២៣ ឯពួកមេទាំងប៉ុន្មាន ជាអ្នកកាន់គ្រឿងសស្ត្រាវុធដែលមកឯដាវីឌ នៅក្រុងហេប្រុនដើម្បីនឹងបង្វែររាជ្យរបស់សូលមកឯដាវីឌវិញ តាមព្រះបន្ទូលនៃព្រះយេហូវ៉ា នោះមានចំនួន ដូចកត់ទុកខាងក្រោមនេះ ២៤ គឺពួកកូនចៅយូដា ដែលកាន់ខែល និងលំពែង ប្រុងនឹងទៅច្បាំងហើយ នោះមាន៦ពាន់៨រយនាក់ ២៥ ខាងពួកកូនចៅស៊ីម្មាន នោះមានពួកមនុស្សខ្លាំងពូកែ សំរាប់ចេញទៅច្បាំង៧ពាន់១រយនាក់ ២៦ ខាងពួកកូនចៅលេវីមាន៤ពាន់៦រយនាក់ ២៧ ហើយយេហូយ៉ាដា ជាមេពួកវង្សអើរ៉ុន ក៏មាន៣ពាន់៧រយនាក់មកជាមួយនឹងលោកដែរ ២៨ ហើយមានសាដុកជាមនុស្សកំឡោះខ្លាំងពូកែ មានចិត្តក្លាហាន ព្រមទាំងមេទ័ព២២នាក់ មកពីជំនួរវង្សរបស់ឪពុកលោកផង ២៩ ខាងឯពួកកូនចៅបេនយ៉ាមីន ជាបងប្អូនសូល នោះមាន៣ពាន់នាក់ ដ្បិតដរាបដល់គ្រានោះ ចំណែកពួកបេនយ៉ាមីនជាច្រើនគ្នា គេបាននៅតែស្មោះត្រង់នឹងពួកវង្សរបស់សូល ៣០ ខាងពួកកូនចៅអេប្រាអិម មាន២ម៉ឺន៨រយនាក់ សុទ្ធតែជាមនុស្សខ្លាំងពូកែ មានចិត្តក្លាហាន ដែលមានល្បីឈ្មោះ នៅក្នុងជំនួរវង្សរបស់ឪពុកគេ ៣១ ខាងឯពូជអំបូរម៉ាន៉ាសេ១ចំហៀងនោះ មាន១ម៉ឺន៨ពាន់នាក់ ដែលបានតម្រូវដោយឈ្មោះ ឲ្យមកតាំងដាវីឌឡើងជាស្តេច ៣២ ខាងពួកកូនចៅអ៊ីសាខារ នោះមានមនុស្សដែលស្គាល់សម័យអាចនឹងដឹងជាសាសន៍អ៊ីស្រាអែលត្រូវធ្វើយ៉ាងណា ឯអ្នកដែលជាប្រធានក្នុងពួកគេ នោះមាន២០០នាក់ ហើយពួកបងប្អូនគេក៏ទទួលតាមបង្គាប់គេទាំងអស់ ៣៣ ខាងពួកសាប់យូល៉ូន មាន៥ម៉ឺននាក់ ដែលអាចនឹងចេញទៅច្បាំង សុទ្ធតែមានគ្រឿងសស្ត្រាវុធគ្រប់មុខ ហើយគេប្រុងប្រៀបទៅច្បាំងដោយចិត្តស្មោះ ៣៤ ខាងពួកណែបថាលីមានមេទ័ព១ពាន់នាក់ ហើយមាន៣ម៉ឺន៧ពាន់នាក់ដែលកាន់ខែល និងលំពែងមកជាមួយនឹងគេដែរ ៣៥ ខាងពួកដាន់ មាន២ម៉ឺន៨ពាន់៦០០នាក់ ដែលថ្នឹកច្បាំងហើយ ៣៦ ខាងឯពួកអេស៊ើ នោះមាន២ម៉ឺននាក់ដែលអាចនឹងចេញទៅជាមួយនឹងពលទ័ព ជាមនុស្សថ្នឹកច្បាំងដែរ ៣៧ ឯខាងនាយទន្លេយ័រដាន់ ក្នុងពួករូបេន ពួកកាឌ់ និងពូជអំបូរម៉ាន៉ាសេ១ចំហៀង នោះមានចំនួន១សែន២ម៉ឺននាក់ដែលមានគ្រឿងចំបាំងគ្រប់មុខ។៣៨ ពួកអ្នកទាំងនោះ ដែលសុទ្ធតែជាមនុស្សថ្នឹកច្បាំងក៏មកឯដាវីឌ នៅត្រង់ក្រុងហេប្រុន ដោយចិត្តស្មោះត្រង់ ដើម្បីនឹងតាំងទ្រង់ឡើង ឲ្យធ្វើជាស្តេចលើសាសន៍អ៊ីស្រាអែលទាំងមូល ហើយពួកអ៊ីស្រាអែលឯទៀតទាំងប៉ុន្មានក៏ស្រុះចិត្តគ្នានឹងតាំងដាវីឌឡើងជាស្តេចដែរ ៣៩ គេនៅទីនោះជាមួយនឹងដាវីឌ ដោយការលៀងលោមគ្នាអស់៣ថ្ងៃ ដ្បិតពួកបងប្អូនគេបានរៀបចំឲ្យ ៤០ មួយទៀត ពួកណាដែលនៅជិតល្មមត្រឹមពួកអ៊ីសាខារ ពួកសាប់យូល៉ូន និងពួកណែបថាលី គេក៏យកស្បៀងអាហារផ្ទុកលើសត្វលា អូដ្ឋ លាកាត់ និងគោមកដែរ គឺជានំបុ័ង ផែនល្វាក្រៀម ចង្កោមទំពាំងបាយជូរ ស្រាទំពាំងបាយជូរ ប្រេង គោ ហើយនឹងចៀមយ៉ាងសន្ធឹក ដ្បិតមានសេចក្តីអំណរអរនៅក្នុងពួកអ៊ីស្រាអែល។
ការយល់ដឹងពីអត្ថបទ
ខគម្ពីរទាំងនេះពិពណ៌នាអំពីការជួបជុំប្រវត្តិសាស្ត្រនៅក្រុងហេប្រុន ជាកន្លែងដែលអ្នកតំណាងមកពីកុលសម្ព័ន្ធទាំងដប់ពីរនៃអ៊ីស្រាអែលបានរួបរួមគ្នាដើម្បីលើកអោយដាវីឌឡើងគ្រងរាជជាស្តេចលើប្រជាជាតិទាំងមូល។ វាបង្ហាញពីសម្ព័ន្ធភាពដ៏ធំសម្បើមដែលរៀបចំដោយព្រះនៃអ្នកចម្បាំងដែលបានមកជាមួយ “ភក្ដីភាពដែលមិនអាចបែងចែកបាន” ដើម្បីបង្កើតរជ្ជកាលរបស់ដាវីឌបន្ទាប់ពីការបែកបាក់អស់រយៈពេលជាច្រើនឆ្នាំ។កងទ័ពដ៏ខ្លាំងពូកែ៖ អត្ថបទនេះរាយបញ្ជីការចូលរួមចំណែកយោធាជាក់លាក់ពីកុលសម្ព័ន្ធនីមួយៗ ដែលមានចំនួនសរុបរាប់រយរាប់ពាន់នាក់នៃបុរសដែលត្រៀមខ្លួនប្រយុទ្ធ។ ជាជាងមើលចំនួនទាំងនេះជាការបំផ្លើស អ្នកប្រាជ្ញជាច្រើនយល់ឃើញថាវាជាការឆ្លុះបញ្ចាំងពីការជួបជុំជាតិដ៏ធំ រីករាយ និងអស្ចារ្យ។ ភាពចម្រុះនៃកុលសម្ព័ន្ធ៖ ឋានៈរួមមានអ្នកចម្បាំងវរជន មេបញ្ជាការ និងបូជាចារ្យ។ កុលសម្ព័ន្ធអ៊ីសាខារត្រូវបានជ្រើសរើសយ៉ាងពិសេសសម្រាប់បុរសដែល «យល់អំពីសម័យកាល ហើយដឹងពីអ្វីដែលអ៊ីស្រាអែលគួរធ្វើ»។ នេះបង្ហាញពីសារៈសំខាន់នៃការវិនិច្ឆ័យ និងប្រាជ្ញាខាងវិញ្ញាណ មិនមែនគ្រាន់តែជាកម្លាំងរាងកាយនោះទេ នៅក្នុងនគររបស់ព្រះ។
ព្រះបន្ទូលដែលព្រះប្រទានមកខ្ញុំនៅថ្ងៃនេះ
……………………………………………………………………………………………………………………………………………………………………………………..។
១. ហេតុអ្វីបានជាព្រះទ្រង់ប្រទានខគម្ពីរនេះមកខ្ញុំដូចច្នេះ? ខ្ញុំនឹងធ្វើតាមបង្គាប់ទ្រង់។
……………………………………………………………………………………………………………………………………………………………………………………..។
២. តើវិធីអ្វីខ្លះដែលអាចឲ្យខ្ញុំអនុវត្តន៍ព្រះបន្ទូលទ្រង់?
……………………………………………………………………………………………………………………………………………………………………………………..
៣. ប្រសិនបើខ្ញុំបានធ្វើតាមបង្គាប់ទ្រង់ហើយ តើទ្រង់នឹងប្រទានអ្វីដល់ទូលបង្គំ?
……………………………………………………………………………………………………………………………………………………………………………………..។
សេចក្តីអធិស្ឋាន
……………………………………………………………………………………………………………………………………………………………………………………..។
