២៥ដូច្នេះដាវីឌ ពួកចាស់ទុំនៃសាសន៍អ៊ីស្រាអែល និងពួកមេទ័ព ក៏ទៅនាំយកហិបនៃសេចក្តីសញ្ញាផងព្រះយេហូវ៉ាពីផ្ទះអូបិឌ-អេដំម មកដោយអរសប្បាយ ២៦ រួចដោយព្រោះព្រះទ្រង់ប្រោសមេត្តាដល់ពួកលេវី ដែលសែងហិបនៃសេចក្តីសញ្ញាផងព្រះយេហូវ៉ា បានជាគេថ្វាយកូនគោ៧ និងពពែ៧ ទុកជាយញ្ញបូជា ២៧ ឯដាវីឌទ្រង់ព្រះពស្ត្រសំពត់ខ្លូតទេសយ៉ាងម៉ដ្ត ព្រមទាំងពួកលេវីដែលសែងហិប ពួកចំរៀង និងកេណានា ជាមេលើពួកចំរៀងផង ហើយដាវីឌក៏ពាក់អេផូឌធ្វើពីសំពត់ខ្លូតទេសដែរ២៨ គឺយ៉ាងនោះដែលពួកអ៊ីស្រាអែលទាំងអស់ បាននាំយកហិបនៃសេចក្តីសញ្ញាផងព្រះយេហូវ៉ាឡើងមក ដោយសំរែកអរសប្បាយ និងសូរស្នែង ត្រែ ហើយនឹងឈឹង ព្រមទាំងដេញពិណ ហើយចាប់ស៊ុងផង។២៩ កាលហិបនៃសេចក្តីសញ្ញាផងព្រះយេហូវ៉ា បានចូលមកក្នុងទីក្រុងដាវីឌហើយ នោះមីកាល ជាបុត្រីសូល នាងទតទៅតាមបង្អួច ឃើញស្តេចដាវីឌកំពុងតែលោតកញ្ឆេង ហើយលេងភ្លេង រួចនាងមានព្រះទ័យប្រមាថមើលងាយដល់ទ្រង់។១ គេនាំយកហិបនៃព្រះមក ដាក់នៅកណ្តាលត្រសាល ដែលដាវីឌបានដំឡើងទុកសំរាប់ រួចក៏ថ្វាយដង្វាយដុត និង ដង្វាយមេត្រី នៅចំពោះព្រះ ២ កាលដាវីឌបានថ្វាយដង្វាយដុត និងដង្វាយមេត្រីទាំងនោះរួចហើយ នោះទ្រង់ក៏ប្រទានពរដល់ពួកជន ដោយនូវព្រះនាមព្រះយេហូវ៉ា ៣ រួចទ្រង់ចែកនំបុ័ង១ដុំ សាច់១ដុំ និងផ្លែទំពាំងបាយជូរ១ផែន ឲ្យដល់សាសន៍អ៊ីស្រាអែលគ្រប់ៗគ្នា ទាំងប្រុសទាំងស្រី។៤ ទ្រង់ក៏តម្រូវពួកលេវីខ្លះ ឲ្យធ្វើការងារនៅចំពោះហិបនៃព្រះយេហូវ៉ា ដើម្បីនឹងរំឭក អរព្រះគុណ ហើយនឹងសរសើរដល់ព្រះយេហូវ៉ា ជាព្រះនៃសាសន៍អ៊ីស្រាអែល ៥ គឺអេសាភជាមេ ហើយបន្ទាប់មកមានសាការី យីអែល សេមីរ៉ាម៉ូត យេហ៊ីអែល ម៉ាធិធា អេលាប បេណាយ៉ា អូបិឌ-អេដំម និងយីអែល សុទ្ធតែកាន់ពិណ និងស៊ុង ហើយអេសាភជាអ្នកវាយឈឹងឲ្យឮរងំ ៦ ឯបេណាយ៉ា និងយ៉ាហាសៀល ជាពួកសង្ឃ ក៏ផ្លុំត្រែជានិច្ច នៅចំពោះហិបនៃសេចក្តីសញ្ញាផងព្រះ។
ការយល់ដឹងពីអត្ថបទ
ពិពណ៌នាអំពីការមកដល់ដ៏ជោគជ័យនៃហិបនៃសេចក្តីសញ្ញានៅត្រសាលដែលបានកំណត់នៅក្រុងយេរូសាឡឹម។ ស្តេចដាវីឌដឹកនាំការប្រារព្ធពិធីគោរពបូជាជាតិដោយថ្វាយយញ្ញបូជា ប្រទានពរដល់ប្រជាជន ចែកចាយអាហារ និងតែងតាំងពួកលេវីជាផ្លូវការឱ្យដឹកនាំសហគមន៍ក្នុងការអរព្រះគុណតាមតន្ត្រី។ការពិនិត្យមើលអត្ថបទនេះឲ្យកាន់តែដិតដល់បង្ហាញពីប្រធានបទសំខាន់ៗមួយចំនួននៃការថ្វាយបង្គំ សេចក្តីសប្បុរស និងភាពជាអ្នកដឹកនាំ៖«យញ្ញបូជានៅចំពោះព្រះ»។ បរិបទប្រវត្តិសាស្ត្រ៖ នេះកើតឡើងបន្ទាប់ពីការប៉ុនប៉ងដ៏មហន្តរាយពីមុន ដើម្បីផ្លាស់ទីហិបដោយប្រើរទេះគោ ដែលបណ្តាលឱ្យអ៊ុសាស្លាប់។ ដាវីឌបានរៀនធ្វើតាមការណែនាំពិតប្រាកដរបស់ព្រះ។ យញ្ញបូជា៖ យញ្ញបូជាដុតតំណាងឱ្យការលះបង់ទាំងស្រុងចំពោះព្រះ ខណៈដែលយញ្ញបូជាសន្តិភាពតំណាងឱ្យការផ្សះផ្សា និងការរួបរួមជាមួយទ្រង់។គោលបំណងនៃតន្ត្រី៖ មុននេះហិបភាគច្រើនត្រូវបានលាក់ទុក។ ដាវីឌលើកកម្ពស់បទពិសោធន៍ថ្វាយបង្គំដោយរៀបចំតន្ត្រីករ និងអ្នកចម្រៀងពេញម៉ោង។ អេសាភត្រូវបានតែងតាំងជាតន្ត្រីករសំខាន់ ដោយមានការគាំទ្រពីអ្នកផ្សេងទៀតដូចជា សាការី អូបេដ-អេដុម និង យីអែល ដែលការងាររបស់គាត់គឺដើម្បីបន្លឺឧបករណ៍ភ្លេង ដូចជាឈិង ពិណ និងត្រែ ដើម្បីនាំមកនូវស្មារតីនៃការសរសើរ។
ព្រះបន្ទូលដែលព្រះប្រទានមកខ្ញុំនៅថ្ងៃនេះ
…………………………………………………………………………………………………………………………………………………………………………………………………។
១. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងធ្វើតាមបង្គាប់ទ្រង់។
…………………………………………………………………………………………………………………………………………………………………………………………………។
២. តើមានវិធីណាខ្លះ ដែលអាចនាំខ្ញុំឲ្យដើរក្នុងព្រះអម្ចាស់ដោយការទុកចិត្តព្រះ?
…………………………………………………………………………………………………………………………………………………………………………………………………។
៣. តើទ្រង់សន្យាថានឹងប្រទានអ្វីដល់ខ្ញុំ នៅពេលដែលខ្ញុំបានស្តាប់បង្គាប់ដល់ព្រះអង្គ?
…………………………………………………………………………………………………………………………………………………………………………………………………។
សេចក្តីអធិស្ឋាន
…………………………………………………………………………………………………………………………………………………………………………………………………។
