាននៅនោះឡើយ ៥ ដ្បិតតាំងពីអញនាំសាសន៍អ៊ីស្រាអែលឡើងមក ដរាបដល់សព្វថ្ងៃនេះ នោះអញមិនបាននៅក្នុងព្រះវិហារណាទេ គឺបានទៅពីត្រសាល១ដល់ត្រសាល១ ហើយពីរោងឧបោសថ១ដល់រោងឧបោសថ១ទៀត ៦ នៅគ្រប់ទីកន្លែង ដែលអញដើរជាមួយនឹងពួកអ៊ីស្រាអែល នោះតើអញដែលនិយាយ១ម៉ាត់ នឹងពួកចៅហ្វាយនៃសាសន៍អ៊ីស្រាអែលណាមួយ ដែលអញបានបង្គាប់ឲ្យឃ្វាលរាស្ត្រអញថា ហេតុអ្វីបានជាឯងមិនបានស្អាងព្រះវិហារ ពីឈើតាត្រៅឲ្យអញឬទេ ៧ ដូច្នេះ ត្រូវឲ្យឯងនិយាយនឹងដាវីឌ ជាអ្នកបំរើអញថា ព្រះយេហូវ៉ានៃពួកពលបរិវារ ទ្រង់មានព្រះបន្ទូលដូច្នេះ អញបានយកឯងពីក្រោលសត្វ គឺពីការឃ្វាលហ្វូងចៀមមក ឲ្យធ្វើជាអ្នកនាំមុខសាសន៍អ៊ីស្រាអែល ជារាស្ត្រអញ ៨ អញបាននៅជាមួយនឹងឯង នៅគ្រប់ទីកន្លែងណា ដែលឯងបានទៅដែរ ក៏បានដកខ្មាំងទាំងអស់ពីមុខឯងចេញ ហើយបានលើកឈ្មោះឯងជាធំ ដូចជាឈ្មោះនៃអស់អ្នកធំ ដែលនៅផែនដី ៩ អញបានតម្រូវ ឲ្យពួកអ៊ីស្រាអែល ជារាស្ត្រអញ មានទីលំនៅ ដើម្បីឲ្យគេបាននៅជាប់ក្នុងស្រុករបស់ផងគេ ឥតដែលត្រូវរើទៅឯណាទៀត ពួកខូចអាក្រក់នឹងមិនពង្រេចពង្រឹលគេ ដូចកាលពីមុន ១០ គឺដូចជាគ្រាកាលចាប់តាំងពីថ្ងៃ ដែលអញបានតាំងពួកចៅហ្វាយ ឲ្យគ្រប់គ្រងលើអ៊ីស្រាអែល ជារាស្ត្រអញនោះឡើយ អញបានបង្ក្រាបអស់ទាំងខ្មាំងសត្រូវឯងហើយ (មួយទៀតទូលបង្គំក្រាបទូលថា ព្រះយេហូវ៉ាទ្រង់នឹងតាំងព្រះវង្សាទ្រង់ឡើង) ១១ កាលណាឯងបានរស់នៅគ្រប់កំណត់អាយុហើយ នៅខណៈដែលឯងត្រូវទៅជួបជុំនឹងពួកឰយុកោឯង នោះអញនឹងតាំងពូជពង្សឯងឡើង គឺជាម្នាក់ក្នុងពួកកូនឯង ហើយនឹងតាំងរាជ្យរបស់អ្នកនោះ ឲ្យខ្ជាប់ខ្ជួនឡើង ១២ អ្នកនោះនឹងស្អាងព្រះវិហារ១ឲ្យអញ ហើយអញនឹងប្រោសឲ្យរាជ្យអ្នកនោះបានស្ថិតស្ថេរនៅ ជារៀងរាបដរាបទៅ ១៣ អញនឹងធ្វើជាឪពុកដល់អ្នកនោះ ហើយអ្នកនោះនឹងធ្វើជាកូនរបស់អញ អញមិនដែលដកសេចក្តីសប្បុរសរបស់អញ ចេញពីអ្នកនោះ ដូចជាបានដកចេញពីអ្នក ដែលនៅមុខឯងនោះឡើយ ១៤ គឺនឹងតាំងអ្នកនោះ នៅក្នុងព្រះវិហារ ហើយក្នុងនគររបស់អញឲ្យនៅជាដរាប ហើយរាជ្យអ្នកនោះនឹងបាននៅជាប់ ជារៀងរាបដរាបទៅ ១៥ ណាថាន់ក៏ទូលដល់ដាវីឌ តាមគ្រប់ទាំងព្រះបន្ទូលនេះ ហើយតាមការជាក់ស្តែងនេះ គ្រប់ជំពូក។
ការយល់ដឹងពីអត្ថបទ
ស្តេចដាវីឌចង់សាងសង់ព្រះវិហារអចិន្ត្រៃយ៍សម្រាប់ហិបរបស់ព្រះជាម្ចាស់ ប៉ុន្តែព្រះជាម្ចាស់បានបង្វែរទិសដៅរបស់ទ្រង់។ ជំនួសឱ្យដាវីឌសាងសង់ដំណាក់សម្រាប់ព្រះជាម្ចាស់ ព្រះជាម្ចាស់សន្យាថានឹងសាងសង់ «ដំណាក់» (រាជវង្ស) ដ៏អស់កល្បជានិច្ចសម្រាប់ដាវីឌ ដោយបង្កើតពូជពង្សរបស់ទ្រង់ នគររបស់ទ្រង់ និងព្រះមេស្ស៊ីចុងក្រោយជារៀងរហូត។និទានកថានេះអាចបែងចែកយ៉ាងច្បាស់លាស់ទៅជាប្រធានបទទ្រឹស្ដីសាសនាសំខាន់ៗចំនួនបី៖
១. ចេតនាត្រឹមត្រូវ-ចិត្តរបស់ដាវីឌត្រូវបានបង្ហាញ៖ គាត់រស់នៅក្នុងវិមានដ៏ប្រណីតធ្វើពីឈើតាត្រៅ ខណៈដែលហិបនៃសេចក្តីសញ្ញាស្ថិតនៅក្នុងតង់ដ៏រាបទាប។ បំណងប្រាថ្នារបស់ស្ដេចដាវីឌក្នុងការគោរពដល់ព្រះជាម្ចាស់លើសពីការលួងលោមផ្ទាល់ខ្លួនរបស់គាត់បង្ហាញពីភាពចាស់ទុំខាងវិញ្ញាណ។ ព្យាការីណាថានដំបូងឡើយយល់ព្រម ដោយឆ្លុះបញ្ចាំងពីប្រាជ្ញារបស់មនុស្ស ប៉ុន្តែព្រះជាម្ចាស់បានធ្វើអន្តរាគមន៍ដើម្បីកំណត់ពេលវេលា និងព្រះហឫទ័យដ៏ទេវភាពរបស់ទ្រង់។
២. ការបដិសេធ និងការសន្យា៖ ព្រះប្រាប់ណាថានឲ្យផ្ញើសារមួយថា៖ ដាវីឌនឹងមិនមែនជាអ្នកសាងសង់ព្រះវិហារបរិសុទ្ធទេ។ ព្រះគុណនៅក្នុង “ទេ”៖ ព្រះរំលឹកដាវីឌអំពីការចាប់ផ្តើមដ៏រាបទាបរបស់គាត់ជាអ្នកគង្វាល ហើយសន្យាថានឹងកម្ចាត់សត្រូវរបស់គាត់ និងធ្វើឲ្យឈ្មោះរបស់គាត់អស្ចារ្យ។ នគររបស់ព្រះមិនត្រូវបានចងភ្ជាប់ទៅនឹងអគាររូបវន្តទេ។ ទ្រង់មានវត្តមានជាមួយរាស្ត្ររបស់ទ្រង់នៅក្នុងតង់តាំងពីប្រទេសអេហ្ស៊ីបមក។ ការសន្យា៖ ព្រះសន្យាថានឹងសាងសង់ “ផ្ទះ” ឲ្យដាវីឌ មានន័យថារាជវង្សដ៏អស់កល្បជានិច្ច។
៣. ការបង្ហាញទុកជាមុនអំពីព្រះមេស្ស៊ី៖ ព្រះទតឃើញហួសពីជីវិតភ្លាមៗរបស់ដាវីឌ។ ទ្រង់គូសបញ្ជាក់ពីទិដ្ឋភាពសំខាន់ពីរនៃការសន្យានេះ -ការសម្រេចជិតមកដល់ -កូនចៅខាងរូបកាយរបស់ដាវីឌ (សាឡូម៉ូន) នឹងក្លាយជាអ្នកដែលបានសាងសង់ព្រះវិហារបរិសុទ្ធ។ ព្រះសន្យាថានឹងបង្កើតបល្ល័ង្ករបស់ទ្រង់ជារៀងរហូត។ ការសម្រេចចុងក្រោយ៖ «ព្រះរាជបុត្រា» ចុងក្រោយរបស់ដាវីឌនឹងបង្កើតនគររបស់ទ្រង់ជារៀងរហូត។ គ្រិស្តបរិស័ទចាត់ទុករឿងនេះថាជាទំនាយមេស្ស៊ីចម្បងដែលចង្អុលទៅព្រះយេស៊ូវគ្រីស្ទ ដែលជាកូនចៅចុងក្រោយរបស់ដាវីឌ ហើយនគររបស់ទ្រង់នឹងមិនដែលចប់ឡើយ។
១. ព្រះបន្ទូលដែលព្រះប្រទានមកខ្ញុំនៅថ្ងៃនេះ
……………………………………………………………………………………………………………………………………………………………………………………។
២. ហេតុអ្វីបានជាព្រះប្រទានខគម្ពីរនេះខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។
……………………………………………………………………………………………………………………………………………………………………………………។
៣. ប្រសិនបើខ្ញុំស្យាប់តាមបង្គាប់ទ្រង់ហើយ តើទ្រង់នឹងប្រទានអ្វីដល់ខ្ញុំ?
……………………………………………………………………………………………………………………………………………………………………………………។
សេចក្តីអធិស្ឋាន
……………………………………………………………………………………………………………………………………………………………………………………។
