| ១៦ ក្រោយដែលខ្ញុំបានប្រគល់សំបុត្របញ្ចាំដល់បារូកជាកូននេរីយ៉ាហើយ នោះខ្ញុំក៏អធិស្ឋានដល់ព្រះយេហូវ៉ាថា ១៧ ឱព្រះអម្ចាស់យេហូវ៉ាអើយ មើល ទ្រង់បានបង្កើតផ្ទៃមេឃ និងផែនដី ដោយសារព្រះចេស្តាដ៏ធំរបស់ទ្រង់ និងព្រះពាហុដ៏លើកសំរេច គ្មានអ្វីដែលពិបាកពេកដល់ទ្រង់ទេ ១៨ គឺទ្រង់សំដែងសេចក្តីសប្បុរស ដល់មនុស្សទាំងពាន់ៗ ហើយក៏សងអំពើទុច្ចរិតរបស់ពួកព្ធយុកោ ទៅលើទ្រូងនៃពួកកូនចៅគេ នៅតាមក្រោយ ទ្រង់ជាព្រះដ៏ធំហើយមានឫទ្ធិ ព្រះនាមទ្រង់ គឺព្រះយេហូវ៉ានៃពួកពលបរិវារ ១៩ ទ្រង់ប្រសប់ក្នុងការជួយគំនិត ហើយក៏មានឫទ្ធិក្នុងការធ្វើ ព្រះនេត្រទ្រង់ទតឃើញអញទាំងផ្លូវរបស់ពួកមនុស្សជាតិ ដើម្បីនឹងសងគ្រប់គ្នាតាមផ្លូវគេប្រព្រឹត្ត ហើយតាមផលនៃកិរិយារបស់គេរៀងខ្លួន ២០ ទ្រង់ក៏បានធ្វើទីសំគាល់ និងការអស្ចារ្យនៅស្រុកអេស៊ីព្ទ ដរាបដល់សព្វថ្ងៃនេះ ព្រមទាំងនៅពួកអ៊ីស្រាអែល ហើយកណ្តាលពួកមនុស្សដទៃផង ទ្រង់ក៏បានតាំងកិត្តិនាមរបស់ទ្រង់ឡើងដូចជាមានសព្វថ្ងៃនេះ ២១ ហើយបាននាំអ៊ីស្រាអែល ជារាស្ត្រទ្រង់ ចេញពីស្រុកអេស៊ីព្ទមក ដោយទីសំគាល់ និងការអស្ចារ្យ ដោយព្រះហស្តខ្លាំងពូកែ និងព្រះពាហុលើកសំរេច ព្រមទាំងការស្ញែងខ្លាចយ៉ាងធំផង ២២ ក៏បានប្រទានស្រុកនេះឲ្យដល់គេ ជាស្រុកដែលទ្រង់បានស្បថនឹងពួកព្ធយុកោ ថានឹងឲ្យដល់គេ គឺជាស្រុកមានទឹកដោះ និងទឹកឃ្មុំហូរហៀរ។ ២៣ គេក៏ចូលមកចាប់យកស្រុក ប៉ុន្តែមិនបានស្តាប់តាមព្រះបន្ទូលនៃទ្រង់ ឬដើរតាមក្រឹត្យវិន័យរបស់ទ្រង់ឡើយ ក៏មិនបានធ្វើអ្វី១ដែលទ្រង់បានបង្គាប់ដល់គេដែរ ហេតុនោះបានជាទ្រង់បណ្តាល ឲ្យការអាក្រក់ទាំងនេះមកលើគេ ២៤ មើល ប្រដាប់ចំបាំងរបស់ពួកខាល់ដេបានមកដល់ ដើម្បីនឹងចាប់យកទីក្រុង ក្រុងនេះបានត្រូវប្រគល់ទៅក្នុងកណ្តាប់ដៃនៃពួកខាល់ដេ ដែលមកតយុទ្ធហើយ គឺត្រូវប្រគល់ទៅដោយចាញ់ដាវ អំណត់អត់ និងអាសន្នរោគ ឯអស់ទាំងការដែលទ្រង់បានមានព្រះបន្ទូល នោះបានកើតមកហើយ ទ្រង់ក៏ទតឃើញដែរ ២៥ ហើយ ឱព្រះអម្ចាស់យេហូវ៉ាអើយ ទ្រង់បានមានព្រះបន្ទូលមកទូលបង្គំថា ចូរឯងទទួលបញ្ចាំចំការដោយប្រាក់ ហើយហៅស្មរបន្ទាល់មក តែទីក្រុងនេះបានត្រូវប្រគល់ទៅក្នុងកណ្តាប់ដៃនៃពួកខាល់ដេហើយ។២៦ លំដាប់នោះព្រះបន្ទូលនៃព្រះយេហូវ៉ាបានមកដល់យេរេមាថា ២៧ មើល អញនេះជាព្រះយេហូវ៉ា ជាព្រះនៃគ្រប់ទាំងសាច់ តើមានការអ្វីដែលពិបាកពេកដល់អញដែរឬ ២៨ ហេតុនេះព្រះយេហូវ៉ាទ្រង់មានព្រះបន្ទូលដូច្នេះថា មើលអញនឹងប្រគល់ទីក្រុងនេះទៅក្នុងកណ្តាប់ដៃនៃពួកខាល់ដេ គឺក្នុងកណ្តាប់ដៃនៃនេប៊ូក្នេសា ជាស្តេចបាប៊ីឡូន ហើយគេនឹងចាប់យកបាន។ ២៩ ពួកខាល់ដេ ដែលតយុទ្ធនឹងទីក្រុងនេះ គេនឹងចូលមកដុតចោល ព្រមទាំងផ្ទះទាំងប៉ុន្មានផង ជាទីដែលមនុស្សបានដុតកំញានថ្វាយដល់ព្រះបាល ហើយច្រួចដង្វាយច្រួចដល់ព្រះដទៃនៅលើដំបូល ជាការដែលបណ្តាលឲ្យអញខឹង ៣០ ពីព្រោះពួកកូនចៅអ៊ីស្រាអែល និងពួកកូនចៅយូដា បានប្រព្រឹត្តសុទ្ធតែការដែលអាក្រក់ នៅភ្នែកអញ តាំងតែពីក្មេងមក ដ្បិតពួកកូនចៅអ៊ីស្រាអែលបានបណ្តាលឲ្យអញខឹង ដោយការដែលដៃគេធ្វើ នេះហើយជាព្រះបន្ទូលនៃព្រះយេហូវ៉ា ៣១ ទីក្រុងនេះជាទីអុចអាល ឲ្យអញមានសេចក្តីកំហឹង និងឃោរឃៅ ចាប់តាំងពីគ្រាដែលគេសង់ឡើង ដរាបដល់សព្វថ្ងៃនេះ បានជាគួរឲ្យអញបំបាត់ចេញពីមុខអញទៅ ៣២ ដោយព្រោះអស់ទាំងអំពើអាក្រក់ ដែលពួកកូនចៅអ៊ីស្រាអែល និងពួកកូនចៅយូដាបានប្រព្រឹត្ត ជាហេតុបណ្តាលឲ្យអញខឹង គឺទាំងខ្លួនគេ ស្តេចគេ ពួកចៅហ្វាយ ពួកសង្ឃ និងពួកហោរារបស់គេ អស់ទាំងពួកស្រុកយូដា និងពួកអ្នកនៅក្រុងយេរូសាឡិមទាំងអស់គ្នាផង ការយល់ដឹងពីអត្ថបទ ក្រោយពីបានទិញដីរួចហើយលោកមិនអស់ចិត្ដសោះ។គាត់គិតថាព្រះមិនគួរអនុញ្ញាតអោយប្រជារាស្ដ្រយូដា ដ៏គ្មានតំលៃនេះបានវិលត្រឡប់មកស្រុកកំណើតវិញសោះ។ហើយគាត់ក៍អធិស្ឋានទៅកាន់ព្រះជាម្ចាស់ ខំធ្វើអោយមានការទុកចិត្ដថា គ្មានអ្វីដែលជារឿងធំរហូតដល់ព្រះដែលមានពេញដោយសេចក្ដីស្រលាញ់ មេត្ដាករុណា និងអំណាចចេស្ដាធ្វើមិនបាននោះទេ។គាត់បានបរិយាយពីភាពស្មោះត្រង់ សេចក្ដីស្រលាញ់មិនប្រែប្រួល និងអំណាចចេស្ដាដ៏គ្មានព្រំដែនរបស់ព្រះអង្គ ដែលបានសង្គ្រោះអ៊ីស្រាអែលក្នុងពេលអតីតកាល។ប៉ុន្ដែពួកអ៊ីស្រាអែលមិនបានស្ដាប់បង្គាប់ព្រះ ហើយនាំអោយខ្លួនឯងធ្លាក់ទៅក្នុងការជំនុំជម្រះរបស់ព្រះអង្គ។ ជាមួយគា្ននឹងពេលដែលកងទ័ពសត្រូវ កំពុងវាយរំលំកំផែងក្រុង នោះលោកយេរេមាតក់ស្លុតយ៉ាងខ្លាំង គាត់គិតថា ទីបញ្ចប់របស់ក្រុងយេរូសាឡិមបានមកដល់ហើយ។គាត់សង្ស័យថា តើគាត់ពិតជាបានយល់ច្បាស់ ពីបំណងព្រះជាម្ចាស់ដែរឬទេ នៅក្នុងការទិញដីនោះ។ព្រះជាម្ចាស់បានឆ្លើយទៅកាន់គាត់ថា គ្មានអ្វីដែលព្រះធ្វើមិនបាននោះទេ។ ព្រះជាម្ចាស់ច្បាស់ជាបំផ្លាញក្រុងយេរូសាឡិមយ៉ាងពិតប្រាកដ ព្រោះនេះជាការជំនុំជម្រះចំពោះការថ្វាយបង្គំរូបព្រះរបស់ពួកយូដា។ ១. ព្រះអង្គអើយតើខគម្ពីរមួយណា ដែលទ្រង់ប្រទានមកខ្ញុំនៅថ្ងៃនេះ? …………………………………………………………………………………………………………………………………………………………………………………………..។ ២. ហេតុអ្វីបានជាទ្រង់ប្រទានខគម្ពីរនេះមកខ្ញុំដូចច្នេះ? ទូលបង្គំនឹងទទួលតាមបង្គាប់ទ្រង់។ …………………………………………………………………………………………………………………………………………………………………………………………..។ ៣. ប្រសិនបើខ្ញុំបានធ្វើតាមបង្គាប់ទ្រង់ហើយ តើទ្រង់នឹងប្រទានអ្វីមកដល់ទូលបង្គំ? …………………………………………………………………………………………………………………………………………………………………………………………..។ សេចក្តីអធិស្ឋាន …………………………………………………………………………………………………………………………………………………………………………………………..។ |
លោកយេរេមាទិញដីមួយកន្លែង យេរេមា 32:1-15 16 September 2026
១ នេះជាព្រះបន្ទូលដែលមកពីព្រះយេហូវ៉ា ដល់យេរេមា ក្នុងឆ្នាំទី១០ នៃរាជ្យសេដេគា ស្តេចយូដា ដែលត្រូវនឹងឆ្នាំទី១៨នៃរាជ្យនេប៊ូក្នេសា ២ រីឯគ្រានោះ ពួកទ័ពរបស់ស្តេចបាប៊ីឡូន កំពុងឡោមព័ទ ច្បាំងនឹងក្រុងយេរូសាឡិម...
