១ កាលខ្ញុំមានសេចក្តីវេទនានោះបានអំពាវនាវដល់ព្រះយេហូវ៉ាហើយទ្រង់បានតបមកខ្ញុំ២ ឱព្រះយេហូវ៉ាអើយ សូមជួយព្រលឹងទូលបង្គំឲ្យរួចពីបបូរមាត់ដ៏កំភូតហើយពីអណ្តាតដែលបញ្ឆោត៣ ឱអណ្តាតដែលបញ្ឆោតអើយ តើត្រូវឲ្យអ្វីដល់ឯងតើត្រូវធ្វើអ្វីទៀតដល់ឯង៤ គឺព្រួញមុតរបស់មនុស្សខ្លាំងពូកែនិងរងើកភ្លើងឈើដង្កោផង៥ វេទនាដល់ខ្ញុំព្រោះអាស្រ័យនៅស្រុកមែសេកគឺដែលខ្ញុំនៅកណ្តាលត្រសាលនៃសាសន៍កេដារ៦ ជាយូរមកហើយ ព្រលឹងនៃខ្ញុំបាននៅជាមួយនឹងពួកអ្នកដែលស្អប់សេចក្តីសុខ៧ ខ្ញុំចូលចិត្តខាងសេចក្តីសុខ តែកាលណាខ្ញុំថាទៅនោះគេចូលចិត្តតែចង់ច្បាំងវិញ។១ ខ្ញុំនឹងងើបភ្នែកមើលទៅឯភ្នំតែសេចក្តីជំនួយជួយដល់ខ្ញុំមកពីណា២ សេចក្តីជំនួយរបស់ខ្ញុំមកតែពីព្រះយេហូវ៉ាទេគឺជាព្រះដែលបង្កើតផ្ទៃមេឃ និងផែនដី។៣ ៙ ទ្រង់នឹងមិនឲ្យជើងអ្នករឥលភ្លាត់ឡើយព្រះអង្គដែលរក្សាអ្នក ទ្រង់នឹងមិនផ្ទំរលីវឡើយ៤ មើល ព្រះអង្គដែលរក្សាអ៊ីស្រាអែលទ្រង់នឹងមិនដែលងោកងុយ ក៏មិនដែលផ្ទំលក់ឡើយ៥ ព្រះយេហូវ៉ាទ្រង់ជាព្រះដែលថែរក្សាអ្នកព្រះយេហូវ៉ាទ្រង់ជាម្លប់នៅខាងស្តាំអ្នក។៦ ៙ នៅពេលថ្ងៃអ្នកនឹងមិនត្រូវព្រះអាទិត្យធ្វើទុក្ខឡើយហើយនៅពេលយប់ក៏មិនត្រូវព្រះចន្ទធ្វើទុក្ខដែរ៧ ព្រះយេហូវ៉ានឹងរក្សាអ្នក ឲ្យរួចពីគ្រប់ទាំងសេចក្តីអាក្រក់ទ្រង់នឹងថែរក្សាព្រលឹងរបស់អ្នក៨ ឯដំណើរដែលអ្នកចេញចូលទៅមកនោះព្រះយេហូវ៉ាទ្រង់នឹងរក្សាចាប់តាំងពីឥឡូវនេះរៀងតទៅ។
ការយល់ដឹងពីអត្ថបទ
ចំពោះជំពូកនីមួយៗក្នុងចំណោមជំពូកទាំង១៥ចាប់ពីជំពូក១២០រហូតដល់ជំពូក១៣៥ត្រូវបានគេហៅថាជាចម្រៀងសម្រាប់ឡើងទៅព្រះវិហារ។បទចម្រៀងទាំងនេះគឺជាចម្រៀងដែលពួកអ្នករស់នៅតាមជនបទផ្សេងៗច្រៀងក្នុងពេលគេធ្វើដំណើរមកកាន់ក្រុងយេរ៉ូសាឡិម ដើម្បីនឹងចូលរួមពិធីបុណ្យប្រចាំឆ្នាំ។ទោះបីទំនុកតម្កើងនេះត្រូវបានគេសរសេរដើម្បីនឹងច្រៀងពេលនោះ ឬមិនមែនក៍ដោយ វាត្រូវបានគេរៀបចំតាមលំដាប់សម្រាប់បង្ហាញពីអារម្មណ៍ របស់អ្នកដែលកំពុងតែធ្វើដំណើរទាំងនោះ។វាបានផ្ដល់នូវការបង្ហាញពីទឹកចិត្ដក្នុងការថ្វាយបង្គំ សម្រាប់អ្នកដែលធ្វើដំណើរពេលដែលពួកគេចាប់ចេញដំណើរពីតំបន់ឆ្ងាយ ធ្វើដំណើរឆ្លងកាត់ភូមិស្រុកតម្រង់មកក្រុងយេរ៉ូសាឡិម ហើយនៅទីបញ្ចប់ក៍បានមកចូលរួមពិធីនៅក្នុងព្រះវិហារ។កម្រង់ចម្រៀងនេះចាប់ផ្ដើមដោយការអំពាវនាវរបស់មនុស្សដែលរស់នៅតំបន់ឆ្ងាយ ហើយត្រូវពួកអ្នកជិតខាងបៀតបៀនគាត់យ៉ាងខ្លាំង។ការចំអករបស់គេចាក់ចុកចិត្ដគាត់ ប្រៀបបានទៅនឹងផ្លែព្រួញ ហើយដុតរោលគាត់ដូចជារងើកភ្លើង។គាត់អធិស្ឋានថា សូមព្រះជាម្ចាស់ដាក់ទណ្ឌកម្មពួកគេដោយយុត្ដិធម៌ ។គាត់ធុញទ្រាន់ណាស់ដែលខ្លួនក្លាយជាជនរងគ្រោះរហូតមក។គាត់មានអារម្មណ៍ខ្លួនកំពុងរស់នៅតំបន់ដាច់ស្រយាល។គាត់នឹងធ្វើដំណើរទៅទីក្រុងយេរ៉ូសាឡិមដើម្បីស្វែងរកសន្ដិភាព នៅក្នុងវិហាររបស់ព្រះជាម្ចាស់។ក្នុងពេលគាត់កំពុងធ្វើដំណើរកាត់តាមតំបន់ភ្នំ បុរសនេះដឹងថា ព្រះជាម្ចាស់ដែលបានបង្កើតភ្នំទាំងនេះជាអ្នកថែរក្សាគាត់។ទោះបីជាពេលគាត់កំពុងតែសម្រាកនៅតាមផ្លូវពេលយប់ ព្រះអង្គមិនដែលផ្ទំរលីវឡើយ គឺទ្រង់ថែរក្សាគាត់ ព្រះការពារគាត់ពីគ្រោះថ្នាក់ទាំងយប់ទាំងថ្ងៃ។ព្រះអង្គនឹងនាំគាត់អោយទៅដល់ក្រុងយេរ៉ូសាឡិមហើយនាំគាត់ត្រឡប់មកផ្ទះវិញយ៉ាងពិតប្រាកដ។
ព្រះបន្ទូលដែលព្រះប្រទានមកខ្ញុំនៅថ្ងៃនេះ
……………………………………………………………………………………………………………………………………………………………………………………….។
១. តើហេតុអ្វីបានជាព្រះទ្រង់ប្រទានខគម្ពីរនេះមកខ្ញុំដូចច្នេះ? ខ្ញុំនឹងទទួលតាមទ្រង់?
……………………………………………………………………………………………………………………………………………………………………………………….។
២. តើកូនអាចអនុវត្តន៍ព្រះបន្តូលទ្រង់ក្នុងជីវិតប្រចាំថ្ងៃ បានដោយរបៀបណា?
……………………………………………………………………………………………………………………………………………………………………………………….។
សេចក្តីអធិស្ឋាន
……………………………………………………………………………………………………………………………………………………………………………………….។
