១១ នោះដាវីឌក៏ប្រគល់គំរូនៃរបស់ទាំងប៉ុន្មាន ដល់សាឡូម៉ូន ជាបុត្រទ្រង់ គឺជាគំរូនៃបាំងសាច មន្ទីរទាំងប៉ុន្មាន ឃ្លាំង បន្ទប់ខាងលើ បន្ទប់ខាងក្នុង និងកន្លែងដាក់ទីសន្តោសប្រោះ ១២ ហើយនឹងគំរូនៃរបស់ទាំងប៉ុន្មានដែលទ្រង់បានដោយព្រះវិញ្ញាណ សំរាប់ទីលានរបស់ព្រះវិហារនៃព្រះយេហូវ៉ា អស់ទាំងបន្ទប់នៅជុំវិញ ដែលសំរាប់ជាឃ្លាំងរបស់ព្រះវិហារនៃព្រះ និងឃ្លាំងនៃដង្វាយបរិសុទ្ធទាំងប៉ុន្មាន ១៣ ហើយសំរាប់វេនពួកសង្ឃ និងពួកលេវី ហើយសំរាប់កិច្ចការនៃការងារទាំងអស់ ក្នុងព្រះវិហារនៃព្រះយេហូវ៉ា ព្រមទាំងគ្រឿងប្រដាប់ ដែលប្រើក្នុងព្រះវិហារនៃព្រះយេហូវ៉ា ១៤ ដាវីឌទ្រង់ក៏ប្រគល់គំរូនៃប្រដាប់ដែលត្រូវធ្វើពីមាសសំរាប់ប្រើគ្រប់យ៉ាង ព្រមទាំងទំងន់នៃប្រដាប់នីមួយៗនោះ និងគំរូនៃប្រដាប់ ដែលត្រូវធ្វើពីប្រាក់សំរាប់ប្រើគ្រប់យ៉ាង ព្រមទាំងទំងន់នៃប្រដាប់នីមួយៗនោះដែរ ១៥ គឺកំណត់ទំងន់មាស សំរាប់ធ្វើជើងចង្កៀងមាស និងតួចង្កៀងនោះ គឺជាទំងន់ជើងចង្កៀងនីមួយៗ និងតួចង្កៀងនីមួយៗ ហើយកំណត់ទំងន់ប្រាក់ សំរាប់ធ្វើជើងចង្កៀងប្រាក់ ទាំងជើង និងតួចង្កៀងនោះផង តាមរបៀបប្រើជើងចង្កៀងនីមួយៗនោះ ១៦ ហើយមាសសំរាប់ធ្វើតុនំបុ័ងតាំងទុក និងប្រាក់សំរាប់អស់ទាំងតុធ្វើពីប្រាក់ដែរ ១៧ ព្រមទាំងសម ចានគោម និងពែងដែលធ្វើពីមាសសុទ្ធ និងផ្តិលមាស តាមទំងន់នីមួយៗ ហើយផ្តិលប្រាក់ទាំងប៉ុន្មានតាមទំងន់ ១៨ និងមាសសុទ្ធសំរាប់អាសនាគ្រឿងក្រអូបតាមទំងន់ផង ទ្រង់ក៏ប្រគល់គំរូ ដែលសំរាប់ធ្វើរទេះ និងចេរូប៊ីន ដែលត្រដាងស្លាបគ្របពីលើហិបនៃសេចក្តីសញ្ញាផងព្រះយេហូវ៉ាដែរ ១៩ រួចទ្រង់មានព្រះបន្ទូលថា បណ្តាបែបយ៉ាងទាំងនេះបានកត់ទុក ដោយព្រះហស្តព្រះយេហូវ៉ា ឲ្យអញបានយល់ហើយ គឺអស់ទាំងរបៀបនៃគំរូទាំងនេះឯង។២០ ដាវីឌទ្រង់មានព្រះបន្ទូលនឹងសាឡូម៉ូនជាព្រះរាជបុត្រាថា ចូរមានកំឡាំង និងចិត្តក្លាហានឡើង ហើយធ្វើសំរេចចុះ កុំឲ្យខ្លាច ឬរសាយចិត្តឡើយ ដ្បិតព្រះយេហូវ៉ាដ៏ជាព្រះ គឺជាព្រះនៃអញ ទ្រង់គង់នៅជាមួយនឹងឯង ទ្រង់មិនដែលខាននឹងជួយឯងឡើយ ក៏មិនបោះបង់ចោលឯងដែរ ដរាបដល់អស់ទាំងការ ដែលធ្វើព្រះវិហារនៃព្រះយេហូវ៉ានេះបានសំរេច ២១ ហើយមើល មានវេនពួកសង្ឃ និងពួកលេវី សំរាប់គ្រប់ទាំងការងារក្នុងព្រះវិហារនៃព្រះដែរ ឯអស់អ្នកណាដែលស្ម័គ្រចិត្ត ហើយមានថ្វីដៃខាងឯការអ្វីក៏ដោយ គេនឹងនៅជាមួយនឹងឯង ដើម្បីនឹងសំរេចការនេះ ចំណែកពួកចៅហ្វាយ និងបណ្តាជនទាំងអស់គ្នា គេនឹងនៅក្នុងបង្គាប់ឯងដែរ។
ការយល់ដឹងពីអត្ថបទ
ស្តេចដាវីឌបានបញ្ជាឱ្យបុត្រារបស់ទ្រង់ឈ្មោះសាឡូម៉ូនសាងសង់ព្រះវិហារបរិសុទ្ធ ដោយបានប្រគល់ផែនការស្ថាបត្យកម្មលម្អិតដែលទ្រង់បានទទួលដោយផ្ទាល់ពីព្រះ។ រួមជាមួយគំនូរព្រាង ដាវីឌបាន ផ្តល់នូវការណែនាំសម្រាប់គ្រឿងសង្ហារិមព្រះវិហារបរិសុទ្ធ រៀបចំកងពលលេវី និងផ្តល់នូវការសន្យាដ៏មានឥទ្ធិពលអំពីវត្តមាន និងការផ្គត់ផ្គង់របស់ព្រះ។អត្ថបទនេះសម្បូរទៅដោយប្រធានបទទេវវិទ្យាដែលសង្កត់ធ្ងន់លើការរចនារបស់ព្រះជាម្ចាស់ ការគ្រប់គ្រងដ៏ស្មោះត្រង់ និងការយកឈ្នះលើការភ័យខ្លាចតាមរយៈវត្តមានរបស់ព្រះ។ ចំណុចសំខាន់ៗរួមមាន៖-ដាវីឌបានប្រទានឲ្យសាឡូម៉ូននូវ «គំរូ» សម្រាប់ព្រះវិហារបរិសុទ្ធ មិនត្រឹមតែអគារនោះទេ ប៉ុន្តែក៏មានឃ្លាំងទ្រព្យ ទីធ្លា អាសនៈ និងព័ត៌មានលម្អិតជាក់លាក់សម្រាប់ប្រដាប់ប្រដាមាស (ដូចជាជើងចង្កៀង តុ និងហិបនៃសេចក្ដីសញ្ញា)។ -ដាវីឌបានសង្កត់ធ្ងន់ថា ផែនការទាំងនោះមិនមែនជាផលិតផលនៃជំនាញស្ថាបត្យកម្មរបស់គាត់ទេ ប៉ុន្តែជាអ្វីដែលព្រះបានធ្វើឲ្យគាត់យល់ «ជាលាយលក្ខណ៍អក្សរជាលទ្ធផលនៃព្រះហស្តរបស់ព្រះអម្ចាស់មកលើខ្ញុំ»។ -តាមទ្រឹស្ដីសាសនា នេះឆ្លុះបញ្ចាំងពីគំរូដែលបានប្រទានដល់លោកម៉ូសេនៅភ្នំស៊ីណៃសម្រាប់រោងឧបោសថ។ វាគូសបញ្ជាក់ពីគោលការណ៍ដែលថា ទីគង់នៅរបស់ព្រះត្រូវតែសាងសង់តាមព្រះហឫទ័យ និងប្រាជ្ញារបស់ទ្រង់ ដែលនៅទីបំផុតចង្អុលទៅព្រះយេស៊ូវជាព្រះវិហារបរិសុទ្ធពិត និងសាសនាចក្រជាទីគង់នៅខាងវិញ្ញាណរបស់ទ្រង់។
១. តើខគម្ពីរមួយណាដែលជាព្រះបន្ទូលរបស់ព្រះប្រទានមកខ្ញុំនៅថ្ងៃនេះ?
………………………………………………………………………………………………………………………………………………………………………………………………..។
២. ហេតុអ្វីបានជាព្រះទ្រង់ប្រទានខគម្ពីរនេះមកខ្ញុំដូចច្នេះ?ទូលបង្គំនឹងទទួលតាមទ្រង់។
………………………………………………………………………………………………………………………………………………………………………………………………..។
៣. ប្រសិនបើកូនបានស្តាប់ព្រះបន្ទូលទ្រង់ហើយតើទ្រង់នឹងប្រទានអ្វីមកដល់ទូលបង្គំ?
………………………………………………………………………………………………………………………………………………………………………………………………..។
សេចក្តីអធិស្ឋាន
………………………………………………………………………………………………………………………………………………………………………………………………..។
